كلمه هي سبب الفضائح كلها





هل هي هنا

***
طيب وانت ايش اسمك

انا خالد

هلا والله يا خالد .. تصدق هذي اول مرة اكلم احد .. بس ما ادري ليه انت بالذات لفت نظري

حتى انا صراحه كنت خايف مرة وانا اعطيك الرقم .. حسيت كل الناس تطالع فيني

بس خلينا يا خالد نتفق على شي ..

انتي تأمري امر يا ريم

اياك .. اياك في يوم تقول ابغى اشوفك ولا اطلعي معي ولا هالحركات .. لأنه مستحيل يصير كذا بيننا مهما حصل

افا عليك يا ريم وش شايفتني .. يا بنت الناس انا ما ارضى عليك إلا إلي ارضاه على اختي



***

ام هي هنا

***

اقول يا خلود .. بس ودي اشوفك .. اخس عليك .. لو من بعيد

مستحيل يا مشاري .. انا عمري ما سويت كذا .. اهلي لو شافوني ولا شكوا فيني راح يقتلوني .. طلبت صورة واعطيتك اياها .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك احلى مية مرة من كل الصور .. وش دراني يمكن هذي صور صاحبتك

معقول .. انت تظن فيني كذا .. حرام عليك .. وانا الي اقول عليك تحبني

يا بنت الناس والله احبك .. ليه ما تقدري الشوق الي في قلبي .. وش شايفتني حجر .. بس من بعيد .. ولو مرة وحده .. ولو اموت بعدها .. بس من بعيد... بكره رايح اقول لعيالنا إن امكم كانت خوافه

عيالنا .. ليه ما شاء الله كم تبي تجيب

عشرة اقل شي

لا .. انا مابي إلا اثنين بس

ايه هين .. المهم اشوفك ولا لا.. ..

طيب خلاص .. مر جنب الباب وانا رايحه افتح الباب وشوفني

ما ينفع .. افرضي احد معدي من اخوانك ولا جيرانكم .. وش يقول عليكي .. صدقيني انا خايف عليكي مو على نفسي .. خليها في البقاله الي جنبكم ولا في المركز .. اشوفك واروح .. نفسي مرة امتع عيوني بجمالك .. ليه تستكثري علي الفرح

خلاص ابشر يا مشاري .. بس عشان تعرف إني احبك

***

ام هي هنا

***

يا منال .. صدقيني .. بس ناخذ لفه .. يعني وين حنروح

ابد يا سعود .. لو ايش صار .. مستحيل اطلع معاك

وليه بس يا بنت الناس يعني ويش حيصير .. رايح اكلك .. انتي عارفتني انا متربي .. ولا عندك شك في كذا

ايه حبيبي اعرفك زين .. بس صعب علي صدقني

قولي إنك مانتي واثقة فيني

انا .. ما اثق فيك .. حرام عليك

ايه .. طبعا .. ولا أخذتني تسلية

كيف تقول هذا الكلام .. وانت عارف .. انا ليل نهار حابسه نفسي جنب التلفون عشانك

وش دراني .. بس انا دايما حظي كذا .. مهما سويت ما اعجب

يا ابن الحلال والله احبك بس صدقني صعب

انتي الي مصعبتها .. ما جات على نص ساعه .. وارجعك معززه مكرمه .. ارحميني .. انا والله ما انام الليل إلا وصورتك قدامي .. كيف تكون السعاده قدامنا وما نقطف منها .. انتي ليه ما تحسي بشوقي ولهفتي عليك

افرض صار شي .. ما اقدر ما اقدر .. اخلاقي تمنعني

يعني يا منال .. انتي عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر والي يصيع .. وش طلبت انا غير شوفة عيونك من قريب .. كثير علي .. كثير على حبيب القلب

طيب .. وش اقول لإهلي

قولي لهم أي شي .. قولي إنك عند صاحبتك بسمه وانا آخذك من هناك نص ساعه وارجعك وعد .. انا عمري خلفت لك وعد .. انتي عارفه إني افديك بعيوني

طيب خلاص .. نص ساعه بس .. احلف

والله

لا .. قول والي يخلي لي منال

والي يخلي لي منال

***

ام هي هنا

***

يا عبير خلينا ننزل .. ربع ساعه بس

ابد والله ... و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع ساعه بس .. نفسي مرة في حياتي .. اشوفك من غير خوف .. املي عيوني بيك .. الى متى انا وحبك والخوف عايشين سوى .. حرام عليك .. والله لو تحبيني نصف حبي كنتي نزلتي

صعب يا سعد .. لو ايش صار ..انا طاوعتك في كل شي .. إلا هذه

طيب انتي شفتيني طلعت رجال في كل شي .. يعني هذي الي بطلع فيها خسيس .. هذا قصدك

انا ما قلت كذا

معليش .. هذا معنى كل كلامك .. إذا هذا رأيك فيني .. ليه تخليني احبك من اول .. ليه تخليني أفكر فيك .. كيف تضحكي علي وتقولي ما اتزوج غيرك

انا ما أضحك عليك .. وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك .. ليه انتي تشكي فيني

ومين قال إني شاكه فيك

هذا معنى كلامك .. ولا كنتي نزلتي .. يا بنت الناس انزلي كان يمدينا الحين راجعين .. نفسي بس احضنك واملي عيوني فيك .. ليه انتي تحبي تعذبيني .. ليه انتي قاسيه كذا .. فين حبك لي .. فين حنانك .. كل هذا وهم

