السلام عليكم:
خواتي انا من الدمام اللي تعرف تسوي توزيعات زواج حلوه ومميزه
وسعرها كمان حلو تقولي لاني عندي زواج اخوي ومحتاجه مساعده منكم
الله يجزاكم الجنه
للبحث في شبكة لكِ النسائية:
|
السلام عليكم:
خواتي انا من الدمام اللي تعرف تسوي توزيعات زواج حلوه ومميزه
وسعرها كمان حلو تقولي لاني عندي زواج اخوي ومحتاجه مساعده منكم
الله يجزاكم الجنه
والله انا من الدمام بس والله ما أعرف حد بس انشالله البنات يفيدوكي
عزيزتي انا اسوي توزيعات للزواجات
عندي سكر حركات للمناسبات
الادوات
والشرائط
وبيض الحمام
وعمل البطاقات
وعمل العلاليق
والأهم ثم الأهم
الأستاند اللي عليه بنعلق هالفساتين
طبعاً دخنا دوخة يالله حصلنا أحد يخيط لنا الفساتين وهم عبارة عن 200 قطعة .. يعني 200 فستان
الخياييط درنا عليهم معظمهم محد راضي يخيطهم والسبب الحجم
وبعدين حصلنا وحدة تخيط في البيت مفارش أطفال وأطقم أطفال.. وخليناها تسويهم لنا بمساعدة خالتها لأن خالتها بعد تخيط.. وسووهم لنا بالوقعة والطحنة لأن واجد طولوا عندها وكل شوي يقصر الخلق وأضطر أروح اشتري بالخمسة والستة متر.. تقريباً أكثر من 12 متر خلق من النوعين كلفني ( الستن والتور ) وحوالي 5 قبات شرايط عشان حمالات الفستان.
بعد ما جبناهم من الخياطة.. كان لازم نتجمع ونسوي أكياس من شرايط عريضة ونحط فيهم حبة من بيض الحمام ووردة ونلصقهم في وسط الفستان.. هذي صورة أول دفعة كملناها عبارة عن 84 فستان تقريباً
وهذي صورة لمجموعة صغيرة من بيض الحمام داخل أكياس الشرايط مع الورد اللي سويناهم
نجي إلى العلاليق اللي شغلهم كان شغل
حاولت أن اسوي شكل العلاق.. كنت اسويه بس ما كان مضبوط وما يعجبني.. وأبويي ما شاء الله عليه و الله يعطيه الصحة والعافية وطولة العمر.. ساعدنا واجد في هالعمل.. وله جزيل الشكر والامتنان
سوى إلينا باترون من ألمنيوم بنفسه شكله ولحمه على شكل علاقة.. كل اللي علينا أن نلف السيم عليه ونشكل العلاقة
وهذا هو الباترون
وهذي صورة للأسيام اللي سوينا منهم العلاليق
طبعاً شكر خاص إلى أخويي اللي سوى إلينا العلاليق وساعدنا واجد.. لكن ما هنا ليه إلا يوم أخذ من عندي 10 دينار :1: 200 علاقة حسب الوحدة بنص :1: لكن بعد دخلناها من ضمن حسبة الفلوس والكل شارك ودفع
وأكي العلاقة بارزة حاملتنها فطوم بت أخويي :1:
200 علاقة.. هذا حجمهم وشكلهم وهم كلهم على بعض!!
خلصنا من مشكلة العلاليق.. نجي ألحين إلى الستاند اللي أخذ منا شغل واجد ووقت طويل.. وساعدنا فيه بالدرجة الأولى أبويي الله يخليه ويطول عمره
فكرة الستاند مالنا عبارة عن كوشة عروس مصغرة!
المشكلة أن فكرة الكوشة شوي معقدة.. وكنا بنخلي محل يسويها .. ورحنا محل عجزنا واحنا نشرح لهم بالغصب استوعوبوا احنا شنو نبي.. وبعدين قالوا لنا جيبوا لنا انتون الطاولة واحنا بس بنزينها!!
ما سوينا شي؟!! قلنا لهم انزين بجم بتزينونها؟؟ قالوا 20 دينار!!!!
على تزيين بس 20 دينار؟ صلي على النبي! بتجيبين الطاولة احنا بنزينها ما عليه .. بالعكس يعني ..
