بسم الله الرحمن الرحيم

إييه كلكــــن ، أجل صاير لي يوم و نصف ما أدخل على المنتدى و محد منكن يسأل عني ..؟؟؟ أفا والله أفا ، ما هقيتها منكن ، هذا إن دل فهو يدل على إنكن ما تبغوني معاكـــن ..صح ‍..؟ أجل ليه ما سألتو عني ..؟؟ لهالدرجة غيابي ما بان ما بينكن ..؟؟
الله يسامحكن ... على العموم ، خلاص شكلي بجمع أوراقي و بروح ...

خلاص لا تحاولون ... بروح يعني بروح بس حد يطلب مني حاجة قبل لا أبتعد عنكن .. علشان أبّرئ ذمتي ... تدرون بعد ... الدين شين ...

ولكم تحياتي.

اف عليك تزعلين من اهلك وناسك والله يعلم مانكن لك من احترام وتقدير ونعتبرك من أغلى الأخوات لما لمسناه منك من طرح ومناقشة كل مفيد وجديد .
لكن مثل ماتشوفين الأن وقت اجازه وناس تنشغل وناس تسافر يعني كل شخص ممكن يمر بأمر يمنعه من السؤال .
وانا اثق انك بتقدرين موقفنا وإلا مالنا خاطر عندك ........


وان شاء الله الي منعك خير ولا تنقطعين عنا مرة ثانيه وجزاك الله كل خير على ماتقدمينه .

وانا أقول ليه المنتدى مظلم .. وحاسه انه ناقصه شيء ..
أها عرفت السبب !!! حبيبتي زوزو مو موجوده ..
بس ولا يهمك تعبرنا في هاليومين بالشموع .. ومشيناها
بس الحمد لله رجع لنا النور من جديد
لكن .. سلامات عسى ماشر ..
ومن طول الغيبات جاب الغنايم
ولا تزعلين ترى مانقدر على فراقك .. وشلون .. تبينا نرجع للشموع .. نهون عليك

ليه الزعل ليه؟؟؟؟
والله انا نعزك كثير يازوزو بس زي ماقالوا الاخوات الناس مشغوله بهالاجازه...
وفي كثير غايبين مقدرين أحنا انهم مشغولين...
عساك رضيتي؟؟لاتتركينا ترى لك مكان بينا كبير...

ليه الزعل !!!!!
أختي زوزو يعلم الله اني احبك في الله ولكن لابد ان تلتمسي العذر
لكن مثل ماتعرفين الأن وقت اجازه وناس تنشغل وناس تسافر وهكذا
والحمد الله على السلامه وماتشوفين شر ان شاء الله
وعلى فكرة انا لم ارى مواضيع ولا ردود للأخت ام عائشه هل احد يعرف عنها شيئ ..


أختك ومحبتك في الله بنت الجزيرة ..

يقولون العتاب دليل المودّة,,
يعني ماراح تقدرين تستغنين عن الأخوات اللي في المنتدى,, ولو مالك خاطر في قلوبنا ما في حد رد،، ننتظر مقال جديد منّك بس بدون زعل هالمرة,,
وبعدين يا زوزو أنا زعلانة منّك لأني من دخلت المنتدى ما عبّرتيني أو عطيتيني حتى face.
لا تحاولين,, لا لا ما أرضى.

لالالالالالا بعد هذا كله اضن مالك عذر ولا تتغلى علينا حبيبتى زوزو ترى بلاك ما نسوى شى انت او اى عضوه من العضوات وعسى المانع خير ها خلاص ولا اغنيلك
نورتينا زوزو حبيبتى ولاعاد تغيبى
فعلا ام عائشه مالها حس فينها

اما انا لايزعلي مني لاْْني رحت قبل ما تروحين ورجعت بعدك
يا الله تقبلي سلامي,,,,,,,,,, هديل,,,,,,,,,,,

بسم الله الرحمن الرحيم

يوووووووووووووووووه ، كلكن تحبوني ..!! بصراحة أخجلتموني كثير ومادام كل هالمعزة في قلوبكن تجاهي ... فمالي حق أزعل صح ..

أسيرة الغربة شكراً والله عزيزتي وأنا بعد أعزكن كثير كثير وربي عالم بهالشيء ، عسى ربي يكتب لكِ الخير دايم ..
توتي ... الله يقطع إبليسك رقعيها ها ...!! يحليلك أجل بالشموع هالأيام ... الله يخليكِ يا رب ..
الجمان تسلمين والله ، خلاص ما نيب زعلانه دامي تأكدت إنكن مرتاحين بوجودي وربي يحفظكِ من كل شر ..
بنت الجزيرة عاد إنتي ما يحتاج كلام .. على عيني وراسي ، حبيبتي والله ، وربي يخليلك غاليكِ..
شمس الضحى لا عاد لا لا لا ، لا تزعلين والله مستحيل أنا ما أعبر أحد بس يمكن كانت عندي ظروف خارجة عن إرادتي وعلىالعموم حقكِ عليّ و السموحه طيب ، وتسلمين لي يا رب ،وعسى ربي يفتح لك أبواب رحمته يا رب ..
غاده إنتِ عسل وأحلى منه بعد و شكراً جزيلاً ، و ربي يحقق أمانيكِ يا رب ..
هديل ... خيركِ واصل يا هدوله يا أمورة ... و ربي يحفظكِ من العين ..


تسلمون لي والله و ربي لا يخليني منكن ، وبالفعل لقيت معاكن الفائدة وسعة الصدر و ربي يجعلكن في الجنة يا رب ...
و لكم تحياتي.

الله يا زوزو والله ما شفت احلى من لسانك ايش الكلام هذا الحلو شكرا جزيلا على الدعوه وامنيتى انى اكون سعيده فى بيتى اتمنى من الكل يدعيلى بالى تجود بيه قلوبكم وكلكم كرم
انا سعيده جدا بالمنتدى وبالعضوات الى موجودين فيه الى اعتبرهم اعز صديقات ليه واشكر زوجلى الى كان سبب فى تعرفى عليكم بالجهاز الى جابو ليه
وتسلمين يا احلى زوزو