السلام عليكم ورحمة الله وبركاتة
كيفكم بنوتاتنا بنات لكِ الرائعات خواتي وحبيباتي كيفكم
عساكم بخير
دخلاتي صارت وااااايد قليلة
لان هالايام عندي شغلات وااايد لازم اسويها
وفيه مشكلة صايرة والاهل موصيني يعني موكليني بجزء من هالمشكلة أقوم بحلة
وعاد تعالوا شوفوني مسوية اتفلسف وحركات بس والله المشكلة كبيرة شوية ويبيلها تفكير وروية
والله يعين ويسهل بس دعواتكم لي اني اتوفق واساهم بحل ولو جزء بسيط من المشكلة
وافرّح قلبي وقلبها >>قلب مين قلب اختي وحبيبتي وروح روحي المهم لاتنسوني وتنسونها من دعواتكم
اسمعوني ياحلوات مو هذا موضوعي
موضوعي هو اني كنت افرفر في المنتديات وطحت لي على موضوع
بصراحة عجبني مااكذب عليكم وقلت ياشموخة ليش ماتنقلينه لبنات منتداك حبيباتك
قلت طيب
الموضوع يتكلم عن
(الاصلاح ذات البين )
بصراحة بيني وبينكم احيانا نمر بمشاكل نتنرفز نزعل من صديقاتنا من بنات تعرفنا عليهم بالجامعة بالمسجد >>أيام رمضان والله مرة رحت جامع اللي يصلي فيه الشيخ القطامي رحت مع اخوي اخوي دوم يمدح لي صوته رحت يابنات اش اجواء ايمانية اش بنات يووووه تمنيت اني طلبتكم كلكم تقابلوني هناك والله اجواء وبنات فعلا تحسين تسابق للفوز باعللى الدرجات وبنات يتعرفون على بعض ويقولون اليوم بنعتكف للقيام وااااه ياحسرة قلبي على ذاك المسجد وهذيك البناات الله يجمعني بهم قريب يارب نرجع نكمل وايضا اللي تعرفتي عليهم بمحاضرات اوبملتقى نسائي وبالمنتدى مثلا يعني الشيطان مايريح احد
المهم تصير هوشة وزعل ومدري كيف
طيب مافكرتي في نتيجة هالزعل
طيب هي راحت وانتي رحتي مافيه شئ يدوم
بعد كذا حساب وجزاء
لا اله الا الله
والله اننا نغفل كثير
انا احيانا
((انا شموخ احيانا اعصب وتوصل معاي واتنرفز خلااص اعوذ بالله من الشيطان
بس يوم يومين احاول اهدّي نفسي اقهر نفسي ياشموخ الدنيا فاااانية
يابنت مابتدومين على طول
الله العالم كم بقى لي من يوم في هالدنيا
الدنيا فانية
اقهر نفسي بهالكلام عشان ؟؟!!))>>اعتراف خطير من شموخ
عشان ايش
عشان مااحقد ولا اشيل بقلبي على اي وحدة مها كانت
واحتسب الاجر عند الله وصدقيني مايضيع اجرك ابد عنده سبحانة
كلنا نقدر نتكلم نرد نهزئ نجرح سهلة صح
لكن راح نخسر نخسر اشايء كثير نخسر رضى ربنا نخسر الجنة نخسر سعادة قلوبنا
شلون تنااامين وفيه انسانة بقلبها شئ عليك
جرحتيها
غلطتي عليها
يابنت انتي واثقة انك بتصحين بكرة
والله ماندري كم بقي لي وبقي لك
فونا افرفرعالمنتديات جبت لكم هالموضوع اللي عجبني حيل ونقلته لكم بتصرف >>يعني ببعض التعديلات
وبسم الله الرحمن الرحيم
بسم الله الرحمن الرحيم
الحمد لله والصلاة والسلام على رسول الله وعلى آله وصحبه أجمعين..
أما بعد:
السلام عليكم ورحمة الله وبركاته
أخواتي الغاليات إن الهدف من طرحي لهذا الموضوع هو :
"إصــــــلاح ذات البيـــــن"
وبمـا أننـا فـي منتـدى واحـد فيجـب أن تكـون قلوبنـا صافيـة اتجـاه بعضنـا البعـض
أي أن لا يملأ قلوبنـا الحقـد والكـره والخصـام
،،
وإنمـا يمـلأها الحـب فـي اللـه والمـودة والاحتـرام
فأرجوكـم أخواتـي إن كـانت هنـاك أي مشرفـة أو عضـوة في هـذا المنتـدى الطيـب متخاصمـة مـع مشرفـة أو عضـوة أخـرى أن تتسامــح منها وتطلـب منهـا الصفـح ، والعفـو ، ولاتنسـوا أن ((خيركـم من تبدأ بالســلام)),,
أخواتـي اقرؤوا هـذا الحديـث الشريـف بتمعـن فصدقونـي من تخشَ النـار ستصالـح من هجـرت بعد قراءتهـا لهـذا الحديـث مبااااشــرة ولن تتردد أبـداً.
