السلام عليكم ورحمة الله وبركاته
أولاً أقول لكم عذراً على الأسلوب !! بتكلــم بالعامي لأني عارفه لو بتكلم بالفصحى وش بيصير طبعاً كل هذا لأسباب أمنيه سيتم الإفصاح عنها لاحقاً << متأثره بالأخبار

ببدأ بالموضوع .,.,.,
المواقف اللي تحصلي كثيره جداً شي منها مكبي وبعضها مفرح والأغلب مبكي ومحزن في نفس الوقت << شلون تجي ذي ودي أقـولكم موقف بس أخـاف تطردوني من المنتدى أحس ذا الأيام طالعه نشبه مدري ليش
كل شوي طالعتلكم بسالفه .,.,., << ماتنعطى وجه !!
المهم :
صـار الحين غالباً ماتشوفين وحده تمشي مع رجله ولا أبوه ولا أحد محارمه إلا وأهي كاشفه عن نقابها ولا لابسه مخصر ولا عبايه على كتف ........ الخ .,.,
أنا هنا يابنات ماراح أقول ليش لابسه كذا ليش متبرجه هذا شي ثاني .,.,
السؤال والشي اللي رافع ضغطي ومجنن ومهبل فيني .,.,.,., << تدرون وشهو !!

أبـــــو الشباب هذا اللي معها ولا يغار ولا يغطيها !! يعني وين الرجوووووووووله والله عيب أحس بالوقت هذا نادرين الرجال !!
والله أشوف أشياء أتمنى لو أكفخ هذا اللي يمشي معها وتاركها كذا ؟؟؟
والمشكله زحمه وناس وعالم وكلن يطالع وأهو عاااااااااااااادي لاغيره ولا هم يحزنزن !!
والله شي يقررررررررررر ( واعيباه)
والله جد لو كنت ولد وشفت خواتي يصلحون هالحركات
من غير تفاهم أكفخهن << يؤ يؤ ماعندها تفاهم ولاأمنعهن من الخروج تقولي وحده من صديقاتي عن خالتها أنها تلبس على الكتف تقول تكشخ وتتزين بيطلعون لعزيمه وتاليتها تركب مع رجله ويشوفها بها الحال ويرفض يوديها لين تغير لبسه والله أنه رجال . !! تقول البنت الحين صارت خالتي فاهمه بتطلع تاخذها من أولتها وتتسر .

.,..,,.,.,,,... لحظه ترى ما وصلت للشي اللي أبي إجابته .,.,.,,.. << أنا ماقلتلكم إذا شفتوني قولوا يالييييل وش تبي ذا النشبه آآآآآآآآآآآآه والله براسي أشياء كثيره ما أقدر أصيغها من كثر اللي شفته أحس أني شيبت !! أف قهر !! يعني الكفار ماعندهم غيره عرفنا ياكلون لحم خنزير ولحم الخنزير يموت الغيره << ترى مدري عن هالمعلومه أظن قريتها بس وين ومتى لاأحد يسألني المهم المسلم وش اللي موت الغيره عنده ماأبي أطول عليكم .,.,.,
السؤال
بنات أخوانكم يغاااااااارون عليكم يعني تحسونهم يهتمون بحجابكم بستركم ولا عادي تبين تكشفين النقاب ( بعيد عنكم ) خذي راحتك .,,
الحمد لله أنا بصراحه أخواني حريصين والله ويعجبني حرصهم صديقاتي مايحبون أخوانهم يتحكمون فيهم وانا والله أفتخر إذا صار أخوي يخاف علي ويهتم فيني ويحرص علي << فديتهم

ماأدري وش أقول بس حبيت أشـوف انعدام غرة الرجال منتشره ولا أنا بس لاحظته !!
ان شا الله اذا شفت تفاعل بقولكم مواقفي اللي سببت لي أمراض مزمنه !! صرت أكره أطلع من البيت عاد تصدقون اني من بعد يوم العيد الأول ماطلعت من البيت وأهلي يترجوني وأنا رافضه ضيقة صدر
ايه بنات تذكرت قسم بالله اللي فوق أهون من اللي بقوله لكم الحين !!
تعرفون الشيخ ياسر الدوسري !! تعرفون مسجده !! طيب تعرفون الشيخ ناصر القطامي !! طيب أنتم تفاعلوا وأنا أقولكم البلاوي اللي سببت لي انفلونزا << اح قسم بالله يالله طلعت هالكلمه بعد بالله اذا كان فيها خطأ صححوه لاهنتوا
انفلونزا الطيور !!
ايه هذي سالفه ثانيه ليش البنات صاروا مايستحون يعني وحده قاعد ينصحها أخوي في السوق وقاعده ترد عليه بس أخوي أدبها هع هع هع << كيف سري للغايه !!
شاركوني همي ترى بردودكم يتم لي الفرح والسرور .,.,
آسفه على الموضوع اللي مدري شلون جاي بس أبي أفضفض أحس بضيقة صدر من هالأمور

