في البداية حابة اشكر المشرفة العظيمة رنوش لا نها هي من ساعدتني في الافكار التي استقبلت بها الحجاج
اهل زوجي وخالتي واخوالي راحو يحجو ولما رجعوا احترت كيف استقبلهم فرسلت لرنا ع الخاص والحمدلله كان الاستقبال رائع
اول شيء زينت الدرج اختي الله يحرسها وهذي الصور
من فوق
من تحت
زينا الا كواب وصحون التقديم كانوا اثنين واحد للاكواب والثاني للتوزيعات اللي بنقدمها للضيوف
وحطيت في كل علبة مسبحة وعود
وكذا قدمت التوزيعات رصيتها في الصحن اللي زيناه
وغيرت كل المفارش للأسرة في البيت وفرشت لخالتي بمساعدة امي وخالتي غرفتها غيرناها لها كمفاجاة وحطيت لكل وحدة ولكل واحد هدايا على أسرتهم يعني الحاجة اللي تعجبهم وعمتي ام زوجي هديتها كانت سلة من العطور والعودة والبخور
وعملت الكروت وكتبت على كل هدية اتمنى ان تنال اعجابك بس للاسف ما صورت الهدايا لاني كنت على عجلة المهم
جهزت الفل والحلاوة على شان نزفهم بها اول ما يدخلوالبيت وكمان جبت مش عارفة ايش اسمه بس يجي زي العصاية ويصدر صوت ويخرج منه زي الورق والشرايط وكان استقبال جدا رائع الحمدلله والشكر الجزيل لرنا الله يجزاها كل خير
الروابط المفضلة