الســـلام عليكم ورحمة الله وبركاته ..

بصراحه فيـه موضوع شدني واحنـا غافلين عنه من جد ..

ما تلاحظون إن كلمـة [ يلعـن أمـك ] إنتشرت إنتشار غريـب و مريب ..

وصار اللي يقولها عــااادي جـدآ .. كانه قايـل [ السـلام عليكم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!

بعض الشبـاب ’و حتى بعض البنـات’ اللحين بالعكس صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !

مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..!

و إلاّ بعض الشبـاب .. واحد يسأل الثـاني : وش رايك باللاعب الفلاني ..؟

يقول : يلعـن أمممممممممه يلعـب من جد ..!

طيب أبي أفهـم .. وش دخل أمــه بالموضوع ..؟!

للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..

د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

ولاَ كأنه صار شي ..!!

وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب اللي تحصلـه من هالكلمـة ..!

بس لا تنسى و إنت تقول هالكلمـة أنك تسوي شيء من الكبــائـر ..

أنت تخيلت معي ..؟!

كبـائـر الذنـوب

وش رآيكـم ..؟

وش الحل لهذي المشكلـة ..؟

يعني لهـالدرجـة مافيـه إحترام ولا تقـدير للأم ..؟!

منقووووووووووول ..

بصراحة ياخيتي سماهر أول مرة أسمعها وأن شاء الله ما أسمعها من أحد ...
لأن هذه الكلمة معناها الطرد والأبعاد من رحمة الله ... وكيف عاد اذا الذي
يلعن الأم .. أستغفر الله وأتوب اليه ..
وأن لله وأن اليه راجعون ..
الله يهدي الجميع ,, شكرا لك أختي على التنبيه ..
وجزاك خيرا على نقلها ..

وعليكُمُ السلام ورحمةُ الله وبركاتُه ...

صحِيح والله أختِي الغالية .. سماهِر الليل ..

للأسف انها انتَشرَت اِنتِشار خيالِي ..!
والتَربِية الهَشة هِي المُنتِجة لِمثل هذهِ الأمثال ..

نسأل الله الهِداية للجمِيع ..

::
بُورِك بنقلكِ الرائِع ..

نعم للأسف نسمعها ولكن ممن قل لديه الوازع الديني
ولاحول ولاقوة إلا بالله العلي العظيم
ولكن كثيرا مانسمعها من جنس الشباب
أما الفتيات فقلة
نسأل الله تعالى أن يهدي شباب المسلمين

بارك الله فيك أخيتي سماهر الليل على موضوعك الرائع

وعليكم السلام ورحمة الله وبركاته

سماهر

صح مره انتشرت وبسررررررعه مو طبيعية بين الشباب

نسأل الله الهداية للجميع

جزاكِ الله الف خير

مــــــــــاشي الحال حبيباتي الكل اجمع على انها منتشرة !!!!
طيب وايش الحل ؟؟؟؟
وين التغير والاصلاح الي احنا كمسلمين مطلوب منا !!!!!
ايش رايك نقول لاولادنا ولشبابنا عن هذا الامر والكل يبدأ يغير ويعدل من الي حواليه
اما اذا تركنا الامر كذا ترى ماراح نغير شيء بالمرة
على العموم اعتقد انكم ايضا تستطيعون ان تعملوا بوسترات تذكرون عليها اثم هذه الكلمة ويتم تعليقها في ممرات المدرسة او النوادي مثلا و في الشوارع ايضا وايش المانع
ولكن مااقول انتم الي تعلقونها !!!!
خلي اخوكي الصغير يسويها طبعا مو غصب....
لالا حاولي تزرعي به حب التغير والاعمار في ارض الله الي احنا عليها خلفاء
واعاننا الله واياكم على الخلافه في الارض
وجعلنا من عتقاء رمضان الله امين

أبدعتي بنقلك أختي سماهر..

بالفعل صارت هالكلمة منتتتتتتتتتتتتشررررررررررررررة بشكل فظييع وعجيييييييب

لاحول ولا قوة إلا بالله العلي العظيم ,,

نسأل الله الهداية للجميع

صراحة صارت هذه الكلمة كالوباء منتشرة بشكل فضيع جدا نسال الله ان يهدي شباب الامة

ومشكورة على النقل الرائع وجزاك الله خيرا

يالله الحين اللعن كله حرام فمابالك لعن الام استغفرالله

الله يهدييييهم

جزاك الله خيرا على النقل أخيتي سماهر



الله يهدي شباب المسلمين ما يسمعوا كلمة من ناعق إلا وقلدوها

دون تفكير

الأم معززة مكرمة من عند الله تعالى وكلماتهم ولعنهم بترجع لهم


ومثل ما قالت أختي درة الوطن اللي يسمع مثل هذي الكلمات يحاول

يغيرها وينصح على قدر ما يستطيع