انا حبيت اتعرف على كل دوله وعاداتها في الاعياد
الرجاء منكم اخواتي الشتراك واعطاء اراكم وافكاركم
لاني حابه اتعرف عليها وانا رح اعطيكم شو بنعمل في العيد في بلدنا فلسطين وخصوصا القدس
مشاركتكم تسرني جدا

يسلموا على الفكرة الرائعة ...



لي عودة ببرنامجي في العيد باذن الله



لكن بشكل عام أحضر مفاجأة لأهلي صباح يوم العيد و برنامج ترفيهي شامل لارضاء جميع الأعمار



و بانتظارك أختي لؤلؤة فلسطين

الى صديقتي لؤلؤة فلسطين اريد ان اهنئكي بمناسبة عيد الاضحى المبارك وكل عام وانت بالف خيراختك وصديقتك قمر فلسطين

مساء الخير
حابه اقلكن شو بنعمل في عيد الاضحى
اول ما يبدا الموذن يهلل للعيد بنصحا من النوم وبنرتب البيت وبنصحي الاولاد
بروح الاب والاولادعلى الصلاه بعدين بنبلش نحضر للعيد
بنلبس البنات الصغار وبنجهزهم للانطلاق على الاقارب والاهل
احنا ساكنين في وسط الاهل يعني كل الي حوالينا اخوتنا واعمامنا واقاربنا
وبقدم ضيافه بعمل كروسان وبعمل سلطة فواكه ومهلبيه ومكسرات وشوكولاته وطبعا القهوه
وبعد الصلاه ببلشو الاهل يلفوا على البيوت
وبعيدو بناتهم وبنات اخواتهم وبنات اخواتهم واخواتهم بنسميها>عيديه وهو مبلغ من المال
ويستمر هذا الى فترة الظهر
بعد هيك الكل برجع على بيته وبرتاح شوي وبتغدى
بعد العصر ينطلقو الاطفال الى اللعب مع اولاد الحاره
والبنات بروحوا عند اهلهم يعيدوا عليهم
طبعا الي بدو يضحي بروح على طول بعد الصلاة الى الجزار لكي يذبح الاضحيه او يذبخها في البيت عنده ويوزع الثلث والباقي بعزم عليه البنات والاولاد ثاني يوم العيد

وثالث يوم او ثاني يوم بروح الاب مع ابائه الى رحله او شمة هوا
طبعا مش كل الناس عندنا بقدروا يروحو
رحل بسبب العوائق الي من الحتلال
يمنعهم وينكد علي

نور الركن ببنات فلسطين ... الله يردها لنا و يحررها من الصهاينة



بالنسبة لنظامنا بالعيد

بنصحى الفجر نستعد للصلاة كلنا من صغيرنا لكبيرنا

نطلع نهلل و نكبر و نروح مصلى العيد نصلي

نعايد على جيرانا و قرايبنا هناك بعدها نرجع على بيتنا

*****

بس نرجع البيت بنعايد على بعض

نفطر فطور العيد

بعدها عندنا توزيع الهدايا و العيديات

طبعا ننشغل ساعة مع اخواني و العابهم

بعدها يا نطلع نتمشى يا نطالع فلم او مسرحية للاطفال بالتلفزيون

****

كل يوم من ايام العيد يكون الغدا عند واحد من العيلة و احيانا العشا كمان

اذا ما كان في عشا طلعنا بعد المغرب نتمشى و نلعب العيال و نتعشى برا

****

لما يخلص دور العزايم نطلع طلعات عائلية على مدن الترفيه أو الشاليهات

...........

هذا كان المخطط العام للعيد و بانتظار مخطط قمر فلسطين