"
حريم وجايين من عرس
البارحه ذهبت لأحضر العائله من زواج احد الأقارب00

انا : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت

الثالثه : يا ليتنا ما رحنا زواجهم

انا : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته هدى؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس 00تضحك عليك يا هبلا 00تلقينه من محلات ابو عشره

وقفه

***************

الغريب والعجيب انهم واثناء حديثهم في السياره يقولون لبعضهم 00خلاص يا بنات

بس 000ترى ما يجوز نتكلم على الناس0

تكمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين0

العشاء

انا : ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

واخيرا وصلنا المنزل

أنا : 00شوفو لي حبتين باندول اكسترا

**************************************************


****

اقتراحات لمن يريد ان يتزوج :

1- اصرف حبه باندول لكل رجل بعد العشاء

2- لا تقدم للنساء رز ولحم ومفطحات

3- قدم للنساء علب صغيره على شكل وجبات في كل علبه واحد كت كات وعصير وحبتين ورق عنب 00ولبانه للتهظيم 00وراح يدعون لك

4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادها000تكتب هذه الجمله على كرت الدعوه

5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه

**************************************************



منقول من تحد المنتديات




بس اللي محيرني هل هذا اللي صاير في مجتمعنا؟ .......هذا يعتبر غيبه ونميمة والعياذ بالله

والله صحيح أنا شفت نفس هذا الحوار تقريباً بالحرف الواحد. مستحيل أحد يطلع من عرس الناس وإلا ويحشوا في أصحابه، العروس ما كانت حلوة، دخلتها للقاعة مش مرتبة، العريس أحلى منها... الأكل كثير وكله انرمى، وفلانة لابسة مكرر، وهذه لابسة موضة السنة الماضية...... ولو كانت الامور معكوسة، كمان ما بيعجب، العريس قصير، الأكل قليل وما كفى.....!!! والمؤسف هو الأسعار الباهظة التي تدفع في الأعراس!! لماذا كل هذا البذخ؟؟!! يدفعون الألوف المؤلفة، ويتعبون جيوبهم، ثم في النهاية لا يسمعون إلا الانتقادات الغير بناءة. وكل هذا البذخ حتى يقال عنهم بأن العرس كان مكلف الشيء الفلاني، والعرس محرز. بينما مهما أتعبوا أنفسهم في إرضاء الناس، لن يرضوا أحداً، فبهذا البذخ لم يرضوا الناس ولم يرضوا الله.