:
السَّـلامُ عليكُـنَّ ورحمـةُ اللهِ وبركاتُـه ،،
()
الحمـدُ للهِ وحـده ، والصـلاةُ والسَّـلامُ على مَن لا نبىَّ بعـده .
وبعـد ؛
بيقولوا المُنتقِبَـة معقّـدة ، ودايمًا مكشّرة ، مُتشـدِّدة ومُتطرفـة ومُتعصِّبـة ، وإرهابيـة ، ومخبيه تحت النقاب أسلحة وقنابل ..
لا بتبسم ولا بتضحك ولا بتهزّر .. ومغطيه وِشها عشان هى مُش حلوه .
وكمان بيخوّفوا بيها العيال الصغيرة ، وكل ما يشوفوها كأنهم شافوا عفريت .
ليه النظرة السودا دي ..؟!
وهل المُنتقبـة كـده فِعلاً ولاّ هى مُجرّد أوهام وتلفيقات وكلام مُش حقيقي ..؟!
وهل كل مُنتقبـة بتسمع الكلام ده من الناس اللي حواليها ..؟ وإزاى بتتصرف معاهم ..؟ بترد ولاّ بتسكت وتطنشهم ..؟
طب إذا كانوا المُنتقبات بالشكل ده ، ليه كل يوم بنلاقي مجموعة بنات لبسوا النقاب ..؟!
هُمّه عايزين يعقّدوا نفسهم بعد ما كانوا فِريش ومهيّصين ..؟!
كلام كتييييير .... وأسئــلة أكتــر .... وإجابات أكتــر وأكتــر .
طب مين يا ترى اللي بيقول الكلام ده ع المُنتقبات ..؟! هل مُنتقبات زيهم ؟ ولاّ المُنتقبات نفسهم ؟ ولاّ ناس تاني مُش بيحبوهم ؟
وليه بيشوّهوا صورتهم قُـدّام الناس ..؟!
هُمّه مُش بشر عندهم إحساس ولاّ إيه ..؟!
عايزين نجاوب ع الأسئلة دي وعلى غيرها كتيييييير ، وإنْ كانت الإجابات عندنا واضحة ومعروفة .
بس عشان نعرّف الناس بالمُنتقبات ؛ صفاتهم _ تصرفاتهم _ حياتهم _ قصص حقيقية حصلت لهم _ وكل شئ ممكن نقوله ع المُنتقبات .
والمِساحـة هُـنـا مُـتـاحـة للجميـع .
فـ شاركـن - أخـواتي - بكلماتِكُنَّ ،، وأفِـدن غيركُنَّ بخبراتِكُنّ .
ويُشترَط في المُشاركة أن تكون بقلم العضوة وغير منقولة ، بالفُصحى أو بالعاميّة ، مع إمكانية المُشاركة بـ أكثر من رد في حالة تنوّع الأفكار .
وفَّقَ اللهُ الجميـعَ لِمَا يُحِبُّ ويرضى .
بانتظـار مُشاركاتِكُنّ ....... (
الساعية إلى الجنة
الروابط المفضلة