انا حابة احكي تجربتي مع مركز لتعليم المكياجز المهم من طفشي و فضاوتي قلك ابغا اسوي شيء جديد في حياتي وكل يوم اطلع الوسيلة ادور اعلانات وذاك اليوم عيني وقعت على اعلان مركز يعلم تجميل وخياطة و فيه نادي رياضي وحضانة و مواصلات وطبعا اختكم ما كذبت خبر تتصل و تروح تسجل في دورة مكياج مبتدىء و بكم ب 200 ريال بس وحضانة ب 250 و المواصلات نفس السعر و اختكم تروح تسجل في كل هذا وتدفع المبلغ كاملومقدما مرة حسبت الناس كلها عندها امانة وبس اداوم اول يوم واللي تعلم المكياج غايبة و مافي احد يمسك الولد في الحضانة قلنا يالله ثاني يوم جات الحرمة وروحها في خشمها وانتو ما تفهممواو انا تعبانة قلنا ماشي الواحد يكون طيب و يمشيها اتاري الايام كلها الاخت ما لها مزاجوالا عندها نوموتصدقا انها احيان تدخل تنام و تسيبنا وقال ايه انتو داوموا حتى لو انا م ا جيت طبقوا اللي اخذتوه طب نطبق ومين يشوف ؟؟المهم الاخت اول ما بدت تعلمنا رسمات العين طب الاساس و البودرةما هو في المنهج؟؟؟ وهي تقولنا شىء و تخالفه و لما نسال يكون الرد انتوا ما تفهموا...وبعدين ايه ادواتها مو كاملة تقوم تاخذ اشياءنا و لما احنا نطلب كريم من الصالون يقولوا ايه في مويه و صابون روحوا مسحوا بيهم .... انتوا ملاحظين تقصير وعدم احترام لحد ما جات القشة اللي قصمت ظهر البعير لما صاحبة الصالون واتباعها اخذوا السواق و قال انتوا دبروا راسكم وحطوا تبع المكياج في الاستقبال و اختنا مو قادرة تسمع تعليقاتنا قال ايه احترموا نفسكم انتوا كبار هي قالت الكلمة من هنا وانا ماقدرت قمت انفجرت فيها بدون سب لاني مني مشكلجية ولا احب الشكل بس خلاص فاض بي وماقدرت.......فتصوروا ايش صار راحوا الاخوات كلموا السواق لا تجيب هذه البنت بعد كده ..طبعا فلوسهم في جيبهم ولا احد هامهم....لا و ازيدكم من الشعر بيت بعد ما سجلت بيومين غيروا السواق و ان كان احد يتكلم مافي.وانا استنا صارت 8 قربت 9 ولما اتصلت قالوا السواق اتغير تعالوا عشان توصفوا البيت للسواق الجديد ...طب بالله لو ما اتصلت ما عمري كنت حاعرف زي المسكينة اللي معايا في الدورة قعد اسبوعين ما جاها والدروس بتروح عليها و لما اشتكت هبت فيها اللي تعلم المكياج.........بس بالله ايش رايكم ليش فيه ناس كده تتعامل وليش الواحد بعد مايضمن حقه يطنش حق غيره ليش الناس ما بتحترم الاخرين بالله مو ناس زي كده هم سبب تخلفنا و سمعتنا السيئة ليش احنا المسلمين نعمل كده و الكفار ما يتعدوا على غيرهم بقول او حق وقال ايه نبغى الناس تدخل في الاسلام حيسلموا ليه لما المسلمين مافي بينهم سلام............ انا عارفة انكم حتقولوا اني ابالغ بس كثر الصغاير تخليها كباير ............................ و سلامتكم

اختي الكريمه......فعلا تصرفاتهم تنرفز وتقهر...
وانا بتخيل لو انا محلك كان تركت من اول موقف...خاصه اني عصبيه كثير...لكن والحمد لله قلبي طيب..
فعلا الواحد بيستغرب ليش العرب وبالاخص المسلمين بتصرفوا عيك تصرفات...ّ!!!!!!!!

مشكورة حبيبتي بس انا ما تركتهم لان هم ما بيرجعوا لك اللي دفعتيه و مومعقول اسيبلهم المبلغ بدونما استفيد او على الاقل احلله

و ازيدك من الشعر بيت السواقما مر علي لانهم قالوله ممنوع يمر ياخذني والله حاله يغلطوا و يزعلوامن قول الحق بس انا الوم نفسي اني صدقت الاعلانات و بيتهيألي انه لو محل معروف ما كان احتاج الاعلانات الكثيفة اللي عاملينها في كل جريدة

غريبه هذي السالفه !!! يعني معقوله مافي وحده منهم عندها ضمير !!!لو انا مكانج كان اروح واداوم كل يوم لو انشالله اروح مشي بس عناد احضر وبهذلهم

ياااااااااااأختى هؤلاء ليس عندهم أمانة...لا أمانه فى تنفيذ ما أعلنوه بالجريدة و لا أمانة فى تبليغ علم ...و إذا ضيعت الأمانة فانتظروا الساعة
و مثل هؤلاء الذين يستحلون الأموال التى أخذوها لن يبقوا على الساحة طويلا...و سيثلج الله صدرك قريبا بقراءة خبر إفلاسهم...فما بنى على الغش لن يلبث أن ينهار على رؤوس اصحابه
عوضك الله... و عليك فيما بعد أن تتحرى جيدا و تستخيرى

يا جماعة فين التشجيع زهذه اول مشاركة و الا تبوني اندم اني شاركت. طب اقلها اللي عندها حكاية مشابهة تحكي بس خلوا في تفاعل وشكراااا