السلام عليكم ورحمة الله وبركاته
اخواتي المصريات خاصه والمسلمات العربيات عامه
انا احب مصر واهل مصر
<<مسويه اعلان الاخت
وللافس المتافس
(البخل والقعاطه طبعا )اني مارحت لمصر فاهلها يقولون من شرب من ماء النيل لابد يرجع لنا ثاني وتدرون التذاكر نار والدنيا نار والله ينجينا من عذاب النار <<<سجع تكتب شعر الست هنام
السالفه ومافيها ياخواتي هي
اني مونذو موبطي <<<اقول يارا ماغيرتي هالنبره!! تراها مغبره حيل
وانا اشوف واسمع اهل مصر يقولون كلام
الكلام هذا لحد الان ماني فاهمته
كلمات عجيبه وكلها تشبه بعض
وعلشان كذا حبيت اسال اهل مصر خااااصه عن معناها<< يارا تتعلم لغات
وشجعني على طرح هذا السؤال هو الاخت العسل ام دم غير طبيعي بي هابي behappy لما
قرأت لها مره رد تقول فيه
يانهار ابيض!!!
قلت في نفسي حتى في النت يقولونها!!
يانهار ابيض
يانهار اسود
يانهار مالوش ملامح!!<<هو فيه نهار ماله ملامح؟حشى الرجل الخفي هذا
يانهار زي بعضه!!<<<حلوووه زي بعضه هذي !!
يانهار منيل بستين نيله!!<<يمكن هذا يقرب لنهر النيل مادري
وتقدرين تستبدلين كلمه نهار بـ بخبر
يعني بتكون ياخبر ابيض
ياخبر منيل
الــــــــــخ
ايضا فيه كلمات اعجب من كذا
مثلا
يالهوي!!<<مره وحده
يالهوتيني!!<<مرتين ...حركات يامصر حركات
يالهوي بالي يامه!!<<هذي اعجبهم والله خاصه دخول امهم في الموضوع
ياخراشي!!<<هذا اسم عائله عندنا في السعوديه ايضا لكن ايش معناها ... نهي معلوم انا
ياخرابي!!
يامدهول على عينك!!!
ونوصل لاخر المشوار مع كلمة اسمعها مع الستات خاصه لما يفردون عضلاتهم ويقولونها كتحدي
يــــــــــاعــــمــــر<<< مين عمر وهل هو عُمر بفتح الميم ام عُمر بسكون الميم!!(ياشين الفلسفه يا يارا)
وبما اني دخلت في الكلمات العاميه فخلوني اسأل ايضا عن هالواد_الولد_ الي بشوفه دائما وينادون عليه ويقولون
تعال ياواد يابليه!!
ايش بليه هذي؟
هل يقرب لبليّه!! يعني بلوى؟ ولا بليه يعني لعبه؟ ولا ايه هو اصله ده؟<<قلبت البنت مصري
واخيرا اعيد واقول واغنيها كمان لو تحبون
انا احب مصر واهل مصر كثير كثير لكن لحد الان ماكتب الله اروح لها ومايسر برغم عقد
النيات والعزم لكن انت تشاء وانا اشاء اولله يفعل مايشاء
وبانتظار اهل مصر يترجمون
ماخفي على استعادا للصيف القادم علشان اروح لمصر لكن ماراح اشرب من النيل <<< انت تحصلين نيل؟
انت حدك بركه تسبحين فيها ولا وادي حنيفه تصيدين فيه سمك
والان
ادرك شهرزاد الصباح
فسكتت عن الكلام المباح
كتبته يارا وهي تغص بسمكة من وادي حنيفه <<<< امحق
الروابط المفضلة