السلام عليكم ورحمة الله وبركاته

كيف حالكم يا غالياتي ؟؟

جايتكم بطلب وأتمنى تساعدووووني فيه ..

أبي اهدي وحدة من صديقاتي كتاب .. بس ماني عارفه كيف أعطيها اياه !

يعني مو حلوه أمد لها الكتاب بيدي

ودي بحركة حلوه مثلكم ..

عشان البنت تنبسط فيها أكثر وتكون ذكرى ..

فأيش تقترحون علي ؟؟


وجزاكم الله خير

بسم الله الرحمن الرحيم
السلام عليكم ورحمة الله وبركاته
اهلين اختي روعة العطاء با المناسبه اسمك حلو مره
اولا اكتبي لها اهداء على اول صفحه داخليه من الكتاب
مثلا: بسم الله الرحمن الرحيم
اختي وصديقتي العزيزه ....................
اهديك هذا الكتاب عسى الله ان ينفعك به
وبس
اكتبي اسمك وتوقيعك والتاريخ مهم
غلفيه بقماش اورغانزا او حطيه بكرتون من محلات تغليف الهدايا او شبك له غطاء ولا تحطين معاه كرت لانك كتبت الاهداء داخل
اه نسيت قبل تعطينها اياه بوقت جيبي قطع مناديل ورشي عليه عطر ووزعيه داخل الكتاب واذا جيتي تعطينها اياه شيليهن لان الريحه بتضل على طول صدقيني هذي من تجربه
اعذريني كلامي كثير بس اتمنى يكون مفيد

يسعد لي ياااااااااااااااااااااااااااااااااااااااااااارب حواءنجد

الله لا يحرمك خيره حبيبتي ..

بس لو سمحتي سؤالين :

1- كيف أغلفه بالأورغانزا ؟ نفس طريقة تغليف العلب ؟؟؟؟

2- ايش قصدك بالشبك اللي له غطاء ؟


طريقة المناديل عجبتني مرررررررررررررررررررررررررررررررررررررررررة


الله يجزاك خير .. واذا عندك أفكار حلوه مثلك هاتيها

ربي يجزيك الجنة ,,

السلام عليكم

اختي جبت لك بعض الأفكار اتمنى تفيدك






ممكن تحطينه في كرتون هدايا جميل وقصصين ورق كريشة ملون في الأسفل



او في سلة وزينها بطريقة حلوة





اوغلفية بتجليد حلو




اوعمل كيس جميل ولي موضوع عن طريقة خياطة كيس من الجوخ

و عليكم السلام ورحمة الله و بركاته


حياك أختي ...


ممكن تجيبي صندوق كرتون صغير للهدايا


تجيبي ورق مقطع صغار وورد مجفف تحطيه بأرض العلبة


تحطي الكتاب فوقهم


و تحطي عليه بطاقة اهداء و ترجعي تنثري ورد مجفف


و في مواضيع بركن الافكار عن طرق تزيين الكراتين


أو ممكن تجيبي علبة جاهزة


و الأخوات بعد ما قصروا يعطيهم ألف عافية

بسم الله الرحمن الرحيم
السلام عليكم ورحمة الله وبركاته
اهلين اختي روعة العطاء آآآآآآآآآسفه جدا على التأخير اعذريني حامل ومشغوله الله يعين
با النسبه كيف تغلفينه ب اورغانزااشتري لك نص متر قماش اورغانزا اللون الي تبين بس حاولي ما يكون ساده يعني مشجر او مقلم يعني مخطط
بعدين حطي الكتاب بوسطه والغلاف من جهة وجهك وبعدين جمعي القماش كله واربطيه بربطه قويه وبعدين حطي عليه ورد او على كيفك
بيكون شكله مثل صنية الحلى المغلفه يعني با القصيمي شوشه ان شاء الله يكون شرحي واضح واذا ما فهمت ردي واساليني
ودي احط لك صوره بس للاسف ما اعرف
واللصندوق الشبك الي له غطاء يكون مثل الكراتين العاديه بس موكرتون حديد او بلاستك او خيش واذا كنت با الرياض دليتك على محل عنده ها الشيء
وانا با الخدمه دائما
واذا مره ما عرفت تغلفينه با الاورغانزا روحي للخياط خليه يخيط لك با القماش الي معك عى شكل كيس الوساده مقاس الكتاب او اطول شوي عشان تقدرين تزينينه

اهلا وسهلا بك اختي

اولا غلفي الكتاب بطريقه حلوه سواء عند محل تغليف او انتي اذا كانت لديك هوايه

اذهبي به الى محل الورد واختاري سله مناسبه وورود ودعيه يضع الكتاب في السله وينسق لك الورود بطريقه جذابه

هذه الطريقه استخدتها في احد المرات