بسم الله الرحمن الرحيم
العطلة جت والناس بدأت تسافر..وطبعا.. أنا أولهم ..
بنروح إن شاء الله عند الأهل والكل راح يجتمع هناك ..لكن كالعادة..
الروتين ذبحنا.. نجتمع ونطالع بس بوجيه بعض.. والسوالف تخلص من أول يومين
علشان كذا اتفقت أنا والبنات نكسر هالروتين..وقعدنا نفكر
وللأسف… ماطلعنا بشئ.. عندنا بزران بالكوم ..الله يصلحهم..
لهم امزجه مختلفة وصعب التحكم فيهم.. قلنا نسوي لهم ألعاب ومسابقات
ونوزع لهم جوائز نلينهم علينا شوي..
وعندنا مختلف الأعمار بعد : بنات وحريم وجداتنا الكبار
وكل ناس تبيلها جدول خاص وبعد في نفس المرحلة العمرية فيه تفاوت
مثلا الحريم فيهم المتعلمة وتعرف تقرأ وتكتب وفيهم الأمية
وهذا يصعب علينا في المسابقات الثقافيه وحفظ القرآن..
ألحين أكيد عرفتوا وش أبي!!!!
أبي أفكاركم معي .. وش أسوي .. وش أعمل..
أبغى أشياء جديدة ممتعة لأني متوقعة ملل وتعليقات الكثير
لكن أبغى الكل يشترك ويتفاعل ويستانس..
ياليت توجهوني للموضوعات إللي نستخدمها في المحاضرات
(المشكلة إن كل البنات مستحيات من إلقاء المحاضرات وهذي بعد مشكلة)
أيضا في المطويات .. وأهم شئ الجوائز طبعا للصغار والكبار
لأني احترت مدري وش اختار؟؟
أدري إني طولت عليكم وطفشتكم لكن إن شاء الله
ما تنحرمون من دعواتنا أبدا
وخصوصا دعوات جدتي الحبيبة….
الروابط المفضلة