من العايدين >>> شوفوا صور حفل العــــــيد ...
كل عام و أنتم بخير
السلام عليكم ورحمة الله وبركاته
كل عام وأنتم بخير وصحة وعافيه ولو أنها متأخررره .. بس بعد زحمة العيد كل شيئ مقبولبعد ماانتهى العيد أعاده الله علينا وعليكم بالمسرّات والخير والبركة , وبعد ماكل واحد راح لبيته وفضى لنفسه وعيالهحبيت أنزل هالموضوع عن تجهيزات عيدنا أشارككم بأفكاري يمكن تستفيدون منها ان شاءالله ويارب تعجبكم ,كل شي بالعيد كان من تجهيزي باستثناء البوفيه جاهز بس اختيار الألوان وتجهيز الكماليات والورد وكل شي بالصور قمت فيه شخصيا
نبدأ نشوف الصور .-قولوا ماشاءالله –
أول شي تجهيز الصالة .
استخدمت الألوان الفوشي – الأخضر – البرتقاليوتعمدت ابتعد عن الألوان التقليديه لإني حبيت الاجتماع يعكس فرحة العيد بألوانه : )باين بالصورة فازات الورد على أطراف الطاولة والحلويات والشوكلاطات حوالين الطاولة وأسفلها أيضا ( للأسف ماأخذت لها صور L )والمناديل والشموع مزينة بنفس الطريقة
صورة مقربة لفازة الورد الموضوعه على الطاولة تبين تفاصيلها ,
صينية تقديم الشوكلاطات من الأعلى ( هذي عملتها عند محل ) الورد الطبيعي بالخلف وبين السلال .. سلال ملونة وكل سلة فيه نوع شوكلاطات مختلف
صورة للصينية من الأمام وباين ترتيب نوع معيّن من الشوكلاطات في المقدمه والباقي في السلال
صورة من بعيد للصينية كاملة .. غطيت أطرافها الأربعه بهدب أخضر طويل وزينته بالكريستال تعطي شكل جدااا رائع وقت التقديم للضيوف
صورة مقربة أكثر للصينية من الأمام . تظهر تفاصيل الشوكلاته
الورد الطبيعي والشوكلاطات .. ( الوردة الي بالزاوية اليمنى تحت .. موزعة على كل الصينية ويقطفونها الضيوف وبداخلها شوكلاتة صغيرة مغلفة بالذهبي كما هو موضوح )
أعواد الشوكلاته على اليمين + شوكلاته الكورن فليكس مغلفة بالفوشي بسلة برتقاليه
أعواد الشوكلاته اللذيذه بشكل أوووضح
صورة أخرى لشوكلاته مختارة من صينية التقديم .
بعد ماانتهيت من عرض صور لصينية التقديم الرئيسية للشوكلاطات .. بعرض صور لصواني مختلفة وزعناها على الضيوف وهي عباره عن هدايا وشوكلاطات .. نأخذ نظره عليها
هذي شكل الصينية بعد الترتيب .. وقبل توزيعها على الضيوف
وهذي صورة مقربة لأحد العينات تبيّن شكل الهديه .. وهي عباره عن مرايه + قطعه شوكلاته مثلثله كبيره من جوي + زينه على شكل ورده بالفوشي والبرتقالي + كرت معايده
صينية هدايا أخرى لبعد العشاء , ومثل ماهو موّضح بالصورة المصغره تحت يمين .. عبارة عن ظرف من قماش حريري ب 3 ألوان أخضر ، بنفسجي ، برتقالي ومربوطه بشرائط متعاكسه الألوان .. وبداخلها منديل معطر برائحة دهن العود +بولو+مستكة+ حلاوةمص صغيرونة +عود اسنان مغلف ومعقم ...بس
هذي صورة لعلبة السكر .. زينتها بنفس ألوان الصالة ..
وبعد ما انتهينا من الصالة ومن صواني التقديم .. حيّاكم للعشا : )
البوفية بشكل كامل .. الطاولات والكراسي وطاولة البوفية كلها باللون الأبيض ومزيّنة بالألوان ..
نقرّب شوي ونشوف التفاصيل مع بعض
طاولة الأكل من الأعلى ( للأسف صورتها قبل ترتيب الملاعق والشوك والصحون اعذروني)
طاولة الأكل من الجنب ( بالوسط قطعة من الجلد الفوشي وبالوسط تل أخضر وعليها حوض ماء ملّون فيه ورد مجفف برتقالي وجواتة شموع تطفو على سطح الورد المجفف بس للأسف ماصورتها بعد ماحطيتها)
صورة مقرّبة لحوض الماء الملّون والمناديل المغلفة بالشرائط والتل والورود
صور من البوفية .. نافورة العصير طبعا قبل وضع العصير فيها .. والكور المضيئة موضوعه حوالينها بشكل عشوائي .
أصابع بسكوت الشوكلاته ملفوفة بشريطه لاستخدامها مع نافورة الشوكلاتة
حلوى المارشمالو بجانب نافورة الشوكلاطه وبنفس الطريقة اعواد الكورسان( للأسف ماصورت النافورة
جانب من البوفية .. باقة ورد + حوض بشكل سمكة داخله شموع تطفو على الماء الملون .
صورة مقرّبة لباقة الورد .
وبذلك انتهيت من صور حفل عشاء يوم العيد .. الي جمعنا وأقاربنا الأحباء .. أتمنى يعجبكم واذكروا الله
وأنتظر ارائكم وملاحظاتكم الي تفيدني ووتفيد جميع العضوات ..
تحياتي
سوسن 55
رد مع الاستدلال
كتبت بواسطة Rana363
الروابط المفضلة