السلام عليكم جميعا..

امس يااخواتي صارلي موقف تمنيت اني ماطلعت من بيتي...

تجيكم القصة

تعرفون الاربعاء الكل يحب يطلع من البيت بحكم ان الخميس اجازة.

جاء في بالي كنافة نابلسية وكاتوه قال زوجي المغرب اذا صليت ان شاءالله

نروح لسعد ..........في الدمام فية جلسات عوايل وكفي شوب..

عموما اخت الاولاد ورحنا

دخلنا اخترت مكان بزاوية عشان اكل براحتي مع انه ماكان فيه الا احنا وعائله ثانيه

جت الطلبية وسكرت نص الستارة و الجلسات اللي قدامنا فاضية

بعد دقايق دخلوا مجموعة بنات

بس مو اي بنات اشكال اللهم لا شماته بكامل اناقتهم وكأنهم جايات لسهرة

عارفين وين اجلسوا قدامنا والغريب انهم شالوا الطرح ووحدة وماجلست على طول

وقفت تستعرض وحاطه عينها بعين زوجي وكنها تعرفه

تعرفون الغيرة تغلب عقل الزوجة وقلت لزوجي وش رايك تقوم تجلس معاهم

مااخفيكم زوجي حب يثيرني وقال عادي اروح!!!!!!!!!!

قلت ايش اسوي يالله انا اعقل منهم وزوجي اعرفه لا للغيرة

جلست على اعصابي وكأن الشي هذا مايحرك فيني ساكن

عموما حطيت البيبي في حضن ابوه حتى توصل الرسالة (ابو عيال)

تصدقون ان كيدهم زاد وصاروا رايحين جايين ويطالعون فيه والله ولا كأني هنا

قلت خلاص لا تلتفت ابد ..وانا ماالومه لانهم يفتنون الحرمة كيف الرجال

زوجي غير مكانه لأنه حس اني تضايقت

بس الاخت قامت واقفه وحطت ايدها على شعرها واعطتنا ظهرها واصابعها تلعب بشعرها

ايش رايكم؟ وين اهاليهم؟ وش صار بالدنيا؟

اذن العشاء قال زوجي بانزل اصلي استنوني هنا

راح وانا قلت في نفسي لازم اهينهم لو بنظره بس مادري ايش اللي منعني وقلت وقت اجابة مابين الاذان والاقامة ادعي واحتسبي

بنات دعيت وقلت:يارب ياحي ياقيوم زوجه ساترة نفسها وبيتها وزوجها

يارب تورينا فيهم موقف يطيحهم من عين زوجي ويحرجهم

اجعلهم ياكريم عظة وعبرة

ماتصدقون جاء زوجي وانا ادعي بيني وبين نفسي وانا مقهوره قالي :

تصدقين سكروا الباب وصليت هينا في الصالة

وصف معي واحد قلت جماعة

وهو يحاكيني الباب لسى مقفول ..المساجد ماطلعوا من الصلاة؟؟؟؟؟؟؟؟

تعرفون الباب لما ينقفل على احد ويبغى يفتحه

ولا يرضى ينفتح!!!!!!!!!

حتى ان الناس صاروا يضحكون ويقولون كل هذا جوع استنى..اللي يفتحون

فجاأأأأة

ماتسمعون الا حركة سريعة وصوت يقول كل واحد يجلس مكانه لا احد يتحرك

ان قلت شباب مراهقين يبون فلوس او ارهابيين

فتح زوجي الستارة اتضح انهم شرطة وهيئة الأمر بالمعروف والنهي عن المنكر

امسكوا شاب ومعاه البنات

خفت واستغفرت وقلت يارب استر عليهم توبة معاد ادعي على احد!!

ليه ؟؟؟

بصراااااااااااحه ..انت ما أخطيتي ..

لو كان الشيخ أخذهم معه كأن أحسن بعد ..

حسبي الله عليهم ..

شكرا حبيتي حطام الروح اهم فعلا اخذوهم للمكتب وقال يجي ولي امركم يستلمكم

والله سويتي خير لاني اشوف من هالاشكال كثيييييييييير واقهر كثير واغار لان الوحده فيهم تقولين رايحه حفله وهي ماطلعت من بيتها بهالشكل الا تبغى تغري الرجال والشباب 0000لكن السؤال الوحيد اللي يدور في بالي ومحيرني ؟؟؟؟وين الاهل

والله ضحكت عليكي اختي اي كنافة وجاتوه اللي اكلتيه

انا متاكدة انك ما انتي عارفة ايش كتت تاكلي سمك و بطاطس ولا هباب

الله يهدي بناتا دايما تحصل هذه المواقف اختي

رجالنا مساكين الحريم حولهم م كل مكان

بس ثاني مرة اختي طولي بالك

خليك واثقة من نفسك انت بطهرك ونقائك احلى بكثير في عيون زوجك

ولما تشوفي اي شباب او بنات على خطا

لا تدعي عليهم ابدا بل ادعي لهم

فقد علمنا رسولنا الكريم عليه الصلاة والسلام في موقف ايذائه من المشركين

دعا لهم وقال اللهم اهد قومي فانهم لا يعلمون

وهم كفرة فكيف باخواننا في العقيدة

اختي 000 ان مثل هؤلاء البنات لم يحصلوا على تربية كافية كما انعم الله عليك

ولم يطرقوا اسباب الصلاح كما وفقك الله انتي

فاعرفي نعمة الله عليك وادعي لهم عسى الله ان يوفقهم كما وفقك

ارجوك اختي لا تدعي على احد بل ادعي لهم

جزاك الله خيرا

حطام روح ..
دلع الكون..آمال غير..اشكركم عزيزاتي.
وريحتني كلماتك (أمال غير )والله لامست الصميم الله يرضى عليكن جميعا

الله المستعان وين نروح السوق وكرهوة رجالنا على حساب هالبنات الطايشات
والمنتزهات مثل حتى الحرم ماسلم منهن لكن مانقول الا الله يهديهن غصبن عليهن لانهن مايعرفن وين مصلحتهن فيه ومايحسن بطعم الحشمة الا لاجربنه
وانتي ماسويتي شي خطاء يمكن دعوتك عليهن تكون سبب لهدايتهن بعد اللي صار لهن

الله يهدي الجميع

شكرا ام العز وهلا0(بهلا)

الله يهدي الجميع