بسم الله الرحمن الرحيم
اسمحوا لي يا خواتي اني تطفلت عليكم وانا مش من المدينه بس انا في خاطري كلام ودي اوصله حق اهل المدينه المنوره
حق اصحاب القلوب الطيبه والخيره , والله انا ودي اشكر اهل المدينه على طيبتهم وسعه صدورهم
ماشالله عليهم
انا من فتره يعني في شهر 8 تقريبا جيت على السعوديه ورحت واعتمرت ومن ثم رحت المدينه المنوره عشان اصلي بالمسجد النبوي وازور قبر الرسول صلى الله عليه وسلم
واصلي بالروضه ومع العلم انها الزياره الثانيه
بس لما رحت وصليت الظهر كنت منتظره اني اروح الروضه بفارغ الصبر ولكن من الازدحام فقدت الامل وخصوصا اني حامل وخف اني اذا رحت وسط هالزحمه افقد جنيني وفي نفس الوقت ابي اصلي قعدت محتاره انتظر الفرج من الله وان الزحمه تخف
لكن مافي فايده وخلاص الوقت المسموح للنساء قارب على الانتهاء
بس الحمدلله في بنات هناك في المسجد يرتبون الناس والحريم شكلهم موظفات
شافتني وحده وقالت لي ايش فيك ماودك تدخل
قت لها ابي ادخل بس ما اقدر شرحت لها ضرفي وجزاها الله خير ماقصرت
دخلتني من مكان ما اعرف وين بس هالمكان يدخلون الكبار في السن منه عن الزحمه
والحمدلله اتحقق حلمي وصليت بالروضه
وشف قبر الرسول صلى الله عليه وسلم بس من بعيد
ولما طلعت شفت مجموعه من النساء يبكون ويبوسون الاعمده والمصاحف الموجوده
والسجاد تخيلوا
انا استغربت منهم عندهم معتقدات خاطئه
وجتهم وحده من البنات وجلست تفهمهم وتقولهم انهم جايين يصلوا بالروضه وشالت بعض هالافكار الخاطئه
جزاها الله عني وعن كل اللي ساعدتهم
واسفه اذا طولت عليكم
الروابط المفضلة