السلام عليكم ورحمة الله وبركاته .
تحية مني لجميع أعضاء هذا المنتدى الرائع
أنا طالبة مستجدة في جامعة الملك سعود وليس عندي أي خلفية عنها,لذا أرجوكم من عندها أي معلومات لاتبخل علي سواء عن الانظمة أو طريقة الدراسة أوالاختبارات وأرجو منكم اخباري عن أول يوم في الدراسة كيف أقضيه يعني كيف أعرف المبنى الي فيه كليتي والقاعة أيضا وهل كل طالبة تجلس في قاعتها ولاأقدر أجلس مع زميلاتي في كليات ثانية.
وعندي استفسار وهو أني سمعت أنه يتوجب على طالبات الجامعة الذهاب للجامعة قبل بداية الدوام باسبوع لاختيار جداولهن فهل هذا صحيح.
ومن لديها أي معلومات عن أي قسم من اقسام كلية العلوم فالله يخليها تستعجل علي.
والله يوفقكم.

الوفيه........اهلا بك طبعا انا مش من طالبات جامعة الملك سعود....................................بس حبيت ارحب فيك وانتظري..ردود اخواتي ومبروك دخول الجامعه....الله يوفقك فيها

أهلين أختي لولو
الله يبارك فيك وأشكرك على الاهتمام بالموضوع.
وانا منتظرة الردود من أخواتي العزيزات بس انشاء الله مايطولون علي.

وعليكم السلام ورحمة الله وبركاتة

مبروك اختي الوفية على دخولك الجامعة ونشاءلله نشوفك معيدة فيها

انا راح اقول لك عن اللي اعرفة عن جامعة الملك سعود في عليشة لاني اعرف بنات فيها وزرتها كم مرة

من ناحية الانظمة نظام الدراسة فيها بالترم لكن انتبهي من الحرمان لانة ياخر التخرج
اما النجاح فهو يعتمد على شطارتك يعني تكوني على علاقة طيبة مع الدكتورة هذا اهم شي واعتبري نفسك ناجحة واكيد انت سمعتي عن اللي يذاكر ويحل زين في الامتحان ولا ينجح والعكس كذلك يعني علاقتك مع الدكتورة يخليك تضمني النجاح باذن الله

اما اول يوم في الدراسة يوم كئيب تحسين انه اطول يوم مر في حياتك واذا كان معك صديقات الدراسة الثانوي يعني فالحمدلله اما اذا ماكان معك احد تعرفينة فالله يعينك لان الصداقة شي مو سهل خاصة في الجامعة لانة يجمع طالبات كثير والاخلاق تختلف فالله الله بالصديقات وانصحك ببنات المصلى هم المثال الحقيقي للصداقة والاخوة
اما كيف تعرفي المبنى ولاقاعات فهذا يكون مسجل في الجدول اللي انت تاخذينة واللي اعرفة ان الجداول تاخذ عن طريق التلفون وكذلك النتيجة لكن المستجدات ماادري يمكن لازم تروحين للجامعة والله يعينك على جدولك لانة مايجيك مثل ماتبغين مثلا يجيك يوم كلة محاضرات ويوم ما عندك الا محاضرة وحدة تكون بداية الدوام او يمكن نهايتة الظهر
ويمكن محاظرتين ورا بعض يعني الاولى تنتهي الساعة عشرة والثانية تبداء الساعة عشرة خاصة اذا كانت القاعات بعيدة عن بعض

وتقدرين تروحين لصديقاتك في اي مبنى واي كلية اذا ما كان عندك محاضرة والله يعينك على المشي

واحب اقول لك عن شي الطالبات في الجامعه ما يعرفون بعض ولا بينهم علاقات لا قوية ولا غيرة انا اقصد الطالبات بشك عام مو صديقاتك يعني في القاعة فية بنات كثير لكن ماتعرفينهم وعلاقاتهم مع بعض مو مثل المدرسة يعني ما تحسين انه فيه تعاون الا نهاية الترم يجيك بنات يتعرفون علشان المصلحة

واحب اقول لك شي اذا شفتي من البنات حركات يعني قلة ادب لا تستغربين لكن اذا قدرتي تنكرين عليها انكري لانة بيمر عليك نماذج من بنات كلو حدة تختلف عن الثانية تربيتها ثقافتها كل شي يختلف


وانا مو جالسة اخوفك من الجامعة لا حتى ما تنصدميناول ما تدخلينها انا اول ما دخلت الكلية والله طلعت منها دخلت البيت جلست ابكي في غرفتي خاصة وانة ما عندي احد اعرفة من صديقاتي هذا في الكلية كيف بالجامعة وجلست سنتين اجلس مع بنات ما يعجبوني حتى تعرفت على بنات قمة اخلاق وادب

واخيرا اتمنى لك التوفيق

اختك ام يزيد