اخواتى فى الله
بالرجاء الاجابه بصراحه و حكاية القصة
هل شعرت من قبل بأنك تحبى صديقه لكى جدا و هى لا تقدر ذلك تفعلى لها كل ما تحب و هى تفعل كل ما تكرهين ؟
ما هو سر ابتعدادك عن صديقتك المقربة ؟
هل صعب وجود اصدقاء اوفياء بهذا الزمن ؟
ما الشئ الذى غالبا ما يكون السيي فى خيانة الصديقة لصديقتها المخلصه ؟
.................................................. ...................
احكى لنا قصتك .... و كيف تصرفتى فى الموضوع ؟............... هل مازلتى لكى ثقه بأصدقائك و أنك ممكن فى يوم من الايام بعد هذا الموقف ان تصادقى صديقه بشده و حب و اخلاص زى زمان ؟
ولا اتعقدى خلاص و بقت معاملتك لصديقتك سطحية ؟
هل تحكين كل اسرارك لصديقاتك ؟ و لماذا ؟

اجيبى على الاسئله بصراحه مع كتابة كم عمرك و من اين تعرفتى على تلك الصديقه ؟

كتبت بواسطة elmohandesa

اخواتى فى الله
بالرجاء الاجابه بصراحه و حكاية القصة
هل شعرت من قبل بأنك تحبى صديقه لكى جدا و هى لا تقدر ذلك تفعلى لها كل ما تحب و هى تفعل كل ما تكرهين ؟
فعلا حدث هذا معى
ما هو سر ابتعدادك عن صديقتك المقربة ؟
الزواج والانشغال وهى كمان بعدت رغم محاولتى ان الصداقة تفضل لكن للاسف
هل صعب وجود اصدقاء اوفياء بهذا الزمن ؟
اكيد لا بس بالنسبة لى صعب لانى بقيت وحيدة من غير اصدقاء
ما الشئ الذى غالبا ما يكون السيي فى خيانة الصديقة لصديقتها المخلصه ؟

الخيانة فى حد ذاتها اسوا شى
.................................................. ...................
احكى لنا قصتك .... و كيف تصرفتى فى الموضوع ؟............... هل مازلتى لكى ثقه بأصدقائك و أنك ممكن فى يوم من الايام بعد هذا الموقف ان تصادقى صديقه بشده و حب و اخلاص زى زمان ؟
ولا اتعقدى خلاص و بقت معاملتك لصديقتك سطحية ؟

هو ما حصليش انا بس فى واحدة قريبة منى جدا حصل لها كدة وللاسف هى لسة ما تعرفش صحبتا جدا وبياكلوا ويخرجوا مع بعض واغلب الوقت مع بعض ومع ذلك بتخونها مع اقرب انسان ليها واللة انا مش عارفة ازاى بياكلوا فى طبق واحد وبتخونها
هل تحكين كل اسرارك لصديقاتك ؟ و لماذا ؟
كنت زمان كدة بس دلوقتى مش لاقية حد اثق فية احكيلة اى حاجة لانى ما عنديش ثقة فى اى حد

انت عارفة واللة الموضوع دة تاعب نفسيتى جدا لانى ما بقاش عندى اصحاب الاول كانوا كتير وكلهم اصحابى جدا ودلوقتى ما فيش حد تصدقى انا على طول بحلم بصحبتى الانتيم او اللى كانت بالاحرى وكل اصحابى كل يوم تقريبا بحلم بيهم

انا مقتنعه بكلامك و اتعقدت لأنى كنت حسنة النيه بالناس حتى لو شكه انهم كذابين كنت بصدق دلوقتى ما بقتش اصدق حد

اخواتى فى الله من ضمن قصص حيانة الاصدقاء التى تعرضت لها فى الكليه كنا فى امتحان اخر العام و كان عندنا ماده كبييييرة و صعبه و الدكتورة بتاعتها غلسه اوى فاتفقت مع 2 من صديقاتى انى حجيب اسئل’ الامتحانات بتاعت السنين السابقه من صديقه لى فى سنه رابعه تكبرنا بسنه كانت عندها هذه الاسئله لأنها من الاوائل و من الصعب جدا الحصول عليها و اعطيتهم الاسئله و اتفقنا ان كل واحده فينا تحل جزء معين لأن الوقت ماكنش حيكفى ان كل واحد يحلها لوحده المهم خليت الجزء اللى عليا و اتصلت بيهم و ملتهنم الاجابات اللى جاوبتهاو و عدونى انهم سيحلوا ما عليهم و يملوتى كانت ليلة الامتحان فاتصلت بى احداهن تبكى انا حسقط فى الامتحان مش عارفه اذاكر و التانيه باتصل بيها يقولولى نايمة " طبعا كذب " و كنت معتمده عليهم فى الاجابه لأن لازم كنا نفرأالكتاب سريعا
و الان ظهرت النتيجه اللى كانت بتعيط و تمثل انها ما حلت الاسئله و مش عارفه تذاكر حاجه جابت امتياز و اللى بيقولوا نايمه جابت جيد جدا و انا جبت مقبول لأنى اعتمدت عليهم بكل ثقه

