السلام عليكم ورحمة الله وبركاته :
السالفه من اولها شخابيط ماتركب الا عند كاتب محنك
((على فكره واحد من العيال عيارته حنيك))
الاكيد السالفه بخط النسخ هيه::
بدت يوم ان (دردح بم عكرف لولي)
اللي ساكن في هجره مادرت عنها الدوله الا قريب
الاكيد دردح قدر الله وعرف انه سعودي وقال ياولد خلني استخرج كل الوثأئق قبل لايهونون (الحظ مايدوم) الولد حكيم.
طلع الولد بطاقه والشهود ياويلهم من الله ما بروا الذمه
ويوم جو يصورونه (جعل مهوبه)
حلف ما يقعد والمصور واقف وهو اكبر منه الولد ذهين
الاكيد اقنعوه انه يجلس ولا بغا المصور يجلس يقوم عنه (والله الحاله)
يوم جلس وصار المصور يقوله شوي كذا وشوي كذا التفت الولد وشاف وراه قطعة قماش صفراء والله وهو يفز (يحسبونه بيصب القهوه ...اي قهوه))
قالوا ياولد وش فيك
قال مالها داعي حاطين علم النصر وراي
قالو ياخي هذي يعني شبه الجزيره
قال والله ما ااقعد ولله وهو يطلع الهلالي
فيه موضف رحمه ولحقه لحد ال هايلكس اللي من ايام تايوتا الاول
قال ياولد مالها داعي ترا انت الخسران وحب خشمه واقتنع ورجع معه
ويوم جلس على الكرسي وجو يصورونه قام وحلف على الموظف الي رجعه انه يصور معه
شيل وحط وقلة حياء قام الموظف اللي رحمه وقال عندي الحل انت تيسر والبطاقه بتجيك خلك برا ويوم طلع راح الموظف وشراله تيس وخلاه يتلثم واكشن وطلعت البطاقه
وقام يعزم الموظف ويترجاه يعلمه من وين جاب صورته
الاكيد عزم على الرحيل وركب الهايلكس وقال لراعي السطحه يحرك
وبعد ما رجع للي يسمونه بيت قال ياولد حار بحار خلص دامك نشيط
والله ويروح للجوازات وييسر الله اموره بعد ما ساعده موظف((تدرون ليش انقرف من ريحته))والله ويطلع الجواز هو مايدري وش هو له بس طنخه الولد سعودي
وبعدين قال حقها رخصه حج وحاجه نقص رخصه ونشوف الدله اللي كلا" حكابها
روح الولد لدله وفحصوا النظر الا الوليده يشوف العلامه قال الموظف وش ذي قال هذا وسم اباعر ال مره قعد يضحك الموظف قال وش هذي طيب قال هذي كنها مقعد ابوي لا قام من محله قعد يضحك والله ويمشيه
والله ويروح لتحليل الدم وجو يضربونه ابره رفض الولد يقول الوسم للدواب مهيب للرجال
قام يضحك الممرض قال طيب الحضر وش وسمهم قال يوسمون بالمناكير
ضحك وعداه والله ويحضر الدرس اللي يعلمون فيه محتويات السياره ما امداه يجلس الا والمحاضر مطلعه يقول والله لنجحك بس انت ابعد ويوم جو يسوقونه
قال مهيب ذلون هاتوا السطحه واظهروا الموتر فوقها وابشروا بالدليله
والله ويكرشونه ويعود ونفسه مهيب طيبه قال والله لا أسافر واقصها من برا واغبنهم
والله ماطلع بكره الا وهو على حد الشام والله ماردوه الا مكلبش بتهمة تزوير
((الولد شاطب على اسم امه اللي في الجواز))
ومن السجن وردني بعض الابيات التي جاش بها وقد ارسلها لابن عمه ((ديدي دمق دش))
الا ياليتني ماتعديت اهلي وذودي .....مابين بني عمي وربعي والرفاقه
اعس الارض ومحد ينشدني سعودي......اصلي ما يثبته لاجواز ولابطاقه
بلعون ماني على اللي صار محدودي......لكن الصبي لازم تمره الحماقه
((حديثت اللحظه ارجو ان تحوز على رضاكم))
دردم دح عكرف لولي
يحبكم من قلب بس ما يدري تحبونه
((واحد احراج على الماشي))
رد مع الاستدلال
تونتي
الروابط المفضلة