السلام عليكم ورحمة الله وبركاته
هل تعتقدون يوجد انسان في هالدنيا ماياكل
مستحيل
اذا من المؤكد انه تحدث مواقف مضحكه اثناء الاكل او مع الاكل او في عزومه
واحيانا تاكل شي بالخبز وهو يتاكل بالملعقه
والا تعتقد ان هذا هو الوجبه الرئيسيه ويطلع الحلى
واحيانا تشوف حاجه ونفسك تاكله بس ماتعرف كيف تتاكل..وتتركه وانت نفسك فيها والسبب ماتبغى تنحرج
هذي صارت معي صراحه بس ماني قايلها لانها فعلا تفشل
عموما ياليت الي حصل له موقف في عزومه والا في بيتهم والا وفي مطعم يكتبه هنا ومن غير مايستحي
اذا تستحي اكتب صديقي او صديقتي,,اذا كنتي امرأه
وطبعا بطريقتنا الخاصه نعرفه انه انت
وبما اني صاحب الاقتراح سوف ابداء بنفسي ::
كان ياماكان في قديم الزمان رجل وزوجته وعندهم ثلاث اطفال
اسف بالغلط
واحد يقول كان هو واهله جالسين ثلاث سنوات يأكلون المايونيز على بالهم جبن سائل ههههههههههههههههه
حتى ابوهم يقول ماشاء الله هالجبن رخيص مره
مو انا واحد ماعرفه

فيه مره عزمني واحد من الشباب يقول تعال تعشىمعانا الوالده مصلحه مكرونه بالباشميل
رحت عندهم وجاب مكرونه عاديه بالدجاج والطماط
استغربت رغم اني ماعرف وشو الباشميل بس اعرف المكرونه هذي لان الوالده دايم تصلحها
قلت له ياخي هذي مكرونتنا العاديه وين الباشميل
قال لحظه يمكن الوالده نسيته بالمطبخ
وراح للمطبخ وجاء وجهه احمر من الخجل
قلت وشفيك
قال امي طلعت ماتعرف وشو الباشميل بس سمعتها بالتلفزيون وحبت تدلع عندنا يعني انها تعرف تطبخ وماكانت عارفه اني راح اعزم اصحابي
قلت له عادي ياخي لا تخجل
واحد يقول ابوي جاب راس وحبت الوالده تطبخه بالقدر الكاتم ..ولكن اذن الراس سدة الفتحه الي يخرج منها الهواء وكانت امه خارج المطبخ
فجاءه سمعو صوت قنبله(القدر انفجر بسبب الضغط).........يقول دخلنا المطبخ ووجدنا راس الخروف لازق في سقف المطبخ من قوة الانفجار
وحمدنا الله انه ماهو راس الوالده


والسلام عليكم ورحمة الله وبركاته
منقول