الحش وفنونة

موضوعي عن الحش وطبعا الحش كلنا عارفينه من منا مايحش(( تكلم عن نفسك )) بس بغيت اني اوضح بعض الامور للي مايعرفون يحشون .
وللحش عدة طرق ، وكل الطرق تجيدها المراه وتعرف خباياها ! .. اما الرجال ما يجيد منها شي وحتى لاجاء يحش ودك تكفخه بلوح من سوء الترتيب في الحش يعني لاجا يحش ماودك تسمعه اصلا مايعرف كيفية حبك الحشه تحس انه كذاب عشان كذا انا بتبع المثل اللي يقول عط االحش حشاشه لو يحش نصه ولا تظنوني اني اقصد بس الحريم في الحش لا وربي حتى البنات (( يامكحلها )) وأعتقد تعرفون المسميات الثانيه للحش ؟ الحش يعني القرض ويعني السلق ويعني النميمه والغيبه عند هل الخير الله يحفظهم
المهم الحش تخصص فيه النسوان بحكم الفراغ والروتين الممل والحش يختلف من بنت لبنت ويقولون انه اقوى الحش حش الحوامل .!! .. تحشك وكنها جالسه تشوف برنامج تعليمي يقول سيدتي كيف تجعلين من طفلك حشاش هاوي ، ويا ويلك لو يجي الحشاشه الطلق وهي جالسه تحش فيك والله ان تطلعك ابو النجا تاجر المخدرات !! !! .. . يقول نابليون بانوبارت لا بغيت تزعزع الثقه في خصمك ابعث له نمامه يقصد حشاشه على مستوى فرنسي ينشر بينهم الاكاذيب (( أعرف وحده حشاشه وربي لو مستعين ابها نابليون كان انشرت له الخبر في الولايات المتحده كلها في خلال يومين مع كندا وباريس وسويسرا والصرار والاحساء هديه فوق البيعه ))
. والحشاشه فيها ميزه غريبه لاجت تحش تعدل جلستها الظاهر ان الحش مثل السعله (الكحه)عند المتخصصين فيه ،، يعني لاشفت لك حرمه تعدلت في جلستها خل وجهك قبله !! .. ومن ميزات الحشاشات هو اختيار الموعد المناسب للحش يعني عمرها ماتحش وهي تبي منك شي بالعكس ماترضى عليك لكن من تخلص حاجتها علقت لك الرمانه لكن مع هذا الحشاشات فيهم حنيه وطيب سبحان الله تناقض رهيب وأذكر وحده عجوز طيبه حنون تحبني كثير يقالها الخاله موضي تقول يا ولدي يا رفيع بعطيك نصيحه يمك واحفظها تكفا قلت لبيه انصحي قالت عمرك يمك لا تعطي حشاشه قفاك (( ادري يا خالتي ماتشوفيني معطيك وجهي ؟)) قلت لها انا بصراحه ماحب الحريم لن الحرمه مثل الريال المعفس ماتخلص منه وحتى يوم تخلص منه في الدكان وانت تشتري بيبسي رجع لك وانت تشتري ماعون فول قلابه من مطعم ابو بصيل (( حش على الهوا مباشره )) لاتنظنوني يا النسوان اني حشاش لا وربي جالس اجاملكم
وطبعا ماهوب كل الحريم يحشون لا انا اعرف بنت حلال يوم تجي مجمعه لها كم حرمه حشاشات اول اليل ومسكو في وحده من خوياتهم حش وقامت عليهم بنت الحلال اللي تكره الحش وقالت لهم لو سمحتو كل وحده تحترم نفسها ماله داعي نجيب في طاري البنت انا ماحب الحش اللي بتحش تحش برا بيتي .صحيح انها نذله ولا فيها خير وشايفه نفسها مدري على ايش لكن مابي احد يحش فيها (( الله يجزاك خير ليت كل الحشاشات زيك كان ماحتجنا لحش الحوامل)) وازيدكم من الحش بيت لاجاو الحريم اللي عندها يغيرون الموضوع قالت تدرون انكم خذت ذنب في حشكم فيها يعني وذمتكم الحقيرة ذي اللي ماتسوا نعالكم تستاهل الواحد ياخذ فيها ذنب ؟؟
الله يقطعهم ذكروني بالنسوان لاجو لأمي الصبح وتجمعن وبدو مسلسل التشهير تقول كنه كل وحده قبل النوم كاتبه على مراية الزينه حقتها بقلم الروج وش بتحش فيه بكره وربي مسكينه امي تقول ودي ابهم كل يوم يجوني بس المصيبه خايفه اجمعهم على الشر واخذ ذنبهم نعنبو دارهم اقرب مالهم حبيب يحشونه ويعض الاحيان تحش مع الشاهي وقطعة البخصم يعني حش مزاجي ويا ويلك من ذيك المراه اللي تحشك وهي تئزئز لب وربي تقشر في ظهرك كنها تقشر حب شمسي.

