شئ زاد عن حده .. ويا خوفي بعد كده ينقلب إلى ضده وما نقدر نسوي شيء .. هذا اللي زاد عن حده تصرفات بعض الشباب اللامسئول .. وما أدري كيف أبائهم تاركينهم مالهم صنعه ولا مهره غير السير ببطء داخل الشوارع والأحياء بسيارتهم المضللة وعيونهم المتجهة كأنها( صواريخ سكود) إلى البلاكونات .. وطيق المنازل .. فئه أخرى .. تشوفهم في الأسوق (بداكا) الثوب اللي (بده) يطير من البياض .. (وديكه ) الجزمه اللي (بتنفقع ) من اللمعان .. وداك الشماغ اللي (كب) عليه (علبة بخاخ نشا) من حق (الكوي) علشان يسير كأنه (بوز ) سكينه .. وخد يا جوالات إشي أحمر , وإشي أصفر, وإشي فوشي وبكل (مسخره) يضايقوا بنات وحريم خلق الله . ماأعرف هاذي الشرائح من الشباب اللي حكم على فكره , وقوه جسمه بالإعدام في وقت مبكر مو .. حرام عليه يتصرف زي كده .. مش أحسن له يوجه هذه القوة والموهبة نحو إستقبال خفايا (الألفية الجديدة) اللي حلت علينا ..
ياناس هو نحنا عُمي ما نشوف الناس إللي بره بتفكر وهيه ماشيه .. وهيه بتأكل .. حتى أحياناً بتقوم من عز النوم علشان تسجل فكرة خطرت على بالها .. ونحنا شبابنا للأسف نايم في العسل .. ومو بس كده وبس .. لا.. كمان مافي إحترام للأسرة وللجار ولا لعابر طريق .. هذه الفئة من الشباب بدا عددهم يزيد كل يوم عن يوم وإذا ما أحكمنا اللجام ..
بعد كده صعب نحنا نوقف هذا الوبــــــــــــــــــــــــــــاء الجارف فلا بد من الصرامه والشدة في التعامل مع هذي الفئة الخارجة عن العادات والآداب ... ولا بد أن نحكم اللجام ...
حتى لا تنفرط السبحة ....

ملاحظة : فأنا أعتز بديني وإسلامي بكل مافيه ولم أكتب هذا الموضوع إلا لأني أعلم في شبابنا هذا يكمن فيه الخير ..
ولكم مني جزيــــــــــــــــــــــــــــــــــــــــل الشكر

أختكم المحبـــــــــــــــــــــــــــــــــــــــــــــ ــــــــــــــــــــــــــــــــــه
وي الروووح