طبعاً هني يأسنا عدل
وكنا نبي نسوي الستاند بأي طريقة
اقترحت على أبويي ان يسوي لنا الطاولة.. على ان تكون بارتفاع معين وحجم معين.. واحنا علينا التزيين وكل شي
وفعلاً.. وافق أبويي واشتغل على الطاولة
وهذا محور الطاولة مع مجموعة الخشب
أبويي وهو يشتغل عليه
بعد ما اكتملت القاعدة.. الشكل المبدئي ( هوليكبتر )
لكن بعدين وبعد التعديل والتشطيب وإضافة القاعدة العلوية للطاولة والسفلية
الحين وبعد ما اكتملت الطاولة بغينا نضيف لها حلقتين فوق بعض من تحت الطاولة بحيث نقدر نعلق الفساتين فيهم
وكانت الحيرة كبيرة! شلون نسوي الحلقتين.. اذا سويناهم بالسيم بيكون ضعيف.. ويحتاج صيخ متين عشان يقدر يحمل الكم الكبير من الفساتين! وهذا يحتاج شغل لحام! ويكلف
وبعد تفكير طويل.. توصل أبويي إلى الحل
وهو
طبعاً أكيد عرفونه
غطاء مروحة ستاند قديمة.. أخذه أبويي وقص الجزء الوسط منه.. وشبكهم ببعض
وهذي مرحلة تركيبهم في الطاولة
بعدها صارت مرحلتين ما قدرت أصورهم
وهي مرحلة إضافة قوس فوق الطاولة من صيخ .. طبعاً ابويي سواه بعد
ومرحلة صباغة الطاولة اللي تبرع بالقيام بها أخويي ..بسبب انشغالنا بأشياء ثانية مهمة بعد
وبعدين أخذناها إلى نجار لضيق الوقت عشان يضيف لنا قوس خشبي فوق الطاولة وعلى حجمها وبإرتفاع أكبر من القوس المعدني
قياس قطر الطاولة 28 إنج.. القوس على حجم الطاولة وبإرتفاع 15 إنج
رفع الطاولة تقريباً 27 إنج
وهذي صورتها بعد إضافة الأفواس والصباغة
ولأني ما أحب أشوقكم واجد
بتكلم عن كل شي بالصور..
وهني بدينا بالمرحلة النهائية من الستاند لأن اكتمل عندنا الشكل العام لها
هذي طريقة تثبيت القوس الخشبي
ألحين الشغل علينا
بدأنا بتزيين الستاند ( الطاولة ) عشان نحول كل هالخشب والخردة إلى كوشة عروس مصغرة تحمل الفساتين الصغيرة
بدينا نغطي الطاولة بقماش ستن أوف وايت مع التزيين بسلاسل اللؤلؤ ( خرز )
وهني بدينا بالمرحلة النهائية من الستاند لأن اكتمل عندنا الشكل العام لها
هذي طريقة تثبيت القوس الخشبي
ألحين الشغل علينا
بدأنا بتزيين الستاند ( الطاولة ) عشان نحول كل هالخشب والخردة إلى كوشة عروس مصغرة تحمل الفساتين الصغيرة
بدينا نغطي الطاولة بقماش ستن أوف وايت مع التزيين بسلاسل اللؤلؤ ( خرز )
بعدها حطينا طبقة التور والأورجنزا على القوس عشان يشكل نصف قبة.. وتزيينه بورود صغيرة
الشكل الشبه نهائي.. من الأمام
مع إضافة بعض اللمسات على شكل ستارة وورود.. ونثر الخرز والورد
تقريباً جهز الستاند عندنا باقي بعض التعديلات البسيطة وإضافة الفساتين
الحين الفساتين يحتاجون كروت
وهالكروت لازم تحمل اسم العروس ( تهنئة لها ) وتحمل اسم مقدم هذي الهدية
وبما أن شلة 2.2 اشتغلت على هذا كله
صممت أني كارد من ورا وقدام.. عبارة عن باتج أو نمرة الثياب الجدد اللي أول ما نشتريهم يكونون موجودين على الثياب ونشيلهم
وهذا شكل التصميم.. مع حذف الأسماء ولكن الفكرة واضحة
وهذا من الخلف...مع حذف الأسماء بعد.. ( ملاحظة.. الشكل الخلفي كان فيه 4 أنواع.. كلهم نفس الشكل بس مع تغيير الكلام والعبارات )
بعد ما طبعنا هالبطاقات بشكل مصغر.. شكيناهم في الفساتين بخيوط.. بعضهم صاروا بخيوط ميدار عشان يبينون كأنهم فعلاً مال محل ولضيق الوقت.. اضطرينا أن نسوي نص ونص.. يعني بعضهم بخيوط ميدار وبعضهم بخيوط عادية
حطيناهم في الستاند.. وأضفنا جلتر على الطاولة وكرسي إلى العروس مع تزيينه بوسادات وشوي من الورد
من ورا
أضفنا على الكوشة باقة.. احنا صانعينها.. كل وحدة فينا أضافت شي من لمساتها عليها :1:
وهذا شكلها على الكوشة
التوزيعات هذي خليناها على المسرح جنب العروس عشان لما يجي احد يسلم عليها تعطيه منهم
خلص الموضوع
مشاء الله ولاحول ولا قوة الابالله ياساندروس عمل فنى وانجاز روعه الله يعطيك الصحه واللى ساعدكم وخاصه الوالد الله يخليه لكم
ماشاء الله عليكم شغل مرتب ومتعوب عليه بس ياليت لو حاطين ورد طبيعي حول الكوشه من فوق
سامحيني اذا ردي ما اعجبك
وفي انتظار جديدك
تعاون رائع وعمل اروع
أنا أعرف وحدة أهلي سوو عندها العام الماضي وكان شغلها روعة الكل أعجبه في زواج أخوي سوت لتوزيع وملبسات وصندوق بس الصندوق من عند أهلي وهي عبته وزينته إذا تبين رقمها أعطيك إياه
الروابط المفضلة