المباريات زينة بس اذا سرتي تشوفين بس مقاطع الأهداف
او مثل جذي بعد ماتخلص شوفي التحليل الرياضي
او البرنامج اللي يجي كل إسبوع فيه مقاطع الأهداف
لجميع مباريات الإسبوع
اما تستنترين قدام الشاشه
45 دقيقة الشوط الأول + 45 دقيقة الشوط الثاني = ساعه ونصف
هذا بعد اذا ماصار في اليوم اكثر من مباراة
هذا الوقت اللي يضيع من عمرك ويهدم أيامك
ويقربك للآخره
لو تحفظين فيه قرآن كان احسن لك
شي تقدمينه للآخره
وانتي ياام عظيم بعد لو تراجعين ماحظفتي كان احسن لس
وجع يوجعكم بنات
اما التشات يبي لنا نمسك من يدخله بشعره ونكفخه لين يشبع
الحين المفروض علينا نفر من أماكن الفتن
وبعض الناس يدشونها بمحض أرادتهم
ياختي روحي زين <--- معليش امون سح ؟
أسألي مجرب والله التشات مايصلح للدعوة من قبل البنات ابدا
وبعطيكم هالموقف القديم نوعاً ما
مره اتفقنا انا ويا اعضاء منتداي السابق ندش لأحد مواقع
غرف الدردشة وننصح وندعوا دعوة جماعية
فجا اليوم المحدد ودخلنا وبنفس أسمائنا اللي في المنتدى
فبديت انا بالعام وقعدت انصحهم واكلمهم عن السخافه اللي هم فيها
فقال لي واحد أخس يالسديس هذا أهون مع انه يعتبر إستهزاء بالدين
اما الثاني اللي دخل علي بالخاص حسبي الله عليه
كتب كلام ماقدر والله اكتبه قعدت ادعي عليه
ولحد الحين منه ماعاد دخلت تشات نهائياً
عاد شوفوا وش رديت عليه قلت له
والله لاقشر جلدك ياحمار القايله
وأفحط على وجهك بالسيارة
فحسبني ولد وانحاش
تعرفون من وين جبت هالسب
في اول منتدى انتسبت فيه
كان فيه عضو عصبي جدا جدا
ولسانه طويل يمه منه والله يخوف
فواحد جا وغلط عليه قال له انت داخل عشان تعاكس
واحترق دمه وقال هالكلام اللي كتبته آنفاً
وانا خزنته في الذاكره من بشاعته
وجا الوقت اللي اطلعه
وبما اني فشلت في الإستمرار بالمنتديات قررت الدخول لعالم آخر عالم
بئس القرار يالغالية
وبعدين ياحبيبة من قال انس فشلتي في المنتديات
بالعكس انتي لو استمريتي كان بتغطين علينا
الروابط المفضلة