السلام عليكم ورحمة الله و بركاتة
أخوتي الاعزاء في منتديات لك
أحب في البداية أني أشكر كل من قام بجهود لأنجاح هذا المجتمع الرائع من المحبة
ثانيا :
أنا عاوزة نتناقش في كيفية الاستيراد من الصين
بمعنى اية ؟
يعني فية بنات عندهم محلاتهم الخاصة بيهم و يحبوا يشتروا أشياء متميزة في محلاتهم
و عجبتهم حاجة في موقع صيني ..... اية بقى الطريقة للشراء ؟
هل بتشتري من الموقع او بتخلي حد يشتري لك من الصين بنظام العمولة ؟
طب لوا أنتي تاجرة صغيرة بردو و عايزة تجيبي بضاعة تبيعها على النت و خلافة
ها تجيبيها أزاي ؟
هل فية حد منكم جرب قبل كدة الشراء من الصين بأي وسيلة يقدر يفيدنا ؟
أعتقد كمان أننا ممكن نطبق فكرة كويسة تقلل علينا تكاليف الشحن كمان
لية مثلا التاجرات اللي عاوزين يستوردوا ملابس مثلا من الصين ما يتحدوش مع بعض
و يحطوا فلوسهم مع بعض و بكدة يكون رأس المال أكبر و كمان سعر البضاعة ها يرخص
لأنك كل ما تزودي الكمية بيقل سعر الشراء و كمان سعر الشحن
و في الحالة دي ها تكونوا أسفادتو و طبعا لا ننسى حديث الرسول صلى الله علية وسلم
في الحديث القدسي ( أنا ثالث الشريكين ما لم يخن أحدهما الآخر فإذا خان أحدهما الآخر خرجت من بينهما)..
أعتقد أنها فكرة كويسة جدا و كمان ها تقلل عليكي تكاليف أشياء كتير جدا
و أتمنى يكون فية تفاعل مع الموضوع
و شكرا
الروابط المفضلة