السلام عليكم و رحمة الله و بركاته ..

ماركة سونيا ركيل

غنية عن التعريف ..

الشنطه جديده 100% و أصــلـــيــة .. بقراطيسها :icon20:

السلاسل بين كل سلسلتين في سلسله كامله بالكريستال ..

مب وايد واضح في الصوره و لكن على الطبيعه ترقش ترقش خخخخ

السعر 3.500 درهم ..

350 دينار كويتي ..

3.500 ريال سعودي ..

توصل الى المشتري خلال اسبوع او اقل بعد تحويل المبلغ إلى الحساب ..

اي استفسار اخر انا في الخدمة ..

اللهم لك الحمد على نعمة العقل
شنطه ب3500 ريال أكيد أنتي غلطانه بالسعر قصدك 35 ريال
إذا منتي غلطانه بالسعر فأقولها بصراحه اللي تشتري هالشنطه لأنها ماركه بهالسعر فهي لاتعرف الذوق لأن الشنطه شكلها من اللي بعشره وماتخاف الله بهالمال ( يوم يسأل الإنسان عن ماله فيما أنفقه)
المسلمين ميتن جوع مجاعات وفياضانات وزلازل وإحنا نشتري بمبالغ خياليه ليش لأنها ماركه يعني ماتخرب (إيه صدق أنا عندي شنطه مااااركه وارثتها من جدة جدتي وماتغيرت كأنها جديده لأنها ماركه ماعندي غيرها ماشريت أي شنطه ولونه فسفوري تمشي مع أي فستان) الله يخلف على جدة جدتي اللي مالحقت على هالماركات

بصراحه ماتسوى عشره ريال


سوري بس هذا الواقع

اسمحوا لي أخواتي أدري أن رأيكم صحيح من ناحية الاسراف و عدم موافقة ديننا عليه بس اسلوبكم في توضيح النقطة كان جداً مب حلو، ترا ديننا بعد يحث على الأدب والأخلاق ولا نسيتوا (فليقل ""خيراً"" أو ليصمت) و شوي كان فيه استهزاء بالأختbent_ebladee (تخيلوا نفسكم مكانها)

ترا مب ألاخت اللي سعرتها هي مجرد عرضت سعرها الحقيقي و يمكن شوية زيادة من باب التجارة (من حقها)

أنا الصراحة ما أخذ شنطة يد الا اذا سعرها تحت ال 200 لأني ما أحب أشيلهم وايد والشنطة شكلها حلو وراقي مع أن في منها تقليد وللاسف

مشــــــــــــــــكورة أخت bent_ebladee و الله يوفقج

بالتوفيـــــــــــــــــق ^_^

اختي غزال البراري

في اسلوب احسن من اللي استخدمتيه في الرد .. لكن برد عليج بالاسلوب نفسه

و مثل ما قالت اختي العزيزه Angelic Devil قلتقل خيرا او لتصمت ..

**إذا منتي غلطانه بالسعر فأقولها بصراحه اللي تشتري هالشنطه لأنها ماركه بهالسعر فهي لاتعرف الذوق لأن الشنطه شكلها من اللي بعشره **

مخلين الذوق لج حبيبتي خخخ

يقولج

لولا اختلاف الاذواق لبارت السلع .. عزيزتي ما ضربتج على ايديج و قتلج دخلي الموضوع و غصبن عنج اشتري الشنطه .. * الفرجه ابلاش * ما عجبتج اوكي فهمنا الناس اذواق بس مافي داعي لهذا الكلام..

** إذا منتي غلطانه بالسعر فأقولها بصراحه اللي تشتري هالشنطه لأنها ماركه بهالسعر فهي لاتعرف الذوق لأن الشنطه شكلها من اللي بعشره وماتخاف الله بهالمال ( يوم يسأل الإنسان عن ماله فيما أنفقه) **

لا حبيبتي مب غلطانه و نعم اشتري بهالاسعار و أغلى بعد الحمدالله الخير وايد
قال تعالي: "و أما بنعمة ربك فحدث"

الحمدالله ما قصرنا ويالمساكين و الفقراء .. نقدر نشتري اللي نريـده و كذلك نقدر نتصدق و نساعد الفقراء .. عندنا و لله الحمد ما يكفي ..

وبعدين انتي ليش مقهوره ؟! ليكون انتي دافعه قيمتها و انا مادري ؟؟؟


**صدق أنا عندي شنطه مااااركه وارثتها من جدة جدتي وماتغيرت كأنها جديده لأنها ماركه ماعندي غيرها ماشريت أي شنطه ولونه فسفوري تمشي مع أي فستان)**

عرفتي ليش ندفع هالكثر في الماركات ؟!؟! لانه في جوده في الصناعه تستاهل سعرها و بامكانج تستخدمينها مدى الحياه خخخخ

عالعموم مشكوره على التعليق ..

كتبت بواسطة ام جواد

بصراحه ماتسوى عشره ريال


سوري بس هذا الواقع

عادي ..

الناس اذواق

شكرا على الرد ..

كتبت بواسطة Angelic Devil

اسمحوا لي أخواتي أدري أن رأيكم صحيح من ناحية الاسراف و عدم موافقة ديننا عليه بس اسلوبكم في توضيح النقطة كان جداً مب حلو، ترا ديننا بعد يحث على الأدب والأخلاق ولا نسيتوا (فليقل ""خيراً"" أو ليصمت) و شوي كان فيه استهزاء بالأختbent_ebladee (تخيلوا نفسكم مكانها)

ترا مب ألاخت اللي سعرتها هي مجرد عرضت سعرها الحقيقي و يمكن شوية زيادة من باب التجارة (من حقها)

أنا الصراحة ما أخذ شنطة يد الا اذا سعرها تحت ال 200 لأني ما أحب أشيلهم وايد والشنطة شكلها حلو وراقي مع أن في منها تقليد وللاسف

مشــــــــــــــــكورة أخت bent_ebladee و الله يوفقج

شكرا عزيزتي

كلج ذوق والله ..

كتبت بواسطة رمـــش الغـــلا

بالتوفيـــــــــــــــــق ^_^

تسلميلي يالغاليه

لولا اختلاف الاذواق لبارت السلع

بالتوفيق للجميع