اهلا بعضوات لك الحلوات

حبيت احط لكن هالموضوع المفيد جدا وهو عن الهدايا و تغليف الهدايا وكل ما يتعلق فيها..

علشان ما نغلف الهديه باكثر من ثمنها وعلشان نعرف اتكيت الهديه ...

oOo( اتكيت الهديه )oOo

في مناسبات وايد نمر فيها لازم نقدم فيها هديه.. ومرات بدون مناسبه

لازم نطبق الحديث النبوي ( تهادوا تحابوا ) علشان تنتشر المحبه بينا..

و بعضنا ما يختار الهديه ولا يقدمها عدل .. فتصير الهديه مالها قيمه

..ياما هدايا حبيتها رغم بساطتها والسبب طريقة تقديمها الحلوه

وياما هدايا طاحت من عيني بسبب تغليفها الرديء..

فبقولكم في هالموضوع نقاط علشان تكون الهديه مالتكم توووب

اول شي: لازم تكون الهديه طالعه من القلب
يعني محد يغصبك انك تعطي الشخص الفلاني هديه وانت ما ودك..
جذي راح تطلع وايد بايخه الهديه"
كلما كان الإهداء عن قناعة و شعور بالأهمية كانت ثماره أكبر

"

ثاني شي: للهدايا انواع لازم نفرق بينهم..


أ- هدايا واجبه : مثل الهدايا التي يقدمها الوالدين لابنائهم.. وهدايا المناسبات : ولاده , تخرج, عيدميلاد, زواج .. الخ
هذولي الهدايا لاااا يجب اهمالهم اذا اهملتهم تركت اثر سيء جدا على الاشخاص ..

ب- هدايا غير منتظره : اهي تكون هدايا غير منتظره كاهداء زوجه ارضت زوجها بفعل ما
او زوج ساعد مرته في عمل مثلا ساعدها في غسيل المواعي ..

والهدية اهي كوضع الثلج في قلب المهدى إليه فينساب منه نهر
حب يروي النفس فلنكثر من هكذا هدايا ليبقى نهر الحب دائم الجريان في قلوب الآخرين تجاهنا << عجبتني هالجمله

ثالث شي : لازم نراعي ان الهدية ترضي الله عز وجل حتى يبارك فيها وتؤتي ثمارها..
ولازم ما نفضل احد على احد بالهدايا علشان محد يزعل..
فما تعطي ولدك الاول وتهمل الباجي ولا تهدين صديقاتج وتتركين وحده ..

رابع شي: الهديه مهمه للزوجه
هدية المرأه لأنه الحياة الزوجيه لا تخلو من المشاكل ..
فالرجل قد يجرح مرته بغير قصد وكون المرأه المسكينه حساسه ومن النوع اللي تسكت عالمصايب
فلازم تهديها هديه حلوه من فتره لي فتره علشان تراضيها وتكون حياتكم سعيده

خامس شي: الهديه مو بس شي مادي..
خلك مبدع .. اهو كل شي حلوو ومحبوب لما تقدمه بقصد الهديه مثل تذاكر سفر
او زياره الى مكان ما او عمل طبق لذيذ..

سادس شي: لما تختار الهديه اختارها على مزاج المهدى اليه مو على مزاك انت..
يعني مثلا يقوم الزوج البطيني ويعطي مرته بلندر (خلاط) علشان بطنه
اييييليش؟ لو شاريلها ورده بخمس دراهم ابركلك ..

سااابع شي: العناية بتغليف الهديه ..
وكتابة كرت حلو وكلام طالع من القلب (مو بس حجي مصفصف ) وتكشخ الهديه بس بدون اسراف ..
يعني مثلا لوو تشتريلها طقم الماس وتغلفه بجريده بتعصب عليك ويمكن تحذفه من الدريشه.. فلازم تهتم بالتغليف

ثامن شي : طريقة تقديمك للهديه ..
لازم ما تكون جامد وتقدم الهديه بنفس جذي الهديه ما راح اتييب نتيجه
..يعني تخيلو واحد يدش على مرته بالمطبخ ويحذف عليها الهديه ويقول ونفسه خايسه "هاج بعد لا تقولين ما يعطيني هدايا!



ولا انه يدخل ويغمض عيونها ويقولها قولي منووو<< يستعبطويعطيها ورده حمره ويقولها تفضلي يا حبيبتي ..
اي الكلام احلا برايكم؟؟

تاسع شي: لما تستلم الهديه..

شلون تتصرف؟
اول شي خطأ انك ما تفتح الهديه الا بعدين << يعني ثقيل وهو مداخل متشقق
وبعدين تبتسم وتقول لييش كلفت على روحك
ومن هلاكلام الزين ولما تبطلها تقول الللللللللله شحلاتها << يعني لازم تونس اللي يايبلك الهديه
وتجامله اذا تطلب الامر

وبهذه الخطوات انت طبقت اتيكيت الهدية كلها
وبتكون هديتك المميزة عند اللي عطيته الهدية

تحياتي

شمس

جنااااااااااااااان

تسلم يمينك

تسلمون خواتي ع المرور

بورك فيك

هذا الموضوع خوووووووووووش هدية لي

الله يعطيك العافية .. موضوعك أسعدني .. و بانتظار جديدك

كتبت بواسطة rama1100

بورك فيك

تسلمين حبوبة ع المرور الغاوي

كتبت بواسطة lemo

هذا الموضوع خوووووووووووش هدية لي

الله يعطيك العافية .. موضوعك أسعدني .. و بانتظار جديدك

تسلمين اختي ع المرور

افرحتيني بردج

نورتي الصفحة

موضوع رائع
تسلمي