فكرة حلوة .... الى السعوديات الأنيقات
السلام عليكم ورحمة الله وبركاته
عندى فكرة كويسة طبعا انا مصرية ولكن بحكم وجودى فى السعودية لفترة ليست قصيرة ... لاحظت ان السعوديات هنا لما بتعزموا على فرح او مناسبة مش بيكرروا ملابسهم يعنى الفستان لمرة واحدة فقط وبعد كده مصيره الدولاب لغاية ما يبان له صاحب ... ههههه
فايه رأيكم ان اللى عندها كوليكشن حلوة كده من فساتين السهرة تعرضهم للايجار ؟؟ زى عندنا فى مصر كده محلات لتأجير فساتين السهرة والافراح لمدة يوم واحد وتاخدى ضمان يعنى مثلا لو هتاجريه ب100 ريال خدى من الزبونة 200 ريال علشان لوحصل للفستان حاجة بتخصمى التلفيات من المبلغ وتردى لها الباقى ...
والله انها فكرة حلوة وخصوصا ان الفساتين دى ملهاش لازمة بعد ما بتأدى الغرض منها وخلاص وعلى فكرة التأجير احسن من البيع لأنك هتجمعى اكتر من تمنه اللى اشتريتيه بيه ولا ان تبيعيه بالخسارة.
ايه رأيكم ؟؟؟ واللى هتنفذ انا اول واحدة عايزة أجر فستان لانى عندى فرح اول الشهر بس ياريت تكون فى جدة اومكة ..
بالتوفيق
الروابط المفضلة