السلام عليكم ورحمة الله وبركاته اختي ماء القمر مدري ليش يا ببالي اسالج انتي و الاخوات المغتربات عن تجربتكم في الغربة من ناحية الحجاب و اذا مريتو باي صعوبات او عراقيل

هلا حبيبتي...
انا صار لي في امريكا سنتين تقريبا... ولله الحمد حجابي كامل.. ومايبان الا عيوني فقط..
اروح السوق لوحدي.. ادرس لغة.. وعندي صديقات كثيرات من الامريكان والكوريات وغيرهم...
بالعكس الشعب هنا ودود... وطيبين.... ومايطالعون فيني..
واذكر مرة في ملاهي قلي طفل صغير انتي خفاش.. قامت امه صرخت فيه واعتذرت لي وخلته يعتذر... اكثر من يستغرب من حجابي هم الاطفال...
بالنسبة لي الحياة هنا عاديه.. ولو ان اهلي معاي تكون ممتعة....
نصيحة من القلب اختي التزمي بحجابي واحرصي عليه راح تلاقين ربي وياك...

انا صار لي سنه ونص والحمد لله محافظه على حجابي بس غيرت الاسود إلى بني وبيج و رمادي لان الاسود كان يلفت الانتباه وانا ماحب حد يطالع فيني مرة كنت لابسه العباءه السوداء وكان يوم الهالوين شاني ولد وقعد يدور علي يبحث عن الرسمة فاكر اني لابسة عشان الهالويين

والله ضحكتوني بنات
بس انا عني ماقدرت اللبس عبايه ونقاب لانها جدا ملفته
عشان كذا لبست بس حجاب
وش اسوي اخاف يسوون لي شي
لانه كثير سارت حوادث هنا
الله يحمينا

مضى لي هنا 13 سنة، أتيت بحجابي الكامل، ولا زلت بحجابي، لم يضايقني أحد يوماً، ولم أشعر يوماً أنني في بلد كافر. فالحرية الدينية هنا رائعة، لك الحق في القيام بكل الشعائر الدينية ولن يسألك أحد ما تفعلينه.
بعضهن قلن أنهن لم ترتحن إلا بعد نزع الحجاب، وأنا أقول هذا كذب، فهن بحثن عن المتاعب عندما نظرن في عيون كل من مر بالطريق كأنهن تبحثن عن سبب في نزع الحجاب، وفوراً الاتهامات تنزل على كل مار، أنه نظرها من فوق إلى تحت باستنكار. بل على العكس الشعب هنا رائع، كل منهم يحيي الآخر ولا يهتمون بلباسه، فالبلد هنا خليط من جميع الأجناس والأديان والألوان. ولكن كل منهم في حاله.
ومن خشيت الله ولم تهتم إلا بالالتزام بشرع الله، لم يهمها أحد ولم تخش أي عيون.

صديقتي سبق وسافرت الى فرنسا بحجابها الكامل
تقول لما نزلت الى المطار الكل ينظر اليها مستغربين يظنونها حرامي
قالها زوجا روحي لدورة المياه واخلعي العبايه ......المسيكينه خلعت العبايه والنقاب وتركت الطرحه على راسها .......وهي ماهي مرتاحه
********************
انا اسافرلأمريكا والبرازيل وبريطانيا بشكل دوري والحمد لله لم اخلع حجابي فأنا هناك مثل ماأنا هنا
الناس قد تستغرب للوهله الأولى لكنها تنسى .....لذا لا تهتمي بنظراتهم المؤقته
قد لا تصدقون اذا عرفتوا انهم سيحترمونك اذا رأوك محافظه على حجابك لأنك في نظرهم ستكونين محافظه على دينك ...

هلاااااااااوالله وغلااااااا بالغاليه

شوفي حبيبتي سوي اللي قالو عليه البنات

انا هنا لابسه عباتي حقت السعوديه السوداء

ومايطلع الا عيوني

وبالاول استغربوا اما اللحين صار عادي جداااااااا

وانا وصديقاتي بعباياتنا نورح ونجي ونلعب بالعباه

والله راحه

ولاتخافين هم ماراح يسوون لك شي وماراح يناظرونك

واللحين حنا صرنا معروفين عندهم لازم العبايه

يعني العالم بالوقت هذا مايجهل انه احنا نلبس عبايات

مره من المرات رحنا للملاهي ولقيت مكتبه فيها انواااااااااااع واشكال المجلات

ورحت افتح وافتح والا والقى صوره حرمه لابسه عبايه ومايطلع الا عيونه

ووراها بيت طين وطبعا اول مااشوف الصوره قلت حسبي الله يستهترون

بعدين وريت ابوي قال لا هذا يتكلمون عن التراث وايش نلبس وعاداتنا

يعني والله شي عادي وماراح يستغربون الا المره الاولى وبعدين خلاص

حتى لما تشوفينهم يحترمونك ويقدرونك ويضحكون لك ويسولفون معك

يعني ناس طيبين بالمره

انا اول ماجيت قلت حنا مسلمين وش بيسوون بنا وهم نصارى اكيد بيذبحونن

طلعو الناس بالمره يونسون وكانك اختهم

يعني هم مايقولون هذا دينهم غيرنا نبي نبعد عنهم لا بالعكس يخجلونك باخلاقهم

ولاتفكرين يوم من الايام انك تتركين عبايتك

انا هنا مبسوطه اني البس عبايه بالعكس راحه

وانا قبل مااجي قالو لنا بعض الناس لاتلبسون اسود البسوا بيج

وانا انهبلك والفكره مادخلت مزاجي تخيلي شكلي بعبايه بيج

ادري عورت راسك من كثر القرق بس وش اسوي ماابيك تغلطين وتغضبين ربك

على شي مايسوى

تحياتي لك

عيني عليك يا ماء القمر

خجلتيني ايمان والله

الله يبارك فيك يا ماء القمر ويثبتك على طاعته
والله انك كبرتي بعيني يا اخيتي...

قصيميه والنعم...