زيت لتنعيم الشعر وتطويله ( للمصريات )فقط

**ام سلمى الامورة** · 13-07-2005, 01:35 PM

زيت لتنعيم وتطويل الشعر روعة
السلام عليكم ورحمة الله وبركاته
صديقاتي العزيزات انا ام سلمى من مصر وكنت بابحث لبنتي شاهيناز عمرها 6 سنوات عن زيت لتغذية شعرها ووجدت نوع زيت رهيب يطول وينعم الشعر في وقت قصير جدا
لو مهتمين بالموضوع عايزة اشوف ردودكم وتفاعلكم معايا

**جنا أحمد** · 13-07-2005, 02:26 PM

السلام عليكم ورحمة الله وبركاته

أزيك يا أخت ام سلمى أنا برضه من مصر وسعيدة بمعرفتك
يا ترى ممكن تقولى اسم الزيت

**ام سلمى الامورة** · 13-07-2005, 02:42 PM

اهلا اختى الحبيبة جنا ونورتي الموضوع
الحقيقة هو عبارة عن مجموعة زيوت بس ريحتها وتاثيرها على الشعر روعة والصديقة اللى اشترته لي شكرت فيه جدا هي الزجاجة مكتوب عليها زيت الامازون لتنعيم وترطيب الشعر لو عايزة ممكن اسالها اشترته منين لاني جربت حاجات كتير ودا بس اللي كان له تاثير كويس بس انا اخدته منها وجربته وماسالتهاش منين لاني لم اكن واثقة انه هيكون بالجمال دا
وياريت تعرفيني انتي منين في مصر لاني عاملة رابط لبنات مصر علشان نسفيد من تجاربنا كلنا عن اماكن التسوق ومنين نلاقي احسن الاسعار وتجاربنا في كل المجالات
ودا الرابط اللي بقولك عليه ياريت تشرفيني فيه
http://www.lakii.com/vb/member.php?find=lastposter&f=17

**جنا أحمد** · 19-07-2005, 02:59 PM

أزيك يا أخت ام سلمى أنا سعيده

بمعرفتك شكرا لكى و أنا من الجيزه و أنتى؟

و معرفتش أدخل على الرابط يا ريت توضحى أزاى

**ام سلمى الامورة** · 24-07-2005, 09:14 AM

صباح الخير عليكي يا جنا وعلى كل الجيزاوية وعلى كل المنتدى وحشتوني جدا جدا وانا سافرت فجاة من يوم الاثنين لحد السبت ويادوب لسه واصلة قلت اصبح على حبايبي في المنتدي وياحبيبتي لو اللينك مش بيفتح معاكي ممكن تذهبي الى صفحة المواضيع هتلاقي ان اسمي اصبح لينك لصفحة المعلومات الخاصة بي وبالتالي سوف يظهر لك لينك باسم جميع مواضيع ام سلمى ولو انتي اون لاين في وقت محدد عرفيني بيه ممكن احاول اكون معاكي في نفس الوقت اون لاين

**خادمة القرآن** · 24-07-2005, 04:55 PM

بسم الله الرحمن الرحيم
السلام عليكم ورحمة الله وبركاته

أختى أم سلمة ياريت تقولى لنا على مكانة وسعره وأيضا تأكدى لى هل فعلآ يطيل الشعر
لأنها مشكلتى قصر شعرى ، وأنا أيضامن مصر ومحفظة قرآن ومن المهندسين
أريد التعرف عليكى .

**ام سلمى الامورة** · 25-07-2005, 09:25 AM

كتبت بواسطة خادمة القرآن

بسم الله الرحمن الرحيم
السلام عليكم ورحمة الله وبركاته

أختى أم سلمة ياريت تقولى لنا على مكانة وسعره وأيضا تأكدى لى هل فعلآ يطيل الشعر
لأنها مشكلتى قصر شعرى ، وأنا أيضامن مصر ومحفظة قرآن ومن المهندسين
أريد التعرف عليكى .

بسم الله الرحمن الرحيم السلام عليكم ورحمة الله وبركاته اختي الحبيبة خادمة القران ربنا يسعد ايامك وانا سعيدة جدا بانك نورتي الموضوع لاني فعلا محتاجة لحد يساعدني في حفظ القران

وانا على فكرة محجبة بس تقدري تقولي محتشمة يعني طرحة واللبس العادي بس الحمد لله بعيد عن الصيحات الحديثة في الحجاب اولا لاني مش باحب المنظر دا ابدا ان البنت تكون محجبة وفي نفس الوقت لابسه حاجات يعني انتي فاهمة

وثانيا بحكم اني ام لثلاثة اطفال وانتي بقى تخيلي عندي كام سنة

وانا مهتمة جدا بتجويد القران وحفظه وباكون سعيدة جدا لما اقابل اخت في الله في مسجد او في اي مكان واشعر انها فعلا محبة للقرآن ولديها من تعاليمه مايمكن ان تفيد به بارك الله فيكي وياريت تنوريني في رابط بنات مصر لاني واثقة من ان جميع من به سوف يستفيدون منك جدا وياريت يكون فيه رابط لتجويد القران وحفظه عموما انا من اكتوبر ومشتركة في النادي ومين عارف يمكن نكون اصحاب مع الوقت

