الموضوع دا شدنى جدا و قرأته لصاحبه أ. محمود مصطفى كمال
و بصراحه شدنى الموضوع جدا و الكلام دا على لسانه و كان لازم نعمل جروب عشان يوصل للناس كلها
و ربنا يهدينا جميعا و يغفر لينا جميعا

**********************************************

الملايكة بيكتبوا أعمالنا في الدنيا .. بيكتبوا "صحيفة الأعمال" لكل واحد ، يعني كل واحد له
file
فوق كدة فيه كل حاجة
بيعملها عشان يتحاسب عليها في الأخرة، طب الواحد يعمل إيه لو صحيفة أعماله إتنشرت قدام كل الناس اللي يعرفها، و في الدنيا، تخيل إنك مت .. و كتاب أعمالك خلاص .. إكتمل .. و تم نشره! شئ مرعب مش كدة؟ و لكنك واعي له تماماَ، بل إنك إنت اللي بتنشر الكتاب بنفسك قبل ما تموت، البروفايل بتاعك علي فيس بوك .. مبيموتش .

الموضوع إن فيه إتنين أعرفهم توفوا في حادثين متفرقين، و الإتنين كنت أعرفهم معرفة سطحية و لكن عندي علي فيس بوك، الأول توفي في حادث سيارة و عرفت من صديق لي، و اما روحت البيت فتحت فيس بوك لقيت واحد صاحبنا عامله
tag
في
note
فيها أدعية له .. و لكن المشكلة، إن المتوفي كان كغيره من الشباب، بيفتخر بحاجات كتير غلط بيعملها، و أخر
profile picture
كان حاططها ، صورة له و هو ماسك كانزاية بيرة ..والموضوع كان محرج و غريب .. أدعية و دعوات و صورة له ماسك بيرة .. لا يستطيع تغييرها سواه هو .. وهو مات! مكنش يعرف إن الصورة دي هيبقي ال
comments
اللي عليها "الله يرحمك و يغفرلك" و "اللهم إغفرله له خطاياه" و "اللهم أحسن خاتمتنا" .. و بروفايل الفيس بوك بتاعه كان سبب إكتئاب لأخته تحديداَ و اللي أنقذت الموقف بإنها دخلت عالمسنجر بتاعه من
اللاب توب الخاص بيه و اللي معمول فيه المسنجر
auto sign in و قفلت من خلاله بروفايل الفيس بوك خالص .

الشخص التاني مكنتش أعرفه خالص و لكنه كان مشترك في جروب لمحبي السيارات، كان عنده 18 أو 19سنة و كان بيسأل اسألة تبين إنه بيحب السرعة، .. دخلت عالبروفايل بتاعه أكتبله إيه الأخبار .. لقيت علي ال wall حاجات زي "هتوحشنا" و "الله يرحمك" و "يا رب إجعل مثواه الجنة" و موعد عزاء .. عرفت إنه مات ..، فضولي لم يمنعني من تصفح البروفايل بتاعته .. لقيت
the last activity
و اللي هي كانت المفروض عملها يوم وفاته، كان
quiz
بعنوان
how many sex partners will you have before you die ?

الحقيقة مقدرتش أفكر في أي أفكار أو يمكن الأفكار في دماغي كانت كتير فا مقدرتش أركز في ولا واحدة فيهم، هل
الواحد ممكن ياخد
quiz

علي سبيل الهزار أخره جملة
before you die
، و هو ميعرفش إن
before you die
دي فترة قصيرة جداَ لا تتعدي الساعات
! و ياخد ال
quiz
و يموت و ينزل تحت الأرض و إحنا قاعدين قدام شاشة الكمبيوتر بنتفرج علي إن
دي كانت
his last activity .

و زي صورة كانز البيرة .. دي و كل الحاجات اللي عالبروفايل بتاعه .. غير قابلة للمحو .. لأن الوحيد اللي يقدر يغير .. مات .. و البروفايل تحول إلي مزار لأشياء تحولت إلي تاريخ ! و البروفايل
بيقول أخر حاجة كان بيفكر فيها عدد ال
Sex partners
اللي هيكونوا في حياته!

الحقيقة زيارة بروفايل علي فيس بوك لشخص إنت عارف إنه مات شئ غريب جداَ و إحساس غريب، بتحس إنك بتكلم
شبح .. بتلاقي كلام هو كاتبه في

notes أو comments

عالصور .. تحس إنها مينفعش تكون
موجودة لأنه ميت ! بتلاقي لستة أصدقاء .. لا يمكن في يوم من الأيام هيزيدوا واحد .. و هتلاقي صور .. مش هيكون لها جديد .

