السلام عليكم ورحمة الله وبركاته
خواتي انا عايشة مؤقتاً في بريطانيا
وبعد ثلاث او اربع شهور ان شاء الله برجع لبلادي ،، الامارات
فاللي حابة تطلب شي من مواقع او محلات بريطانية حياها الله
شي كذا بنت اشترت مني من قبل والحمدلله كلهم اتوفقت فيهم
و ان شاء الله بكون عند حسن ظنكم
واللي حابة تتعامل معاي اقولها انها بعد ما تقرر تصلي ركعتين و تستخير ربها
فإذا كان فالموضوع خير لها ربي بيسر الأمر لها
اللي حابة تشتري او تطلب شي وماتعرف مواقع بريطانية ترسلي على ايميلي :
alforqan@hotmail.com
وانا برسللها بعض المواقع وتدور فيها
بس عندي بعض الملاحظات في البداية :
1- الطلبات تكون من مواقع بريطانية فقط
2- بالنسبة للمحلات اللي ما عندهم مواقع على النت مابقدر اشتري منها
لان السوق بعيد عني اشوي وما اقدر كل يوم اروحله
3- الدفع يكون مقدماً من الزبونة وانا بعطيكم معلومات البنك والحساب اللي يخص زوجي في لندن او ممكن تحولون عن طريق الويسترن يونيون
4- عمولتي على كل طلبية تطلبينها (( 50 درهم )) على الطلبية كاملة مهما كان حجمها
5- ما اقدر اشتري اي شي عليه صور ذوات أرواح ( ما فيني آخذ إثم )،، فرجاءا محد يطلب شي عليه صورة سواء ثياب أو اكسسوار او غيره
يليت كل وحدة يوم تبا تطلب شي تحطلي :
1- رابط الموقع اللي طلبت منه
2- صورة المنتج ،،،، ورقم المنتج ،،،، ورابط الصفحة اللي فيها المنتج
عشان تسهل علي وما ايلس احووس فالموقع وانا ادور اللي تباه
3- الكمية اللي تباها ،،، واللون ،،، (والمقاس اذا بتطلب ثياب)
طبعاً بشوف لها كم بتكلفها الطلبية كاملة مع العمولة والشحن وبخبرها
اذا عجبها السعر تحوللي المبلغ من الصراف او بالويسترن يونيون
بالنسبة لبنات الامارات:
ممكن يحولون من الانصاري <<<< ياخذ 60 درهم على اي مبلغ يطرشه للندن
او الرستماني <<<<<<وهذا (اظن مب متأكدة) ياخذ 40 درهم على اي مبلغ
البضاعة اللي بتطلبينها برسلها على عنوانج بالبريد الجوي (ياخذ اسبوع لين يوصل)
والشحن بيكلفج عالكيلو تقريبا 70 درهم
وكل نص كيلو زيادة عليه 30 درهم
هذا كل اللي عندي من تفاصيل واذا تذكرت شي ثاني برد اكتبه ان شاء الله
واللي عندها اي سؤال تحطه اهني عالعام عشان الكل يستفيد
رجاءاً يا بنات اقروا الموضوع عدل عشان تكون عندكم خلفية كافية عن كل شي
والسموحة
...............
الروابط المفضلة