تعالوشوفو ايش صار مع هادي التاجرة ادخلو عشان تعرفوها
--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته
كيفكم اليوم يافراشات انشاءالله بخير
انا حابه اكتب اليوم تجربتي مع احدى التاجرات
عشان الكل يستفيد احنا اليوم جمعه وانشاءالله تكون مباركة
على الكل,,, المهم يوم الثلاثاء الماضي يعني قبل 3 ايام بالتمام
نزلت موضوع اني ابغا اتعامل مع تاجرة عطور بس بشرط تكووون
عطورها حلوة ومافيها عيب لاني اتعاملت مع كزا شخص بس للأمانه من بره المنتدى
وكانت العطور اما انها يتسرب العطر من غطاها ا و اني يصير زي الزيت
فنزلت الموضوع لانو كانو في ناس طالبينني عطوووور ويبغوها بأقصى حد اليوم الجمعه
لأنهم مسافرين المهم بنات رشحولي تاجرا ت كثير وشفت عرض كل وحده واعتقد انهم كلهم
بنفس الجودة بس وقع اختياري على تاجرة بالذات ليييييييييه؟؟
لأنها من الرياض يعني اقرب شي للغربيه وغير كده انها ضمنتلي انو البضاعه توصل بخلال 48 ساعه
عشان الحق اسلمها للناس هادا الكلام متى يوم الثلاثاء يعني قلت اكيد بتوصل اليوم الجمعه
انشاءالله الحق اسلمها للناس لاني حولتلها المبلغ الثلاثاء بالمسا وشحنتلي العطور الاربعاء الصباح
ورسلتلي رساله الاربعاء المسا انو البضاعه بكره بتوصل قلت خير انشاءالله نشوف
وانتظرت وانتظرت وتخيلو كنت رايحة بيت اهلي ويتصلو شركة الشحن انو البضاعه وصلت ماصدقت
كنت متوقعه انها تتأخر لانها ماكملت 48 ساعه يوم ونص بس ووصلت ا لبضاعه طبعا لسه باقي
اروح اطمن واشوف كيف العطور بينكب العطر من القارورة من الغطا ولا كيف
واروح والقاها ماشاءاللله لافه كل عطر بعنايه بورق عشان لايتكسر والعطووور مافيها اي عيب
لا تزييت ولا تسرب وكانت في مفاجأة اني طلبتها 6 عطوور وكان المبلغ ل6 بس لكنها
رسلتلي 7 عطوووور وبصراحة كان في فرق شاسع بين العطور الي اجيبها وعطور هاذي التاجرة
ان كان في الشكل ولا عبوة العطر اوحتى التركيز
وتخيلو امس الخميس سلمت طلبية العطور وكانو الي طالبينها 4 بس و2 انباعو على طول بنفس الوقت
والي بقي بخليه ليا وبجمع طلبيه تانيه وحطلبها منها
تبغو تعرفو مين هيا هادي التاجره
^
^
^
^
^
^
^
^
^
معليش تعبتكم بس صراحة هيا تستحق
التاجرة هيا ام عبدالعزيز التميمي الله يوفقها ويسعدها ويباركلها في تجارتها
غير كده تعاملها جدا راقي ونا بعد كده ماراح اجيب الا من عطورها
وبنات مكه اذا حابين شي من عندها وماتقدرو تحولو المبالغ وعندكم مشاكل في الشحن
يسعدني اني اطلبلكم هيا منها واستلمها واوصلكم هيا او تجو تاخدوها من عندي..
ام عبدالعزيز التميمي لكي كل خالص شكري واحترامي واتمنالك المزيد المزيد
من النجاح والتوفيق...
والي تدخل تشوف الموضوع ان كانت اتعاملت مع هاذي التاجره وحابه تكتب تجربتها
او توجهلها كلمة شكر حياها ....
الروابط المفضلة