السلام عليكم
يااخواتي العزيزات انا افكر في (مشيريع)صغير بس ماني عارفه وشلون وهو تزين مكعبات السكر للشاي وتزين صياني الحلا وسلات الحلاو وتنسيق الكاكاو يعني تزين الحلاو وتزين هدايا العيد وهدايا حفلات نجاح اطفال وهدايا متزوجين واساور الشرايط تقريباً هذا الي افكر فية اذا سلكت انشاء الله بطلع افكار ثانية

وسلامتكم

وعليكم السلام والرحمه

ماشاء الله تبارك الله فكره حلوه مره ,, وحسب اللي أشوفه إن ناس كثير تدور اللي توفر لهم هذي الأشياء

أما بالنسبه لـ (شلون)

إذا عندك راس مال افتحي محل واعرضي فيه ,, بس لاتنسين أهم شي دراسة الجدوى

وإذا ماعندك ابدئيها من البيت

والله يوفقك ياقلبي ويقويك

ا ولاَ تسلمين عنود على الرد
ثانياَ فتح محل صعب شوي بس انا تكلمت مع بعض المحلات في بعض احياء الرياض عن امكانيت عرض اشغالي عندهم وافقو الحمدلله وبطلع رقم جوال عشان اخصص للبيع وكتبت رساله جوال راح ارسله لجميع الي اعرفهم ويعني معارف العائلة واخواتي
وهذا نصها:
افكار جديدة وتشكيلات مميزة لتزين وتغليف ( حبات السكر)لجميع المناسبات (الأعراس-النفاس)واسعار مناسبة (بالحبة -والكيلو)حسب الطلب........كما يوجدلدينا استعداد لتزين سلال وصواني للشكولاته.........للاستفسارالاتصال على...طبعاَ الرقم
وبس

فكره حلوه مره ,, إن شاء الله يوم اللي أشوفك مديرة أكبر مصنع بالسعوديه

طيب حبيبتي وريني شغل لك
محتاجه احد يسوي سلات واستاندات لتوزيعاتي
وان شاء الله اكون فاتحه خير عليك بس بغيت اشوف شغل لك والاسعار
موفقه ياقلبي

تسلمون على الرد
انشاء الله في اقرب وقت اصورهم وارسل الصور تشوفين انتي والجميع
بس خايفة ان احد يسرق الأفكار وانا تعبت لين طلعت افكاري

بانتظارك حبيبتي
وانتي اكتبي ماحلل احد يسرق من هالافكار واللي تخاف ربها ماراح تسرق ان شاء الله
واللي تسرق ربي حسيبها
تحياتي لك