أعمالي المميزه بالكروشيه (اكسسوار-شنط-بطانيات-ملابس...غيره) حياكم
السلام عليكم ورحمة الله وبركاته
الصراحه يا بنات أنا اشتغل بالكروشيه واشتغل وشغلي يطلع نظيف ومضبوط وكل من قام يقولي ليش ماتبيعين لحد ما اقنعوني وبديت أبيع
والحين جايتكم أحط لكم شغلي وصور مو شغلي بس أقدر اسويه واللي عندها أي شغله تحطلي صورتها واسويها
بالنسبه للتوصيل للي داخل الكويت في توصيل للمنازل من مندوب ياخذ أجره تدفع أهي نص وأنا نص أما اللي خارج الكويت تحولي المبلغ كامل (سبب التحويل المبلغ كامل ان في بعض البنات الله يصلحهم ياخذون البضاعه بدون دفع النص الثاني ويتهربون وانا وين ادورهم بديرتهم) وبنفس الوقت راح أرسل بالبريد الممتاز يستغرق من اسبوع الى عشرة أيام وراح اتابع مع العضوه التوصيل
وراح يكون عندي تشكيله جديده للعيد وممكن اعمل شغلات للوالده وللبيبي طقم وملابس اطفال واعمل اكسسوارات للمنزل (مفارش - تلبيسة كاسات- تلبيسة مطارات ودلال القهوه) ألخ
واعمل شالات وشنط واكسسوارات قاعده اجهز تشكيله رهيبه واضمن ان اللي تبونه من افكار غريبه وحلوه بتلقونه عندي وتره اغلب بائعي الاكسسوارات تستخدم نوع واحد من اشكال الورود وأنا انوع باكثر من شكل وافكار متجدده
وأعمل حزم واكسسوارات للشعر بس ماجهزت للتصوير وللأسف أن قطعة التوصيل للصور خربانه راح أبدلها باسرع وقت ان شاء الله
السلام عليكم
للأسف بنات ماني قادره ارسل لكم رسايل بسبب عدد مشاركاتي
هذي صور الأكسسوار وبعض صور اكسسوارات وملابس اقدر اسويها
ويا بنات في دفعه جديده من الاكسسوارات احلى وافخم وشنط وشالات وبونشوات وجاكيتات اللي تبي قصير واللي تبي طويل واسكارفات
الروابط المفضلة