و الفجر : حياكم الله يا بناتي شنو تشربون موكا و إلا كباتشينو تراني عجوز بس مودرن
بنات المنتدى : أقول اخلصي بس شنو الجديد عندج اليوم تراج غثيتينا من ندش المنتدى كله مواضيعج بوجيهنا
الفجر : جبت لكم غلوساااااات حلوة اليوم عندي مهرجان غلوسات و الماركات مو متوفرة في الخليج
بنات المنتدى : أي بس اسعارج نااااااار
الفجر : لا تخافون عندي لكم عرض بيعجبكم
اشتري أي غرضين من عندي و لج تخفيض 3 دينار
البنات : طيب و ان شرينا 3 ؟
الفجر : اكيد تخفيض 6 دينار
البنات : و ان شرينا 4 ؟
الفجر: تخفيض 9 دينااااااااار
البنات : و اذا شرينا 5 أغراض بتعطيني تخفيض 12 دينار صح؟؟
الفجر: لا يا فالحة التخفيض بس 9 و اضافة الى ذلك بس راح أشحنهم لج مجانا على البريد المسجل
البنات:ووووووواااو هاتي خلينا نشوف شنو عندج ( يا بنات شكلها هالعجوز خرفت و قامت تقط خيط بخيط)
الفجر : أول شي هذا القلوس اللي ينفخ الشفايف ماركة too faced طقم من 4 ألوان صح المنتديات متروسة منه بس سعره عندي غير و لا تنسون العرض اللي قلته لكم قبل شوي
سعره 15.5 دينار تقريا 155 ريال
أنا استخدمه على طول اول ما تحطونه بتحسون بنغزة في الشفايف بس بعدها بتشوفون النفخة الحلوة ينفخ الشفايف بنسبة 20% و تدوم النفخة لأربع ساعات و أكثر و ألوانه قوية و ثابتة ما تمتصها الشفايف و لزوجتها حلوة و ناعمة و في امكانج تخلطينه أو تحطينه مع أي روج أو غلوس و راح يعطي نفس المفعول
البنات: وااااو بس انا ما ابي كل هالالوان ابي الوردي بس ما عندج منه حجم اكبر؟
الفجر: أكيد عندي منه 4.5 جرام و اربع درجات سعر الواحد 13 دينار أو 130 ريال
البنات : طيب انا ما ابي غلوس بفرشاة، ابي رولة ما عندج نفس الماركة؟؟
الفجر : أكيد الزين كله عندي اختاري لج درجة من هالدرجات و سعره بعد 13 دينار و فيه منه غير هالدرجات شفاف
البنات : حلو القلوس اللي فيه القلب و الثاني اللي بالميدالية سعر الواحد فيهم؟؟
الفجر : هذول ينباعون مع بعض درجتين من الميدالية اللي فيها غلوس و علبة الغلوس اللي عليها قلب واييييد بنوتيين و حلوين ماركة hard candy اختاري لج درجة من هالدرجات
البنات: انتي مو قلتي تبيعين غلوسات عيل شنو هالمصاصات ؟؟؟
الفجر : هذا طقم من اربع غلوسات على شكل مصاصات ريحتهم تخبل و نفس الماركة و سعر الطقم 15 دينار.
البنات: بعد راوينا شنو عندج
الفجر :
هذا الطقم في علبة بنفسجية حلوة و كل غلوس فيه لونين يعني 6 الوان سعره 16.5 يعني 165 ريال
طقم من too faced 3 الوان سعره 17.2 يعني 172 ريال
تبـــــــــــــــــــــــــــــــــــــــــع
الروابط المفضلة