السلام عليكم الغاليات
اشحالكم ان شاء الله بخير
حبيباتي الحين بحط طريقة عمل توزيعات مواليد وان شاء الله تقدرون تستفيدون منها بطريقة مناسبة :icon18:
@@ ادوات العمل @@
ورق مقوى - مسطرة - مسطرة ورقية - قلم - صمغ ابيض - اشياء للتزيين ...
@@ الطريقة @@
لو عندج طباعة طبعي اي شكل بيضاوي ولو ما عندج وما تعرفين ترسمين مو مشكلة تابعوا معاي هنيه
1- فتحي برنامج الرسام
2- اختاري فرشاة شكل بيضاوي
3- هاتي ورقة طباعة عادي او دفتر مو مشكلة وشفي الشكل البيضاوي اللي رسمتيه في صفحة الرسام
4- بعد ما نشف الشكل نقصه لانه بيكون الباترون البدائي للعمل ..
5- نقصص عدد اثنين من الشكل البيضاوي على الورق المقوى طبعا ..
6- نقيس محيط الشكل البيضاوي بس بالنسبة لي انا ما اعرف كيف اخذ المحيط الناس الشاطرة في الرياضيات بيعرفون بس انا للاسف جربت وايد بس ما فهمت الموضوع علشان جي سويت لي مسطرة ورقية خاصة باشكال المنحنيات مثل الدائرة والاشكال البيضاوية وغيره :icon18: وقست حوالين الشكل كم قياسه طلع لي 24,5 سم
7- نقص مستطيل طويل عرضه 4سم وطوله 24,5سم ونحدد له الحواف اللي نحطي عليها الصمغ مثل ما هو باين في الصورة
8- نثني طرف المستطيل اللي على الجنب ونقصه مشرشر ونقصه بعدين واحد ايه وواحد لا بها الشكل
9- على الجزء المشرشر الناحية اللي برا نحط الصمغ الابيض نفس الصورة
10 - نلصق المستطيل على الشكل البيضاوي بالشكل التالي ونحاول انها تكون على الشكل بالملي لا طالع شوي ولا داخل شوي ,,
11- وعلشان نخلي شغلنا مرتب نخبي شكل النقظة السابقة نلصق الشكل البيضاوي الثاني اللي قصيناه قبل ,,
12- نرسم دائرة ونقصها قسمين متساويين على ورق عادي وبعدين نرسم بالقسمين عدد 2 نص دائرة ونزيد عليهم شوية قياس 1سم او نص سم ,, ونقصها مشرشر نفس الصورة
13- نلصق النص دوائر بها الطريقة واسفة اني نسيت اصورها بالتفصيل بس ان شاء الله تكون الفكرة مفهومة ^_^
14- نقوم بتزيين الشكل بشريط ذهبي ساتان + ثلاث وردات او بأي طريقة تشوفونها مناسبة
15- وهنيه قصصت خيوط البلاستيك اللي نستخدمها مرات في خياطة الكنفا وحطيت داخل العلبة وحطيت فيها بعد ربع تولة مخلط دهن عود بس ما بين للاسف وايد
16- وهذا هو الشكل النهائي بعد تغليفة بورق الهدايا ,,
********************
وان شاء الله يكون الدرس مفيد وبسيط ومفهوم وعلى قد مستوى الشكل المطلوب ,,
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
الروابط المفضلة