السلام عليكم ورحمة الله وبركاته ....
اخوتي لدي موااااقف من اطفااال ... مواقف مضحكة , مواقف محيرة , مواقف نتعلم منها نحن الكبار ....
الموقف الاول :
صار هالموقف واحنا في بيت جيرانا جاء عندهم بيت خالتهم من زماااااان ماشافوهم لانهم في الطائف وعنهم بنتين نجلاء (8 سنوات ) وندى ( 5 سنوات )..
وجاء البنات الصغار وخرجوا الشارع الا نجلاء وندى راحت قالت ندى ابي اخرج قالتلها نجلاء ياويلك من ماما
بعدين راحت ندى عند امها وقالت ماما ماما ابي اخرج الشارع مع البنات امها قالت لا ..
بس البنت مصرة مافي احد الا هي واختها والباقين كلهم بره راحت قالت ماما انا بخرج الشارع ومعي نجلاء شوي ونرجع قالت لا ..والبنت تحوس عند امها الله يخليك ..الله يدخلك الجنة ..ومن هالكلام راحت وهي تدور حول امها كبت الشاي ..
راحت امها صرخت عليها
وقالتلها طلعي من هنا بسرعة ...
راحت ندى جاءت عندنا وهي تبي تبكي قالتلها اختها نجلاء انتي الحين زعلت ماما روحي اعتذري منها قالت لا ماقدر استحي قدام الحريم .. قالت نجلاء تستحين تعتذرين منها وماتستحين تزعلينها ....
تخيلوا ماشاء الله عليها ... والله انها صادقة ...
الموقف الثاني :
انا كنت اقول لاخوي خالد صغير عمره (5 سنوات ) خالد اللي يقول سبحان الله على اصابيعه 3 دورات ( افهمكم يعني في كل يد على كل اصباع يقول سبحان الله ثلاث مرات ) ربنا يبنيله قصر في الجنة .. راح قالي وش يعني قصر قلتله بيت كبيييير راح سار كل يوم يقولها ونتسابق مين يبني بيته اول ....
وبعد اسبوع انا نسيت اذكره يقولها وافتكرت في الليل وهو رايح ينام قلتله خالد بنيت لك بيت قالي لا نسيت وانتي ؟؟؟ قلتله ايه انا سويت لنفسي بيت وااااا الحين مايصير في مكان لبيتك راح قالي خلاص انا ادخل معك في بيتك ...
قلتله لا مايصير كل واحد له بيت بروحه ..
راح سكت شوي وفكر وقالي لا مابي اكون ببيت لوحدي انا اخاف ....
قلتله لا تقدر تدخل اللي تبيه معك ببيتك ...
الموقف الثالث :
كان في اخت صاحبتيصغيرة (4,5 ) البنت زعلت ابوها لانه مارضي يشتريلها حلاوة ( في نص الليل قامت تبي حلاوة )المهم راح قالها ابوها خلاص فلانة ( بنت جارتهم ) بنتي وانا احبها راحت قالت وانا بعد خلاص عم فلان ( ابو بنت جارتهم ) هو ابوي وانت عمي .....
الموقف الرابع :
مرة خالي قاله جاره بالله جيب بنتي مع بنتك من المدرسة لاني عندي اجتماع ...
قاله خالي ابشر ولا يهمك ..البنت عمرها 7 سنوات سنة اولى ابتدائي المهم خالي راح لها وقت الصرفة وشافها واقفة شوي بعيد عن باب المدرسة راح قالها ريما ريما تعالي اليوم انا بوديك البيت ...
البنت ماردت .. راح ركب السيارة وجا لين عندها وقالها اطلعي ابوك قالي اوصلك لبيتك قالتله اصلا بابا قالي مااطلع ماحد في سيارته قالها ريما ماعرفتيني انا عم طلال قالتله لا ..
قالها يالله قالت بابا مارسلك .. قالها بلى ارسلني قالت لا بابا قالي كلمة انت لازم تقولها لي علشان اركب معك ...
راح خالي كلم ابوها وقاله على الكلمة وقالها لها وركبت ماشاء الله عليها ...
بعد ربع ساعة في الشمس ....
اتمنى اني كنت خفيفة على قلوبكم ..
تحياتي ...
الروابط المفضلة