والحشاشه سبحان الله لا جلست جلسة حش أدمان مثل مدمن الانتر نت يمر الوقت سريع اللهم هي اعنف اشوي ماتحس بالوقت يعني لو تجمع خمس حشاشات في سياره وحده وتسافر فيهم تركيا عن طريق البر من الدمام اول مايوصلون تركيا يقولون لك مشاء الله كن حنا رايحين للأحساء مسرع وصلنا ((داري يا عيوني وكني اشوفكم مشتاقين للعوده )) وطبعا في هالطريق زوجو وطلقو وسجنو وكل واحده لاخلصت من حشها قال استغفر الله كني حشيتها (( لابسيطه خذي راحتك شدي نفس وارجعي كملي ‍‍!!! )) وغير كذا الحشاشه طريق الدمام رياض دمام مايوفي معها ولا يقند راسها لنه الطريق كله مايمديها تحش في اول رفيقه .
وسبحان الله الحشاشه لاطحت عليها وهي توها خالصه حش تشوف آثار الحش في شفايفها (( مسود ))تقول توها مخلصه بكت زقاير أبوبس ولا حجرين شيشه عاد ان يوم شفت الحالة زادت الايام هذي قلت بقول للحشاشات وش سمعت عن اللي تحش وهي وكيفها اللهم اني بلغت
يقول احد علماء التربيه وهو الدكتور لاوس روبن ان اكثر الاطفال عرضه للخطر والاصابات والاهمال هو اللي امه حشاشه الحرمه تجلس تحش وناسيه ولدها في الحوش يحارش ويبارش لين يصيبه مكروه وهي جالسه تكاكي من الضحك والحش والبزر المسكين ابتلى له بأم لو ترضعه كثر ماتحش كان صارت صحته تنافس . وفيه دكتور اسمه لوربينتو فلارميتو يقول ان الحش والانفعال في طريقة الحش تسبب الجلطه وتصلب الشرايين (( يارب يطلع فيه دكتور صدق بهالاسم ويسئلونه ويكشفون كذبك))

ويقول بعد احد كبار العلماء الفزيائيين وهو الدكتور جورج الخامس ان الحشاشه بعد كل حشه يطلع منها ريحه تشبه ريحة الثوم من جسمها يعني اللي بتحش تحش من الساعه 9 صباحا لين الساعه 4 العصر لن مدتة سبع ساعات (( يعني على كذا لو زوجتي وزوجة ابو عبدالله لو يكلمون بعض بعد الساعه تسع بالليل ننام انا وهو في الفندق ذيك الليله ))
ويقول بعد الدكتور الهامرت لورين يقول ان الحش حالة نفسيه عادتاُ ماتصيب أصحابها للشيخوخه المبكره وويسبب
ويقول الدكتور لورنس هاملت ان الحشاشه اذا حشت لكثر من ساعه في اليوم يعرض قلبها للدق 120 مره في الدقيقه (( يا أنا اعرف لي حشاشه قضا عليها الزمن يدق عندها اربع الاف مره في الدقيقه )) وأنه يشكل خطورة في الاوعية الدموية ممكن يؤدي للوفاة السريعه طبعا لاحد يصدق امزح ... ادري انه قله قليلة منكم اللي تحش .. ماتتعدى 99% ...!!!
منقول

وأنت قاعدة تحشين بالحريم بهالموضوع الطويل العريض
ولاقلتِ كفارة الموضوع ( كفارة المجلس )
اللهم أعذنا من الحش والحشاشين أمين

والله ضحكتيني يا بارعه
مشكووره