الإنترنت و فيس بوك تحديداَ .. خلا إن الواحد ممكن يعرض حياته كلها قدام الناس .. و يسيبها و يموت .. و تفضل هي .. زي بالضبط أكن صحيفة أعمالك إتطبعت و بقت تتباع عند بتاع الجرايد .. ممكن تدخل علي بروفايل حد مات و إنت مكنتش تعرفه أصلاَ .. و تعرف كان بيحب مزيكا إيه و أفلام إيه و بيشجع أنهي فريق و كان مرتبط بأنهي بنت و ليه كانوا متخانقين قبل ما يموت و مين صحابه و حالته النفسية كانت عاملة إزاي و شخصيته كان شكلها إيه و كان شكله إيه يوم ما مات في الصور اللي إتاخدت بالصدفة من غير ما يعرفوا اللي لسة هيحصل، و كمان تعرف إيه أخر حاجة كان بيفكر فيها قبل ما يموت .. قاعد تقلب في حياة واحد راقد علي ظهره في مكان مظلم و عاري من كل شئ في الدنيا عدا قماشة بيضاء ملفوف فيها! بل و تعرف معلومة زيادة هو نفسه مكنش يعرفها .. إنه كان هيموت بعد ما يعمل الحاجات دي مباشرة! و مكنش هيبقي فيه أي طريقة لتغييرها .. و هتفضل قدام الكل بعد ما كتبها بمزاجه .

ده كان جانب انا مشفتوش في فيس بوك و الإنترنت إلا من خلال الموقفين دول .. و مش عارف هل إحنا فعلاَ عايزين كدة ولا لأ ؟ هل الإنترنت ممكن يتحول لمقبرة أكبر من الهرم الأكبر و أقوي من النقوش الفرعونية علي جدرانه لأنه ببساطة .. لا هيتمسح ولا هيتغير إلا من خلال اللي كتبه .. هل حد فينا يتخيل إن البروفايل بتاعه ممكن يتحول ل"نصب تذكاري"! رد فعلك ممكن يكون إيه لو تقدر تقدم الوقت و تشوف صفحة بروفايلك بتاعة بكرة و لقيت مكتوب فيها الله يرحمك و هتوحشنا و هندعيلك في كل صلاة .. و صورتك هي صورة جروب عنوانه
rest in peace !


محمود مصطفي كمال

*********************************************

أكيد معظمنا يا له صديق أو زميل مات و هوا شاب أو شاف حد أو سمع عن شاب مات فى حادثة
أو مات بمرض أو مات بأى حال من الأحوال

اللهم احسن خاتمتنا واسترنا و اغفر لنا و ارحمنا من عذاب القبر و النار يا رب العالمين


و يا ريت نبعت لكل اصحابنا .. يمكن حد فينا ربنا يهديه و يهدينا جميعا

*********************************

كتب عن حملتنا فى جريدة البديل لقرأة المقالة من فضلك ادخل هذا الرابط

http://www.elbadeel.net/index.php?option=com_content&task=view&id=51401&Itemid=100


منقول

::
السلام عليكم ورحمة الله وبركاته
بوركتِ غآليتي على الوضوع المهم جداً ..
جعله الله في موازين حسناتك يوم الدين ..
:
مراقبة الله ..
ومحاسبة انفسنا قبل أن نُحاسب ..
واجب علينا جميعاً ..،
ويجب علينا أيضاً أن نحتاط لما ننشره وبالذات في الشبكة العنكبوتية ..
لأن الكلمات التي نكتبها ..
تنتشر انتشاراً فظيعاً ..،
وكما يُقال دائماً ..
النت سلاح ذو حدين ..
يمكن الاستفادة منه بالدعوة إلى الله ..
ويمكن الاستفادة منه في أمور أخرى والعياذ بالله ..،
:
ولنكن دائماً ..
ذاكرين بأنه لو غفِل عنا المجتمع ..
فَوقنا خالق لا يغفل ولا ينسى ..
يمهل ولا يهمل ..
سبحانه وتعالى .
:

تسلمي موضوووع روووعة

جزاكى الله كل خير

وربنا يسترنا فوق الارض وتحت الارض ويوم العرض عليه