السلام عليكم ورحمه الله وبركاته



يمكن تستغربوا لكلامي لكن اعتقد انه ده الحل الوحيد والاصح بالنسبه للشباب اللي عايزه تبتدي تجاره خاصه بيهم.


كل واحد فينا في نفسه يعمل مشروع ولو صغير محل صغير – تجاره من البيت - يشتري توك توك اي حاجه المهم نشتغل ونرحم نفسنا من اللي احنا فيه ونقاوم الغلا ده .


اكيد في منا اللي فكر انه ياخد قرض من بنك او جمعيه او يستلف وطبعا اللي بيسلف هيطلب فوايد ويبقي دخلنا في الربا . والحل بسيط جدا وفي ايدينا .


انا فكرت وملقتش غير الحل ده لكل واحد عايز يبتدي مشروعه او تجاره الخاصه بمبلغ صغير .


انا بعمل جمعيه بمبلغ 10 الاف جنيه اي بعدد 10 اشخاص كل شخص يدفع الف في الشهر ولو شايفين المبلغ كبير ممكن اتنين يشتركوا ويدخلوا باسم واحد وممكن تلاته ووقت القبض بيتقسم عليهم المبلغ .


انا ساكنه في الهرم واتمني اني الاقي حد من الهرم او الجيزه او مناطق جمبي ونعمل الجمعيه وكلنا نستفاد المهم مييبقاش الكل عايز يقبض اول اسم عشان دي العاده الكل يتخانق علي اول اسم ههههههههههههههه .


الفكره ممكن تتنفذ في اي مكان ،،، وينفذها سكان مجموعه مناطق متقاربه وبالنسبه لضمان المبالغ اللي بتدفع فدي بتبقي علي الل بيلم الجمعيه وهو اللي بياخد الضمانات علي الاشخاص اللي ميعرفهاش خصوصا انه تعارف من خلال النت .


انا عرضت الفكره يا جماعه وبلم الناس عشان الجمعيه بتاعتي فياريت اللي عايز يدخل معايا يبعتلي علي الخاص وعلي فكره انا منزله موضوعي ده علي كذا منتدي عشان اقدر الم العدد المطلوب .


اسفه اني طولت عليكم واتمني ان الفكره بتاعتي تلاقي قبول وترحييب وتحل مشاكل ناس كتير .

بالتوفيق ان شاءالله

تسلمي وديه علي ردك

الله يوفقك

الله يوفقك يارب فكرة حلوة ومجدية ونافعة والكل محتاج لها في الوقت الحاضر

طبعا حبيبتي مشكورة على تفكيرك في اخواتك ومحاوله ايجاد حل ومساعده الجميع ولكن انا رأيي ان موضوع الجمعية دي مش مفيده الجمعية دي عباره عن كأن الواحد بيحوش فلوس مع حد تاني وفي نفس الوقت اللي بيقبض الجمعية بيكون استفاد بالفلوس بدل ما الواحد ميقدرش يمسك نفسه ويصرفها المهم في الاخر العمليه بتكون عمليه تحويش ياعني انا هاحوش على مدار السنة عشرة الاف جنية تمام في اخر السنة هايبقوا برضو عشرة الاف جنية صحيح ممكن وقتها ابتدي بيها مشروع بس انا عندي فكره افضل للجميع ويمكن تكون كمان بتحث على التعاون والمشاركه وفعلا اتنفذت قبل كده ونجحت دلوقتي فيه ناس كتير بيتاجرو في حاجات او زي ما بتقولي نفسهم يعملو تجاره طيب ليه بدل ما الكل يشترك في جميعه ميشتركش كلهم في مشروع واحد محل مثلا ايجاره مشترك حتى لو كان المحل ده بالف جنية في الشهر على عشر افراد هايكون سهل جدا يدفع ايجاره ونكون وفرنا شغل لعشرة افراد مرة واحده واكيد ان شاء الله هايكون فيه ربح مش هاتفضل الفلوس زي ما هيا وفعلا فيه ناس عملو كده ونجحوا وانا شخصيا اتمنى الاقي حد يعمل معايا الموضوع ده وطبعا في الاول وفي الاخر جزاكي الله كل خير انك بتفكري في مصلحه اخوات بلدك وارجو ميكونش كلامي زعلك ولا حاجه دي كلها اراء والاختلاف في الرأي لا يفسد للود قضيه

السلام عليكم
اختي sngrycat انا مزعلش من الاراء والافكار احنا بندور علي حلول تناسب كل واحد . بس عايزه اوضحلك حاجه موضوع التحويش ده صعب في الوقت الحالي الواحد بيجيلوا فلوس وتروح هوا في ظل المصاريف والغلا اللي احنا فيه وبعدين ناس كتير اوي عندها مشاكل ومش عارفه تحلها ومحتاجه حلول سريعه الي حد ما وناس تانيه بيبقي عندها مناسبه زي فرح بنتها او ابنها وعايزه تشتري حاجات ليه بس بعد مده ومحتاجه مبلغ برده .

انا حاولت اشوف احسن الحلول واحلها شرعا ولقيت انها كويسه وفكرتك برده كويسه طبعا بس عايزه اقولك حاجه جربتها المشاركه مع واحد صعبه ما بالك ب 10 متشاركين في محل واحد ،،،،، هيبقي 10 اراء و فيه مختلف وفيه موافق ومشاكل ووجع دماغ غير ان فيه ناس كتير اوي بتبقي عايزه محلها ليها وحدها او تجارتها ليها وحدها .

اعدروني على هده المداخلة
انا عجبتني افكاركم لاكن انا عندي راي في الكلام انا مجربة الجمعية ونجحت مع البنات الي كنت معاهم لانهم كلهم نفس طبيعتي بنات حقانيات وما يحبوش الخيانة وبندفع كلنا في نفس الوقت
لاكن مرات تصدف تشترك معانا بنات يياااااااااااالطيف ما تاخدي منها الفلوس لين روحك تطلع خخخخ
اقصد الامانة والصدق مهمييين
اما عن فكرة اختي انجري كات فكرة حلوة لو كنت مع حد زي نفسك لاكن لو مش متاكدة منها انصحك سيبي الفكرة نهااااااااااااااااائي
عندنا متل بيقول الشركة تركة ....لان كلها مشاكل والمركب الي بيقوده 2 بتغرق
انا ما بنصحكش الا مع حد طبعه وتفكيره متل نفسك

بالتوفيق ان شاءالله

تسلموا علي الردود بس عايزين سيدات عايزه تدخل جمعيه او عايزه تعمل مشروع .
انتوا فين ياااااااااااااااااااااااااااااااااااااااااااا اااا بنات و سيدات المنتدي الكرام