هذه القصة وجدتها في إحدى المنتديات 00 طلب كاتبها كل من يقرأها نشرها في المنتديات
وللأمانه والإستفاده أنقلها إليكم و( السعيد من وُعظ بغيره )
ومع أحداث القصة :
إثنين من الشباب أخذوا عشاهم وراحوا يتعشون في شاطيء الراحه بأبو ظبي000
جاتهم امرأه عجوز وأخذت تلقْط من الأكل المنتشر 00قالوا لها : ياخاله إنتِ جوعانه ؟؟؟
قالت لهم : إيه أنا من الصبح هنيه و ماكليت شيء 00 قالوا لها: انزين شو جابك هنيه ؟؟؟
قالت : ولدي نزلني وبيرد عليّ وبياخذني0
المهم الشباب شالوا أغراضهم وحسوا إن الوقت متأخر ومايصير يخلون الحرمه وحدها بالليل
قالوا لها : إنزين عندك رقم ولدك ؟؟ قالت : إيه00 وطلعت ورقه صغيره من مخباتها000
ويوم طالعوا الشباب في الورقه حصلوا مكتوب فيها : ( من يجد هذه المرأه يأخذها لبيت العجزه)
انذهلوا الشباب من اللي مكتوب ، وجلسوا ساعه يترجونها إنها تسير معاهم 00لكنها مارضت
وقالت: لالالالا أنا باكر ولدي يمر عليّ ويأخذني 0
تموا الشباب وياها ساعه يترجونها لكنها مصره على إنه ولدها بياخذها00000
مسكينه000 ماتدري بحقارة ولدها !!!! المهم الشباب راحوا عنها000 لكن واحد منهم ماقدر
يرقد يفكر فيها لين صارت الساعه2 الصبح ، قام ولبس ثيابه بسرعه وراح للشاطيء شاف
إسعاف وشرطه راح وسألهم عن الحرمه ، قالوا له : توفت00 ارتفع عندها الضغط ومااااااااتت
ارتفع عندها الضغط من حسرتها على ولدها تتحرى إنه صار له حادث أومكروه 00!!!
مسكينه 00الأم بتظل أم000 الله يرحمها ويسكنها الجنه 00 ويعوضها خير من ولدها0000
ولدها الذي خسر تذكره كادت أن تدخله الجنه من أوسع أبوابها000
واعلم أن رضى الله من رضى الوالدين0
وبارك الله في الجميع وجعلهم قرة أعين لوالديهم000000 آآآآآآآآآآآآآمين
الروابط المفضلة