أختكم كلكم \ فـاقده بنت غالي آل لكي << والنعم << وش رايكم بالأسم أحس أني من ذا الأشياء انجنيت !!

ترددت كثيراً في طرح هذا الموضوع لكن فـار النور لم أستطع تحمل هذه المواقف المبكيه !!

بسم الله الرحمن الرحيم و السلام عليكم ورحمة الله وبركاته .............والله يااختي تتكلمين صح وين غيرتك عله زوجتك او اختك او بنتك البارحة كنت بالسوق وشفت بنات ياريت بس كاشفين الوجه الا الوجة صاير لوحة بيكاسو من الاصباغ والاكسسوارات تغطي ايدهم واخوهم معاهم والسلسلة في رقبته الله يهديهم ياعيني

هلا والله يافلانة بنت فلان
موضوعك تحفة وأسلوبك أتحف
الله يبارك فيك ويكثر من أمثالك..

صراحة مؤسف الي نسمعه ونشوفه..
أحوال مؤسفة من إنعدام الغيرة ..
يعني يكفينا تبرج النساء جو الرجال كملوا بعدم غيرتهم على نسائهم ..
الله يصلح أحوال المسلمين..

أختي بارك الله فيك .. إذا كان رب البيت للدف ضارب فما شيمة أهل البيت إلا الرقص .. فإذا كان الأياء والأمهات من يشجع على هذي الحركات شو بنتوقع من الأخ .. للأسف

وعليكم السلام ورحمة الله وبركاته

هلا وغلا يا فلانة آل لكِ..

شوفي حبيبتي ...إذا هذا الموضع فاقع مرارتك .. فأنا نكد علي عيشتي ...

والله أني دااائماً أفكر ... هؤلاء رجال أم هم أشباه رجال..؟!؟!؟!؟

ولكني توصلت لنتيجة سمعتها من بعض النساء ...

وهو أن الفكر العلماني قد غزى الكثير من أبناءنا وشبابنا فأصبحوا يرون أن هذه الأمور بسيطة وهي من التطور...

وما دامت النية الحسنة موجودة فلا يتوجب أن نهتم بتوافه الأمور.؟!؟!؟!؟


والله أن المناظر التي اصبحنا نراها مناظر مؤلمة ..مزعجة ..

ولكننا نتحمل الكثير من المسؤلية ... فمنذُ تركنا الأمر بالمعروف والنهي عن المنكر تفاقمت المشكلة وزاد البلاء...

أسأل الله أن يصلح ضال المسلمين وأن يهدي شبابنا وشاباتنا لما يحبه ويرضاه إنه ولي ذلك والقادر عليه...

وجزاكِ الله خير غاليتي..

ضربتي على الجرح اختي فاقده وهالشي بصراحه قاهرني من زمان
المشكله انه البنات والشباب دارسين وعارفين .. يعني البنت من نفسها تغطي شعرها وما تطلع من البيت وهي متبرجه
الشاب لازم يكون عارف انه اهله ان عملوا هالشي فهو خطأ ولازم يحاول يصححه
بصراحه قليل ماطلع السوق ولكن مره من المرات شفت بنات الله يستر عليهم كانهم رايحين عرس التسريحه والمكياج واللبس كانهم في عرس مب في سوق ... انقهر ان شفت هالاشكال اقول ما درسوا في المدرسه !!!! ... اهلهم ما يعرفون انه غلط كيف يتركون بناتهم بهذا الشكل ...!!!

