اشتريت شقة في دبي والمالك رجع استأجرها مني لمدة 15 سنة بإيجار يساوي 10% من قيمة الشقة
يعني بعد عشر سنوات بكون رديت فلوسي وباقي 5 سنوات هي أرباحي وبعد ال 15 سنة بترد الشقة لي وفوقها الفرش والديكور الي فيها لأنها كانت تتأجر شقق فندقية.
قولولي وش رايكم. تنصحوني آخذ وحدة ثانية؟؟؟
لا وبعد نسيت أخبركم شي وايد حلو ، المستأجر عطاني هدية أسبوعين كل سنة أسكن فيهم في الشقة
وخصم 20% من فاتورة الخدمات الفندقية إذا استعملتها يعني بحصل مكان أسكن فيه مجانا في فندق خمس نجوم يوم أسير دبي وقال لي إني ممكن أستفيد من الأسبوعين إذا ما أريد أسكن في الشقة بإني آخذ إيجار من الشركة لهلأسبوعين.

وش رايكم في الموضوع تشوفونه ناجح ولا فاشل؟؟؟؟؟؟؟؟

أريد رايكم حتى لو كلمة تطمن قلبي....
وشكرا حبيباتي