كانوا اقرب اصدقائى لى ترون ماذا افعل ؟

الصداقه فى هذا الزمن وهم كبير
نصيحه عاملى من امامك بسوء نيه حتى يظهر عكس ذلكلان الزمن ده زمن الانانيه

اولا مشكورة حبيبتي على هدا الموضوع الدي جاء في وقته يعني حطيتي ايدك على الجرح الي بعاني منو يا اختي انا حقولك باختصار انا عندي صديقات ايام العزوبية ودول من اعز الصديقات ومعنديش يعني الانتيم القريبة مني كتير لكن لما اتزوجت ابتعدت عن اهلي واهل زوجي وجينا اسكنا في مدينة بعيدة شوي وهي من احسن المدن عندي لكن للاسف ناسها مش عارفة ليه هما بيحبو الغدر تعرفت على كتير نساء وكل وحدة بتدخل لبيتي تكون متلهفة تعرف انا من وزوجي بيشتغل ايه ووووو وفي الاخير بتطلع يا عايزة تاخد زوجي ولا عايزة تتحكم فيا وانا بيبيتي المهم في يوم قلت لزوجي انا حختار صديقة وتكون متل اختي مش مهم السن وقالي انا خليني بعيد عن المشاكل وقدر القدر انو يجي صديقو يسكن جنبنا المهم انا اول مشفت مراتو مرتحتش ليها ودخل رمضان وهي سافرت عند امها وبدات انا اعطيه في سبيل الله الفطار كل يوم ولما رجعت من بعد رمضان طلبت انها تزورني واجت وشكرتني وقالت لي مهما تحبي تعملي فيا مش حنسى خيرك لا انا ولا زوجي وبدات تجي كل يوم الصبح المسا وكل وقت لاني كنت حامل المهم حتلا اني قلت لها خلاص خليكي دايما معي انت اختي الصغيرة والله والله يا اختي كنت في الشهر التاسع وكنت بحضر الاكل وبرن عليها بالهاتف تجي هي وزوجها وابنها خلاص ادمنت بيها وهي بتكرهني كره ومش عاجباها عيشتها ودايما تقولي انت احسن مني ونيالك بزوجك ووووو وانا بهديها وبقولها احمدي ربك وعلمتها الصلاة كتبت لها كيف تتوضا وكيف تصلي وم الالف الى ى اقسم بالله اني كنت احبها اكتر من اختي وفي يوم اجت عندي الصبح وقالت لي انها حلمت انها نايمة مع زوجي وبدات اضحك وقلت لها الشيطان وافعالو انسي الامر حتى اجا اليوم الي طعنتني فيه لاني كنت بحكي لها بعض الاشياء الي مبحبش زوجي يعرفها متلا مشاكل مع اهلو واخواتو مع اهلي مش عيب انك تحكي وترتاحي شوي شوفي شو عملت اغتنمت الفرصة لانها عارفاني مبخرش برا البيت الا مع زوجي تصورو اني زرت بينها تقريبا تلات مرات في يوم عملت لها مفاجاة واشتريت لها حلوى وووو وعملت لها عيد ميلاد لابنها لانو ابوه نسا اليوم الي اتولد فيه ويوم كنت راجعة من الدكتور ومرة رحت شفتها وهي تعبانة وجبتها لعندي للبيت المهم استنت زوجي حتى رجع وارسلت له زوجها وخبرتو بكل شيء الحمد لله اني معملتش شيء خطير رجع من عندها وسالتو مالك قالي اسمعي انا كنت حابسك متخرجيش من البيت لانو الناس هنا مش كويسين وانت غريبة واليوم بخبرك انو حتى الباب مش حيتفتح لحد وانسي انك عرفتي ناس ووووو وبدات ابكي واصرخ وجلس وحكالي كل شيء اتصدمت والله يا اختي لحد الان انا مش مصدقة وهي بتدخل لهدا المنتدى واتمنى انها تقرا الموضوع وتعرف انها هي الخاينة وما حصل شيء بيني وبين زوجي الحمد لله لانو عارفني ومن هدا اليوم انا بقولك اختي انو صديقتي هو زوجي واولادي وبيتي وصلاتي وهدا المنتدى الرائع الي لولا هو لكنت حنفجر والله اتمنى اني اكون مطولتش عليكي ولو الاخوات قراو هدا الموضوع وفي وحدة عندها موضوع عن كيف تقوين شخصيتك الله يخليكم ارسلوه لي عشان اقوي شخصيتي شوي لاني بحس انها ضعيفة مع الخائنات مشكورين الله يخليكي يا عزيزتي على الموضوع

أنا أرى ان هذه المشكلات تحدث نتيجة للحقد مهما الواحد عاملهم كويس و يمكن السبب الرئيسى يكون لو فى اختلاف فى مستوى المعيشه و الصديقه مستواها اقل شويه تبص للواحد بحقد فظيع كأنه عايش فى الجنه و معندوش مشاكل

أرجو ممن يقرأون الموضوع ألا يبخلوا بالرد