الكلام في هالموضوع ما ينتهي

اللهم اصلح حال امة محمد عليه الصلاة والسلام

أم عبـــــدالله أف أف أف أنـا لو شايفه هالموقف كان كفخت (هالــ.....) اللي معاهم حسبي الله على عدوهم وأزيدك من الشعر بيت كنت مره بالسوق إلا وأشــوف لك خمس بنات يزيدون واحده أو ينقصون << متعوب عليها ترى هالجمله المهم ومعهم أخوهم المشكله البنات فساتينهم يؤ يؤ أقصد عباياتهم فااااااتنه وأهو بينهن يضحك ويسولف والله قهررررررررررر المشكله أنه معهن يعني كيف بتنصحين !! الله المستعان ... حالنا مبكي والله



الجمــان
يشرفني والله مرورك .,.,
أمـا الأسلوب شي صراحه أنا لو متكلمه بالفصحى
كان نقلوه للألعاب والترفيه << يحسبونه أستهبال !!
كان تشوفين أنواع الأخطأ والجمل اللاتينيه !! وقليل من الفارسيه !!
أمـا عن تعقيبكِ أي والله يالله من ذا البنات وكملوها الرجال !!
بس والله شي يقر ويرفع الضغط !! الله يعين بس .,.,


زهره العلي
مرحباً بك يالغاليه
والله البيت اللي ذكرتيه في الصميم !!
سبحـان الله أما أب يرضى بها الشكل قويه هذا أب على أيش !!
بس بالأسم أب أما بلعمل والله من الدجه !!


محبوبه
مرحباً مليون وخمسين وتسع وتسعين << متأثره بالتخفيضات لوووووووول
اي والله فاقعن مرارتن وتسبدي بعد !!
أعوذ بالله أنا لو أخوي عنده هالفكر أقتله <<أظن البنت هذي قد جاهدت كلامها كله حرب وقتل كككككك
لا أنا سمعت أنه يعني يبي يكشخبها قدام الناس !! المرأة غاليه مو أي واحد يجي ويتفرج عليها اللي يبيها يدفع مهرها احم كح كح كح

شـــــــــــاكره لكن مروركن وتفاعلكن وانتظروا المزيييييييد من المواقف اللي تلوع التسبد ( الكبد) في هذا الموضوع

يسلمممممممووووووووووووووو على هيك تفاعل << امش يالبنانيه

شفت ردك بعد مارديت على العسولات يامنى لي عوده لك ولكلامك القيم بإذن الله

وعليكم السلام ورحمة الله وبركاته
يا اختي انتي زعلانة عليهن وهن لابسات عبايات طب لو جيتي على بلدنا وشفتي اللبس اللي عنا هذا انجنيتي بعد الشر
واللة عندنا تقليد للكفار بيلبسن بنطلبون والمصيبة ان بطنها بين يعني الفلينة تكون قصيرة لحد السر وهاي الموضة اليوم واللة يستر من بكرة شو بدنا نشوف
في عندي سؤال شو يعني عباية كتف بارك اللة فيكي
ولي رجعة

منى المشـاعر
صحيح العلم يأثر بس والله ودي أقول كلمه عارفه أنها بتنحذف << خطيره البنت ههههههه بلاش فضايح !!
بس عيوني المسأله مو على البنت البنت لها كلام ثاني مو ضوع ثاني << بتغثكم الأخت ( ^ـــ^ )
الكلام الحين على ولي الأمر الأخ الأب الخال العم حتى عيال العم والأقارب يعني عيب والله تطلع من جماعتهم بنت كذا !! صح ولا لا !!
أما في الأسواق يكفيبس إذا دخلتي دورات المياة أجلكم الله تشوفينها تضبط الكحل والشدو ومدري ايش !! وكنها بتطلع لضيوف !! طبعاً هذا بالسوق أما الأماكن الأخرى( ف........)
شاكره لكِ مرورك ِ وتعقيبك



دموع الغزال
معليش أنتي من أي دوله !!
أحنا الحمد لله بالسعوديه لازم عبايه مع أنه أصبحت زينه الآن !!
الله يعينك أختاه هذا زمن الغربه غربة الدين نسأل الله النجاة من الفتن !
أمـا عن الموضات فحدث ولا حرج !! المصيبه ان به موضه تخلي الوحده تضحك ( تصير البنت مسخره قدام خلق الله)
الموضه ماتوافق منها مع الشرع وذوق الفتاه فحي هلا بها !!
أما ماتخالف الشرع فهي حراااااااااااااااام .,.,
أما عن سؤالك من المعلوم أن العباءه تكون على الرأس ولبسها على الكتف تشبه بالرجال وللعلماء فتاوى في هذا الأمر !!
شكراً لكِ على مرورك وحياك الله