**ام سلمى الامورة** · 25-07-2005, 09:29 AM

نيجي بقى لموضوع الزيت

هو اسمه زيت الامازون زي ماقلت للاخت جنا ولما سالت صديقتي قالت انه اشترته من عند عطارين الحسين او من عند الناس اللي بتبيع الزيوت العطرية والروائح وعلى فكرة هو مش غالي تخيلي زجاجة زي بتاعة دواء الاطفال فاهمة قصدي وب 2.5 جنيه

فقط بس فعلا بيطري الشعر جدا وبيخلي ملمسه مختلف تماما وياحبذا لو رحتي اشتريتيه تشتري اكثر من عبوة وخصوصا ان سعره رخيص لاني متخيلة انك لو عملتي منه حمام زيت هيكون روعة وخصوصا لو دفيتي الزيت شوية قبل عمل حمام الزيت

يالا بسرعة وفي اقرب وقت اشتريه وطمنيني عمل معاكي ايه وعلى فكرة فيه كمان صابونة انا اشتريتها من مطروح الاسبوع اللي فات ب 2جنيه بس هي موجودة في مصر اسمها duru وبتتباع عند محلات 2.5 جنيه للقطعة برده روعة روعة روعة وهي بزيت الزيتون بتخلي ريحة الشعر وملمسه فوق الوصف

**خادمة القرآن** · 25-07-2005, 02:06 PM

بسم الله الرحمن الرحيم
السلام عليكم ورحمة الله وبركاته
ام سلمى اشرحىلى بالتفصيل كيف الوصول الى الرابط لأنى جديدة على النت
وانشاء الله سوف أساعدكم فىتلاوةالقرآن لأنى والحمد لله لى عشرسنوات مع القرآن
وأدعوا الله أن يكون رفيقى فى قبرى ورفيقى فىالجنة
ولكن كيف أساعدكم وأنتم تحفظون هنا عن طريق الكتابة وأنا أريد مساعدتكم مشافهة لكى أصحح لكم
وتستمعوا لى لكى تعلموا الأخطاء.
وجزاك الله خيرا

**ام سلمى الامورة** · 26-07-2005, 10:12 AM

كتبت بواسطة خادمة القرآن

بسم الله الرحمن الرحيم
السلام عليكم ورحمة الله وبركاته
ام سلمى اشرحىلى بالتفصيل كيف الوصول الى الرابط لأنى جديدة على النت
وانشاء الله سوف أساعدكم فىتلاوةالقرآن لأنى والحمد لله لى عشرسنوات مع القرآن
وأدعوا الله أن يكون رفيقى فى قبرى ورفيقى فىالجنة
ولكن كيف أساعدكم وأنتم تحفظون هنا عن طريق الكتابة وأنا أريد مساعدتكم مشافهة لكى أصحح لكم
وتستمعوا لى لكى تعلموا الأخطاء.
وجزاك الله خيرا

الاخت الحبيبة
اولا علشان تدخلي على الرابط انا كنت كتبته في رسالة سابقة الرد رقم 3 في الموضوع اللي انتي موجودة فيه دا كل اللي عليكي انك تضعي الماوس على الرابط هيتحول الى لينك تضغطي عليه تكوني داخله وتضيف كما تفعلي هنا بالظبط بعد قراته ومعرفة مضمونه ارجو ان اكون افدتك لاني مااعرفش اشرح اوي
ياريت لو انتي ظروفك تسمح نتقابل في مكان معين وانا ممكن تكون معايا اكثر من اخت يتمنوا انهم يتعلموا التجويد وكمان نحفظ وادعو الله ان يتقبل منك يارب ويجعله في ميزان حسناتك
عموما كما قلت لك انا عضوة في نادي 6 اكتوبر وانتي قلتي انك من المهندسين وانا اعرف ان فيه اعضاء كتير من المهندسين اشتركوا في النادي فهل انتي مشتركة فيه ياريت لاني انا يوميا هناك علشان تدريبات الاولاد وباعرف كام اخت فعلا هيكون وجودك معانا مفيد لينا كلنا جدا بدل القيل والقال
على فكرة انا اختي الكبيرة جوزها تعلم تجويد القران واخد ماتسمى شهادة انه قادر على التعلم وهما عاملين فيلا جديدة في الرماية ووعدونا لما تخلص باذن الله الصيف دا هيكون فيه مكان فيها مخصص للحفظ والتجويد ولما قرات مرة امامه قال لي اني فعلا باتلو صح يعني حاجات بسيطة قوي بس انا فعلا نفسي اتقن التجويد علشان ابدا احفظ
معلشي طولت عليكي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: زيت لتنعيم الشعر وتطويله ( للمصريات )فقط

أدوات الموضوع

العرض