هلا فيكم بنوتات .. بخش بالموضوع على طول
مثل مانتم عارفين اننا على وجه صيفية وزواجات وعزايم ودوخة راس ، حبيت اقولكم عن دورة تجميل عجبتني مره وسجلت فيها واكثر شي عجبني انها شبه شاملة وسعرها يجنن بالمقارنة مع دورات التجميل الثانية
واهم شي انها على يد خبيرة تجميل سعودية اسمها الاستاذة وردة الماضي مدري اذا سمعتو فيها والا لا

المهم الدورة مدتها شهر ونص وممكن باتفاق البنات تضغطها لشهر اذا مستعجلين وتحتوي على :
قص
استشوار
تسريحات
مكياج بانواعه
حمام زيت للشعر مع عمل مساج

وبتكون الدورة 3 ساعات في اليوم ، وسعرها 1500 ريال وهذا الي شجعني ادخلها لانه مثل ماسمعت انه دورات التجميل سعرها خيالي ومبالغ فيه مره

وطبعا الاستاذة ورده عندها مشغل اسمه المليارديرة وتعطي فيه الدورة
وللعلم العاملات اللي في المشغل هي الي مدربتهم كلهم على كل شي ، وربي بالعطلة الصيفية صبغت عندهم هاي لايت يجنننن كأنه طبيعي وكلن سألني عند مين صابغة والاحلى من كذا ان صبغاتها طبيعية اتحدى اذا تخرب شعرك والا تخشنه مثل باقي الصبغات وتحط لك فيتامينات بعد الصبغة تغذي شعرك ويشتغلون بامانة وذمة وضمير ..

وربي يشهد على كلامي يابنات اني ماعرفها ولا اعرف احد بالمشغل لاتحسبوني اسوي دعاية لهم لا والله بس حبيت اخدمكم بشي انا مجربته شخصيا وقريباتي بعد

وغير كذا حبيت اقولكم عن الدورة الي بتسويها وترى بتبدا يوم السبت الجاي بتاريخ 7/11/1426 هـ واللي حابة تسجل وتستفيد تتصل عليهم وبكتب الرقم وادري انهم بيمسحونه ويكتبون ممنوع وضع الارقام بس ياليت ماحد يمسحه عشان حتى اللي مو مسجلين بالمنتدى يستفيدون وغير كذا يفكوني من الرسائل الخاصة بصراحه تتعب

وهذا رقمهم : 4929414 بحي الروابي مخرج 16 على مااظن اتصلوا عليهم واستفسروا عن الي تبغونه

مشكوره يالغاليه بس أنا مو من الرياض خساره والله

السلام عليكم
كيف الحال
كنت ابسئل استفدتي من الدورة ولا لا. وشكرا