.السلام عليكم ورحمه الله وبركاته
.
.
.
.
.
.
اطفي السيجارة يا ,,,,,,,,,,حيوان
أيام الطفوله كنت باحلم إني لما ح أكون رئيس جمهورية أول قرار ح آخده..يكون إلغاء الشركة الشرقية للدخان..وزيادة الجمارك على السجاير المستوردة لحد الناس ما تبقاش قادرة تشتريها.. أحلام يقظة
بس لما كبرت شوية هداني تفكيري لفكرة شبه الفكرة الواردة في المقال. فعلا.. لما الأدب مش نافع ليه ما نجربش قلة الأدب؟!
** لما تركب المواصلات وتلاقي واحد خايب عمال يدخن.. ولما تكلمه بأدب يرد ردود في منتهى الغرابة والسخافة.. "أنا قاعد جنب الشباك".. "خلاص قربت تخلص".. الخ. ولا يعمل اعتبار لراجل مريض أو طفل رضيع.. أو حتى واحد ما فطرش وخارج على لحم بطنه عشان يلحق الشغل.
** لما صوت الطب ما فرقش معاهم، وأصبحوا عبيد لعادة غبية، حتى إن شركات التدخين بكل بجاحة بتكتب على علبة السجائر "التدخين ضار جدا بالصحة ويسبب الوفاة" طبعا لأنها عارفة إن محدش فارقة معاه.
** لما صوت الدين ما لقاش حد يسمعه، رغم كل الفتاوى التي حرمت التدخين، وكأن المدخن أعلم من كل الخلق دي، وتسمع منه سفسطة غبية عن الإجماع، ومساحات الاختلاف في الفقه.
طيب ليه بقى ما نجربش قلة الأدب شوية.. ح نخسر إيه؟!! وضربوا الأعور على عينه قال خسرانة..خسرانة
يعني بدل اللافتات المهذبة في الأماكن العامة مثل..." ممنوع التدخين"... " من فضلك أطفئ السيجارة"... " من حقي استنشاق الهواء النقي".
طيب ليه ما نجربش حاجة زي " اطفي السيجارة يا ،،،،، "... "يا رب اللي يدخن يطلع له قرون وديل"..!!
يعني حاجة زي كده.. وباب الاجتهاد مفتوح وواسع..والعيار اللي ما يصيبش يدوش.. يعني لو الباشا ما أخدش باله أو عمل مش واخد باله، يكفي تعليقات الناس، وإحنا شعب يجيد مهارات الغمز واللمز وتلقيح الكلام.
أما بقي إذا ما فرقش مع "البعيد المدخن" كل ده.. يبقى عليه العوض ومنه العوض في شعوبنا وشبابنا.. ومفيش قدامنا غير إننا نقول له.. دخن !!
دخن دخن ما يهمكشي
انفخ همك ولا تكتمشي
خلصت علبة ؟ افتح غيرها
لو كان بالك لسه ما راقشي
*** م
دخن أكتر قول أنا حر
واني شاريها بمالي الحر
واني بصحة وزي التور
ن
علبة يوماتي ماهش ح تضر
*** ق
دخن قول لا حرام ولا عيب
أنا لا باحشش ولا ضرّيب
و
ومفيش حد بيجري علىّ
دنا واد مجدع واد كسّيب
***
دخن واحرق دمك أكتر
اوعاك تغلط يوم وتفكر
خد على صدرك
هات من ودنك
ليه تتنرفز .. ليه تتعكر
و أوعى تحس ف يوم على دمك
لما تقوم الناس من جنبك
كما لو كنت الأبعد جربة
أوعى يضايقك وألا يهمك
***
دخن واعمي معاك الكل
سيب دخانها علينا يهل
اوعاك تعمل قيمة لحاجة
طول ما مزاجك آخر فل
***
دخن أكتر هات لبلادك
خلفة مدوحس زي جنابك
ابكي عليهم من دلوقتي
بس الأول تبكي شبابك
ل[/center]
رد مع الاستدلال
الروابط المفضلة