السلام عليكم ورحمة الله

شحالكم بنات

يمكن اهني مش مكان الموضوع ولازم ينحط في الاشغال اليدوية

بس هذا يمكن يكون مكمل حق موضوعي القبلي

بنات الله سبحانه وتعالى رزقنا العقل والفكر والفهم

مش عشان نعتمد على غيرنا في كل شي

ونيلس احنا وندفع وتنأكل فلوسنا بالباطل

======

بنات استغلوا افكاركم في عمل الكوشة

والمكسار بدون تدخل من احد وعلى راحتكم والشغل بيطلع احلى

وبتوفرين فلوسج في اشياء ثانية



========

المهم هذي كوشة انا سويتها في البيت كانت عندنا ملجة ولد حميتي من اسبوع

والصور صورتها اليوم الثاني من الملجة بعد ماتذكرت واختربت بعض الاشياء

وماكلفتنا الا شيء بسيط والملجة صارت بسرعة بسرعة اليوم شريت واليوم الثاني الملجة



شريت ثلاث قطع اوركنزا وستان وقطعة نوع استرج بالوان متقاربة

الاسترج حق تلبيس الغنفة

والقطعتين ربطتهم بالمروحة فوق ونزلتهم على اليدار

وعقب سويت فيهم حركات وحطيت ورد صناعي على الصوبين وشرايط صغار على القطعة الستان

وكانت كندورة العروس اخضر وذهبي فكانت الكوشة بلون ذهبي

وراحت الصالون تسوي شعرها والمكياج

فاتصلت فيني وقالت انها تباني امكيجها ماتبا الصالون

الحمدلله الكل عيبتها الكوشة والمكياج

شوفو الصور وعطوني رايكم











والسموحة

ماشاء الله تبارك الله حلوة كثير والوانها متناسقه
الله يعطيك العافيه

وعليكم السلام ورحمة الله وبركاته

سلمت يمناكي على الكوشة الرائعة
الموضوع مكانه في ركن الحفلات والهدايا
وليس الأشغال اليدوية يعني انك وضعتيه صح .

الله يعطيكِ العافيه
سلمت يداك على هذا العمل الرائع والالوان الروعه
تقبلي تحياتي



ام المحرس

و عليكم السلام ورحمة الله و بركاته

شغل حلووووووو مرتب و ألوان متناسقة

الله يعطيك العافية و بانتظار مشاركاتك القادمة باذن الله

ما شاء الله
رائعه
تسلم ايدك

واو ماشاء الله شغل متقن يعطيك الف عافية على الابداع

رنا
لوز
ام المحروس
فرح ومرح
هاجر
كيرلي
بارك الله فيكم على الردود الطيبة
وردوكم هي الاروع
ولاتحرموني من تواصلكم
والسموحة

ماشاء الله عليج
واااااااااااااااااااااااااااااااااااااايد حلو و يهبل

مشكورة

ما شاء الله جميله جدا