انا قاسيه !! المشكلة إني عمري ما سويت كذا .. عمري

عارف والله حبيبتي .. ومتأكد بعد .. وهذا الي مخليني متعلق فيك ومستحيل اتزوج غيرك .. ويخليني اطلب منك أي شي .. ولو مستحيل لاجل إني عارف إنك تحبيني وتثقي في حبي لك

خلاص .. بس ابيك توعدني .. خمس دقايق بالضبط .. وترجعني

اوعدك .. والي يفقدني عيونك .. الي هي أغلى شي في الدنيا خمس دقايق بس .. ونكون راجعين

***

ام هي هنا

***

لا وليد .. حرام عليك .. انت وعدتني

يا سميره يا عمري .. مو احنا حنتزوج حنتزوج .. ولا انتي حاطتني تسليه

كيف تقول هذا الكلام .. خليها ليلة الدخله ارجوووك

يا بنت الناس ما فرقت .. كلها ايام وأكون في بيتكم

لا يا وليد .. لا .. خليها لا تزوجنا .. انت وعدتني خمس دقايق

مستحيل إلا اليوم ..تبغي الصراحه ... ضربت في راسي ولاجل أضمن إنك تكوني لي طولي حياتك

والله انا لك .. بس ارجوك خليني ارجع

سميرة .. روقينا ... كان يمدينا خلصنا .. هذا الي تقولي الحب .. وافديك بعمري وبنفسي

ارجوك يا وليد .. افديك بعمري وانت عارف ..لكن بلاش الحين .. خليها لاتزوجنا .. الله يخليك .. الله يستر عليك

اسمعي .. والله دقت في راسي ..ومافيها كلام .. وانتي جالسه تضيعي وقت .. ورايحه تتأخري على اهلك .. يعني الفضيحه عليك ماهي علي .. مشيها بالطيب وخلينا نحب بعض .. بدل ما امشيها بشي ثاني

تكفى يا وليد .. تبغاني احب على يدك .. احب على رجولك .. الي انت تبغاه اسويه ..... طيب خليها بكره

لا تحبي على يدي ولا على رجولي .. احمدي ربك .. غيري لو طلعتي معاه وحده عزم عليها اخوياه .. وطول عمري رجال معاك ما ناديت احد .. خلصينا ولا تضيعي وقتك .. تراك اتأخرت على اهلك

والي يرحم والديك يا وليد .. والي يرحم والديك .. خليني ارجع .. وعد اسوي الي تبغاه .. باكون خدامه عند رجولك .. والي يرحم والديك

اقول فكينا من والدينا .. مشيها بالطيب من غير ما امد يدي عليك و تروحي البيت وملابسك مقطعه وحالتك حاله

يا وليد تكفى .. صورني خذ أي ضمان .. والله .. والله .. والله .. اجيك بكره

اقول .. الظاهر إنك ما راح تجي بالأدب

***

أم هنا

***

خالد ليه ما تتصل

مشغول

ليه كل ما اتصل عليك تقفل

اقول مشغول ياريم انتي ما تفهمي

لا خلاص افهم .. افهم .. يا خالد لا تزعل نفسك .. لا تعصب نفسك .. بس .. بس .. انت وعدتني تجي

وين اجي .. اقول لك مشغووووول .. انتي ما تقدري .. ما عندك احساس .. ما عندك تقدير .. خلاص لا فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانه

خالد انا جاني عريس

بالبركه طيب الله يهنيك

بالبركه ! .. هذه آخرتها .. ترضى كذا لأختك

اقول احترمي نفسك .. ما بقى غيرك انتي تتكلم عن اخواتي



*/*/*/*

المشكلة ليست هنا .. ولا في أي مكان .. الذئب كلما كان شرس زادت حلاوة لسانه .. كلما ازداد سم الأفعى ازدادت نعومتها .. وغدا ستكون هي مثله من قطيع الذئاب .. من جنس الأفاعي

المشكلة في كلمة واحده

غير



غير



غير



انا غير ..



خالد غير .. سعود غير .. مشاري غير .. وليد غير

كلهم غير .. مشاكل الفتاة في هيئة الأمر .. غير مشاكلها في الشرطة .. غير فضائحها على الإنترنت .. غير وضع أنف أبيها في التراب .. غير .. غير .. غير

كلا منهن تبدأ بهذه الكلمة .. مستحيل أن تتصور أنها ستكون بطلة فضيحة أبدا .. الإنترنت ملئ بصور فتيات كانوا احرص مما تتخيلوا .. قضايا وعار لفتيات كانوا أشرف مما تتخيلوا .. وكلها من كلمة واحده




غير



حسبي الله ونعم الوكيل في كل من باعت شرف ابوها وعرض اخوها من اجل كلمة .. احبك

حسبي الله ونعم الوكيل
شكرا اخي حبيبها على الموضوع

حذف الموضوعات التي تتحدث عن جرائم الأعراض وانتهاك الحرمات
ـ يمنع منعًا باتًا تضمين المشاركة قصص الفواحش والفجور ، ولو بقصد حسن
ومن ذلك المشاركات
التي تتضمن أخبار جرائم الفواحش من زنا واغتصاب ؛ فنشر مثل هذه الأخبار يعد من باب إشاعة
الفواحش بين المسلمين .
وقد قال الله تعالى : ( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ ) (النور:19).
وما من شك أن تعود الإنسان على سماع وقراءة مثل هذه الأمور يهون من وقع المعصية في نفسه ومن معه.
إذا فشت الفاحشة سهل ارتكابها