|
للبحث في شبكة لكِ النسائية:
|
النجم الفضي
السلام عليكم
بنات انا عايزة اعمل ليلة حناء بافكار جديدة ياريت تقولولى تجاربكم ولو حد من مصر وخاضة الاسكندرية بعرف ارقام سيدات بتنظم حفلات ليلة الحناء بالله عليكم قولولى لانى محتاجة ده جدا لانى مش حاعمل فرح ومسافرة لزوجى ومحتاجة اعمل حاجة حلوة عشان خاطر اهلى واصحابى هنا يفرحوا
النجم البرونزي
زيني البيت بفروع الزينة المضيئة و الزينة المعروفة
أعملي كوشة حلوة بالتل و الشايط
متعتمديش على الكاسيت العادي و أجري دي جاي ( طبعا اناشيد و ليس أغاني )
لأن صوت المعازيم يغطي على صوت الأناشيد في الكاسيت و الكمبيوتر
طريقة عمل تورتة حناء تحفة بس يا خسارة كان نفسي اعملها بالصور
بصي يا سيتي
هاتي تلات كراتين جزم أو حلويات شكل واحد مدورين أو مربعين بس احجام مختلفة
يعني كبيرة ووسط وصغيرة ولو مفيش كراتين تمشي صواني
و جليتر اللي هو البرونز بيتباع عند محلات البوية الكبيرة
وصبونة مبشورة
وورود طبيعية أو صناعية براحتك
و طبعا حنة حوالي كيلو
صينية كبيرة و أنيقة لتقديم التورتة
الطريقة
أعجني الحناء بماء و قليق من العطر ولا تجعليها سائلة جدا لسهولة تشكيلها يعني يكون قوامها عجينة
أقلبي الكراتين أو الصواني التلاتة فوق بعض بشكل هرمي تلات أدوار زي التورتة فوق صينية التقديم
جبسي الصواني وهي مقلوبة فوق بعض بعجينة الحناء حتى تغطيها تماما
يعني اللي يشوفها يظنها كمية كبيرة من الحناء معمولة على شكل تورتة تلات ادوار لكنه في الحقيقة هي صواني مغلفة بالحناء
ابشري صابونة ريحتها جميلة و ضعيها على جوانب التورتة
انثري الجليتر على التورتة كلها
ثم زينيها بالورود و ممكن ترشي حولها في صينية التقديم لولي و ترتر
على فكرة دي مش للإستخدام دي ديكور فقط
لو انا من اسكندرية كنت عملتلك الحاجات دي بنفسي
و بتطلع روووووووووووعة
لكن انا من المنصورة
النجم البرونزي
طريقة الكوشة
كرسيين صالون
طقطوقة
تل
بوكيه ورد
فرعين زينة تعرف بأسم ديل القطة
فرعين زينة مضيئة
الطريقة
هتجيبي 10 متر تل أبيض ( متخفيش رخيص المتر ب3 جنيه ولا 2 مش فاكرة )
بيتباع عند اللي بيبيعو حاجة السبوع
و أعمليه على شكل ستارة ملفعة على الحيطة طبعا مفيش عمود للستارة استخدمي سلوتيب عريض متخفيش هيلزق لأن التل خفيف
أ‘ملي شكل بسيط زي ده
والزقي فوق السولوتيب ورود ألزقيها بالشمع بس فوق السولوتيب مش على الحيطة أحسن الشمع بيلزق في الدهان بتاع الحيطة
ممكن تحطي فروع مضيئة تحت التل بتدي إضاءة ساحرة
أكتبي أول حرف من أسمك و أسم جوزك على الحيطة تحت الستارة بشريط ديل القطة اللي هو شريط الزينة المنفوش وراعي كل حرف فوق كرسي صاحبه
حطي الكراسي بميل شوية ناحية بعض تحت الحروف و حطي بينهم الطقطوطة و عليها بوكيه الورد
............وبس
عضو نشيط
ممكن تلبسي زي هندي وتعملي كوشه بطريقه هنديه ويفضل فيها البساطه
وتعجني حنا بشكل ثقيل وتحطي منه في اكياس هدايا صغار تقريبا اكبر من حبة الجوز يكون للضيوف وتحطي الباقي في طبق شكله حلو وتزينيه بأي طريقه تعجبش
اتمنى تعجبكم فكرتي
النجم الفضي
ميرشى ليكى ياقمر ويا بنت الاصول ربنا يخليكى على افكارك يارب كنتى من اسكندرية عشان تنورينى يا حبيبىكتبت بواسطة بنت أصول
النجم الفضي
[quote=بنت أصول;7929855]طريقة الكوشة
كرسيين صالون
طقطوقة
تل
بوكيه ورد
فرعين زينة تعرف بأسم ديل القطة
فرعين زينة مضيئة
الطريقة
هتجيبي 10 متر تل أبيض ( متخفيش رخيص المتر ب3 جنيه ولا 2 مش فاكرة )
بيتباع عند اللي بيبيعو حاجة السبوع
و أعمليه على شكل ستارة ملفعة على الحيطة طبعا مفيش عمود للستارة استخدمي سلوتيب عريض متخفيش هيلزق لأن التل خفيف
أ‘ملي شكل بسيط زي ده
فكرتك جميلة ياقمراية تسلمى يا حبيبى
النجم الفضي
الفكرة تحفة ياقمر ربنا يخليكى
النجم الفضي
بنات طيب انتم مش معاكم ارقام تليفونات سيدات بتنظم حفلات زى الشو النوبى وكدا ؟؟؟؟؟؟
أعضاء قرؤوا هذا الموضوع: 0
رد مع الاستدلال
الروابط المفضلة