بسم الله الرحمن الرحيم[CENTER]
اخواتي اللذيذات انا اول مرة بشارك معاكم ومتابعه كل المواضيع بس معلش فيا طبع بايخ اني كسوله جدا في الرد عارفه ان كده عيب وبحاول اغير من نفسي لان كده مش بكون بدي للمواضيع الرائعه دي والمفيده حقها
بس انا عارفه انكم مش هتعايقوني وتخذلوني لما اطلب مساعدتكم
انا ان شاء الله عن قريب خطوبتي او بمعني اصح فاتحه بس فهنعمل احتفال بسيط في البيت عندنا وبالخص عند جدتي لان اهلي مسافرين وهينزلوا اجازة قصيره علي القد وبالتالي مش هنلحق نفتح بيتنا ونوضبه
وبالتالي الاحتفال هيكون عند جدتي وطبعا بيتها اكيد مش حديث بس الصالون اللي هنعمل فيه الحفله واسع وكويس انا عندي شويه افكار بس برضه عايزة ازداد من افكاركم
احنا في مصر العائلتين بيجتمعوا عادي والعريس والعروسه وهكذا فياريت لو تكرمتم عليا تنزروني بالافكار الرهيبه دي ونشوف كده مع بعضينا انا اول مرة اطلب حاجه وعارفه انكم قدها وقدود ولو حتي محدش رد عمري مهزعل كله مشغول اليومين دول وكل سنه وانتم طيبين
ويارب يبلغنا ليله القدر ويستجاب دعانا فيها اللهم امين[/CENTER]
الروابط المفضلة