السلام عليكم ورحمة الله وبركاته
اسعد الله اوقاتكم بكل خير
اخوتي بارك الله طرحت موضوعي عليكم واتمنى تساعدوني وما تقصرون ويايه
اني شاركت بمجلة بشهر رمضان المبارك وخسرت عليها
هوايا والله وكان املي افوزن بجائزة مناسبة
حتى لو بالاخير
لكن بختي المصقع
طلعني على
جائزة عينيه عبارة عن قسيمة مشتريات بقيمة 1000 درهم من عبدالصمد القرشي للعطور تصرف في أي محل من محلات عبدالصمد القرشي الي بالامارات
وارسلوا ليه القسيمة بالبريد السريع
اخوتي اني ما اقدرن اروحن للامارات واشتريه
ولاني والله اساسا ما عندي الي يوديني ويرجعني ويرافقني
يعني لازم احطن عليها دبلات
علشان هيج هسه نزلت الموضوع الكم بالكت اخوتي واحد بيكم يشتريها مني
بحيث ان هو يرسل لي المبلغ على الانصاري للصرافة واني ارسل له القسيمة على العنوان البريدي بالبريد المسجل
اقسم بالله العظيم اني راح اصدقن ويايه بمجرد يحول قيمتها ارسل له القسيمة بنفس اليوم والله على ما اقول وكيل
والله يفصل بينا بالحق
وهمينه اخوتي فد بنيه اهدت ليه جائزتين عباره عن مجموعة عطورات من الحرمين للعطور قيمة كل وحدة 250 درهم يعني المجموع 500 درهم
هي هدتهن ليه لان الشخص الي يرسل الجوائز قال الها دفعي علي كل وحدة بيهن 200 درهم حتى ارسلهن الج لانج خارج الامارات وانتي تتحملين تكلفتهن
وهايه الجائزة موجوده في عجمان يعني ننطيكم العنوان وهو مكان معروف هناك وتستلمونها
اخوتي الله يخليكم اني عرضت الامر عليكم لا تقصرون ويايه
والله اني لو اخليها عندي ادري اني ما راح اروحن للامارات يعني راح اخسرها واني والله خسرت على الاولى هواي هواي والله
انتم بارك الله بيكم لا تقصرون ويايه
والله يجزيكم ووالديكم الجنه ان شاء الله
الله الموفق
الله يخليكم اخوتي لا تحذفون مشاركتي هايه بالكت الله واحد يشتريها مني رحم الله والديكم
الروابط المفضلة