&اغادير& واحب اشكرك شمالية غربية كثير لانه دليتيني على كوفي تايم وفعلا تعاملهم رائع وارسلوا لي كل شئ شحن

عزيزتي كيفك

ماقلتِ لي ايش اللي اخذتيه من كوفي تايم ...وهل طلبك لهم بالتلفون ولا سافرتي للرياض ...ودعواتك لي لأنا بنجهز مقهى ولسى ماخلص ..

يعني خطواتك معهم كيف كانت لأني نفس حالتك خارج الرياض لكن زوجي اتفق معهم على اشياء كثيرة وهم ماقصروا خدمتهم جداااا رائعة ماشاء الله وقهوتهم ايلي لذيييييييييييييذة حيل

هلا بالغالية
ومبروك مقدماً والله يعطيكم خيره
بالنسبة للاتفاق اخوي في الرياض فاهو راح لهم وكلمهم بشارع التحلة موجود مكتبهم جنب الكوفي
تدخلي وتختاري الاكواب البلاستيك لانه احجام والملاعق والسكر والكراتيين للطلبات الخارجية والمصاصات
اهو اعتقد رجال بس يدخلون لكن اخوي دخلني معه وكنا نختار بسرعة قبل حد يدخل
اطلبي موكا بالكراميل والفانيليا وكمان اللي بالشوكولاتة
واطلبي شاهي تروبيكانا هذا خطير الناس حبته بشكل عجيب طعم الورد رغم انا شخصياً ما حبيته واشتري معاه الاوراق اللي تحطي ورق الشاي بيها وتسكرينها بعود فانا اخذت هالعود لتحريك السكر وكمان للشاي اختصار
كمان فيه نوع شاي ستار وشاي انجليزي بس احلاهم تروبيكانا
الكابتشينو تاخذي علبة كبيرة بتكون مو مطحونة كل فترة تطحني جزء وتحطيه بعلبة بلاستيك مغلقة
النكهات للكابتشينو خذي التوفي والشوكولاتة السوداء والشوكولاتة البيضاء
العصيرات علب كبيرة لوحدها ما عجبني طعمها فصرت احطها مع العصير الطازج مثلا فتعطي نكهة حلوة وغريبة مميزة للكوفي تكون
الرمان احسن نوع
وبرضوه كانوا بالتليفون معنا اذا مثلا ما عرفنا شلون نصلح الموكا او الكابتشينو رغم كتبوا لنا الطرق فتعاملهم حلو وخدوميين
ويوصلك بالشحن كل شئ سليم
وبالتوفيق وطمنيني وش يصير معك

موفقة أختي ومبروك المحل الجديد .

السلام عليكم ورحمة الله وبركاته

موفقة أختي أغادير ....أسأل الله أن يبارك لك في رزقك

******
ماقصرتي ياشمالية

&اغادير&

الله يجزاك خير يارب ويوفقك

الكوفي اكيد زوجي هو اللي يجهزه يعني ماله داعي أنا بنفسي اروح لهم

لكن حبيت اعرف كيف التوصيل وايش اللي عجبك عندهم ..وان شاء الله إذا جهزناه وخلص أعطيك خبر ..

من باب تبادل الخبرات ..

مشكورة ياغالية ماقصرتِ

كتبت بواسطة &اغادير&

السلام عليكم
كيفكم بنات
ياريت تساعدوني بافكار لكوفي نسائي
الديكور والمنيو وش الاشياء الاساسة
كمان مين تعرف من وين ممكن نجيب النكهات تبع الكابتشينو
كمان اللي عندها اي كتب طبخ واو مذاكرات لحلويات مجربة اهي عاملتها تخبرني
بانتظاركم

الأخت أغادير
يسرنا أن نقدم لكي كل ماتحتاجين من أنواع القهوة ، فنحن وكلاء موزعين لمنتجات بارنيز بمدينة الرياض ، ويوجد لدينا كل مايتعلق بمنتجات القهوة والكابتشينو والأكسبريسو وبجميع النكهات ويمكننا طلب تصنيع أى نكهه او منتج حسب ماتختارين ، وكذلك يوجد لدينا قهوة بارنيز العربية والشاي العدني ومنتجات اخري كثيرة متعلقة بالقهوة فقط ، حيث يوجد لدينا أكثر من 33 نوع من انواع القهوة ومشتقاتها ؛
فإذا ماكانت الرغبه مازالت قائمة نرجو مراسلتنا على (abdullhameedb@gmail.com) أو
واعتذر من إدارة النتدي ولكننا أردنا المساعدة للجميع
وتقبلو تحياتي

تسلم للرد
والشاي العدني بالفعل كثير طيب
وان شاء الله يتم مراسلتكم

السلام عليكم ورحمة الله وبركاته

اختي اغادير واختي شماليه غربيه لكم ارق تحية...

انا مقبل على فتح مشروع كوفي شوب في الدمام وحاب اني استفيد من معلوماتكم وخبرتكم في امور الكوفي شوب...

طبعا الكوفي شوب سوف يكون على مساحة 450 متر مربع وسيكون قسم للعوائل وقسم للعزاب...

فارجوا انت تفيدوني بكل ما تستطيعون من المعلومات للكوفي شوب....

ولكم خالص تحياتي
handsome

للرفع

مع خالص تحياتي
handsome

اخواتي الغاليات .. اغادير وشماليه غربيه .. وكل من تود ان تؤسس كوفي شوب ..

عندي طريقه كابتشينو ممتازه ... واحلى شي في الكوفي شوب ان يكون في سر في خلطات الكابتشينو والاكسبرسو وغيره ..

جربوها في البيت في البدايه واذا عجبتكم اعملوها للمحل وهي غير مكلفه ..

الطريقه :
تخلط في خلاط البيض مقدار واحد من السكر مع نصف مقدار من النسكافيه القولد مع ربع المقدار من الماء .. وتخلط حتى تغلظ الخلطه وتصبح كثيفه وذهبيه وتوضع في الفريزر او الثلاجه لحين الاستخدام

راح اعطيك مثال .. كوب سكر .. نصف كوب نسكافيه قولد الذهبيه .. ربع كوب ماء وهذا المقدار يكفي بين العشرين والثلاثين شخص

طريقه الاستخدام .. توضع ملعقه اكل كبيره من الخلطه ويصب فوقها حليب مراعي مغلي .. وتخلط قليلا ثم توضع عليها كريمه الكابتشينو الجاهزه .. الموجوده في الجمعيات ..

واشربوها بالهناء والعافيه وادعوا لي..

على فكره تقريبا نفس هذي الخلطه يعملها كوفي شوب عندنا بالدوحه .. وما شاء الله الطلبيات ليل نهار عليه ومعروف على مستوى الدوله ...