بسم الله الرحمن الرحيم
أخواتي وإخواني ترددت كثير وأنا أكتب الموضوع , خايفة ما أعطيه حقه لأني مغيوظة بالحيل من الإعلانات التجارية , وأحس فيها بإهانة للرجل السعودي خاصة أنهم يطلعونه فارغ وخاوي من الداخل والخارج وماعنده هم في هذي الدنيا إلا يصطاد صحن جبنة كرافت ولا كيس رز ولايلحس علبة قشطة ولا يقول ** ليليييييي** بعد شفطة شاهي ولا يوقف سيارته عشان يلحق صورة دجاجة ولايدروخ من شربة شاهي وكأنه مقد ذاق نعمة , وياليتهم وقفوا عند الرجال لكن الأمر طال الصبيان ومثال لذلك مرة شفت إعلان كله يدل على غباء الطفل ... وهو يقول لأبوه يبغى يغير أمه مثل فيصل قام سأله الأب ليه تبي تغيرأمك ؟؟؟؟!!! قال عشان تطبخلي دجاج الوطنية , شفتم غباء أكثر من كذا ينسبونه للطفل السعودي بجة إعلانات !!!!! عجبي !!!!
والله احتقرتهم ماعمرهم حطوا إعلان يعز ويرز السعودي , والمشكلة ماهم سعوديين إلايسوون هذي السواة ناس مستأجرين وأهم شيء يلبسونه الثوب وينكس الشماغ والغترة ويصور الإعلان الفشلة حسبي الله عليهم .
بصراحة أكره أشوف تسخيفهم لرجالنا وأولادنا , مع إنه فينا المفكر والأديب والعالم والداعية والمجاهد والمنافح عن الدين والمبدع والأب الحكيم والأخ الحنون والابن البار , ونسوا إنه من هنا أشرقت شمس الرسالات ليصل بها أبنائها إلى أصقاع الدنيا .
هيا أعطوني رأيكم بصدق , أخاف أنامكبرة الموضوع وحساسة لأبناء بلدي .
sid sid sid
الروابط المفضلة