الله يوفقكم يا بنات في كل اللي انتوا ناوين اتسونه
و الرزق الحلال مب حرام و لا عيب
بخبكرم عن أكثرمن تجربة لأكثر من وحده جربوا يتاجرون و ربحوا من وراها...و كلها تجارب واقعيه
مثلا يعني وحده كانت ترسلنا شنطه و ها الشنطه تكون من شنط السفر الكبار تلقين فيها شباصات و ملابس نوم بأكثر من مقاس و ملابس داخليه و شوية اكسسوارات و شيل المهم انه هاي الشنطه كانت توصلنا من مدينه ثانيه يعني البضاعه اللي فيها بتكون مختلفه عن اللي عندنا زائد انها كانت تطرش الأشياء اللي أسعارها معقوله و متوفره في ايد الجميع زائد ان النوعيه كانت تمام و طبعا كانت في وحده مهمتها ترسل هالشنطه لأكثر من بيت و تحصل الفلوس من الناس و تبعثهم لصاحبه الشنطه
اما الفكره الثانيه فتعتمد على طرفين انج تحصلين لج وحده مستعده تشتغل بياعه و تلف على البيوت وترى لازم تكون على مستوى و الها علاقات و انتي تكونين المورد يعني تشترين لها البضاعه أما هي فعليها البيع و تكون لها على كل قطعه تنباع سعر . . .تصدقون اني اعرف وحده بياعه من كثر ما أغراضها جدا مميزه و كله تبيع قطع من العمودي و لبرتي لندن صارت مشهوره و حتى الشيخات يشترن من عندها و السبب ان المورده ذوقها بكل صراحه حلو وايد ما تلقين عندها أي قطعه . . كل قطع الأقمشه مميزين و حلوين وايد
الفكره الثالثه انه في وحده كانت تاخذ دورات مكياج و لما صارت شاطره قامت تسوي مكياج بس حق العرايس و ما شاء الله سوتلها ألحين اسم لدرجه انه العرايس يجون عندها لحد بيتها و أسعارها في السما و مع ذلك الكل بيجن عليها
الفكره الرابعه سهله وايد في وحده متخصصه في تاجير فساتين الأفراح و مسويتلها غرفه في بيتهم للفياس و لتخزين هالفساتين و هي تاخذ الفستان من العروس و بعدين تأجره ثلاث مرات وفي كل مره يستأجر الفستان لها نسبه زائد انها لما تاخذ الفستان تاخذ مقاساته معاه يعني ما تعدل في الفستان و أسعارها أقل من محلات تأجير الفساتين وايد و سوقها ماشي وايد و كل البنات اللي يفصلون فساتين أعراسهم دائما يطرشونه حقها لأنها أمينه في التعامل و كل الناس مجربينها أما اللي ما يقدرون يفصلون و يريدون يأجرون فيروحون عندها لأنه تلقين عندها فساتين من كافه الأشكال . . . بصراحه هاي الفكره تعتمد على ان الانسان يكون له علاقات مع الناس و يكون أمين معاهم و الفايده في هاي الفكره انها تكون للثلاثه لصاحبه الفستان لأنه يرد عليها فلوس و للمؤجره انه لها نسبه و للمستأجره لأنها راح تلقى فستان حلو قيمت ايجاره رخيصه مقارنة بمحلات تأجير الفساتين .. . .
يالله يوفقكم و يعطيكم حتى يرضيكم
دعوه اخت لأخواتها في الله
الروابط المفضلة