((عن أبي هريـرة قال:قال رسول الله صلى الله عليه وسلم: لا يحـل لمسلـم أن يهجـر أخـاه فـوق ثلاث فمـن هجـر فوق ثلاث فمـات دخل النـــار)) صحيح ابي داوود
(( أعاذنــا الله وإياكـن من النــار))
حبيبتـــــــــي..
أكتبــي في هـذا الموضــوع اسم المشرفــة أو العضــوة التي تريديــن أن تتصالحــي معها>>اذا حابة او ارسلي لها رسالة خاصة ، وأفشـي السـلام عليها ، وعبري عن مايجــول بخاطــرك اتجاهها ، حتى يتم الصلــح بينكــن .
..وأخيــــــراً أقووول..
إن الحـب في الله عظيــم وعظيــم جــداً وهذه بعض الأحاديـث الشريفــة أترككـن معهـا للاستفــادة منهـــا..
" ما تحاب اثنان في الله تعالى إلا كان أفضلهما أشدهما حبا لصاحبه " رواه ابن حبان وصححه الالباني
عن جرير أن عمر بن الخطاب قال: قال النبي صلى الله عليه وسلم: إن من عبــاد الله لأناسـا ما هم بأنبيـاء ولا شهـداء يغبطهــم الأنبيــاء والشهــداء يوم القيامــة بمكانهـم من الله تعالــى قالوا: يا رســول الله تخبـرنا من هم قال: هم قوم تحابــوا بروح الله على غير أرحــام بينهـم ولا أمـوال يتعاطونهـا فوالله إن وجوههـم لنـــور وإنهـم على نــور لا يخافــون إذا خـاف النـاس ولا يحزنـون إذا حـزن النـاس ، وقرأ هذه الآيــة {ألا إن أوليــاء الله لا خوف عليهــم ولا هم يحزنــون}. (صحيح أبي داود)
" عن أبي هريــرة رضي الله عنه أن النبي صلى الله عليه وسلم أخبر أن الله يقول يوم القيامــة : أيـن المتحابـون بجلالـي اليـوم أظلهـم في ظلـي يـوم لا ظـل الا ظلــي" صحيح مسلم
(( نسـأل الله أن يظلنـا في ظلـه يوم لا ظــل الا ظلــه))
كلمات انشودة مرفقة بس ماقدرت ارفقها لان رابطها مش موجود
ما للزعــل والله مكــان بيننــا
حنـا تصافينــا على روح وجسـد
لو عــاذل قال الغرايــر بيننــا
ما تأثـر قلبي من واشٍ حسـد
بيننا عشرة عمـر ماهي بيوم
بيننا كل المشاعـــر صادقــه
ياعسى مابيننا دايــم يدوم
وتنكتـب بالعمر صفحة مشرقـه
لا تفكر ان قلبـي يوم يشيــل
الغـــلا واضـح ولا اقدر اوصفــه
يارفيــق الروح هذا مستحيـل
قلبـــي مايزعـــل وانت تعرفـه
ما اجتمعنــا انا وانت الا لخيـر
صاحـب صان الوفاء عهد اللقاء
والرجاء يوم اللقـاء ظل ظليــل
نبقى فيها الدرب لو طال البقاء
الله يجزى صاحبة الموضوع جنة الفردوس
يالله ياحلوات شدو حيلكم وخلوكم قويات شوي على انفسكم ادري بتقولون صعبة وكرامة ومدري وش
صعبة !!
طيب سهل عليك انك تضحين برضا ربك طيب عشان ربك بس وتذكري الجنة
تذكري انك ماانتي بدايمة لا انتي ولاهي اجبري بخاطرها ربي يجبر بخاطرك
يابنت الدنيا فانية وكم بقى لنا نعيييش
على فكرة عندي اضافة عالموضوع
ماودي يقتصر الموضوع على بنات المنتدى بس اذا فيه اي انسانة صديقتك بنت جيرانكم بنت عمك متهاوشين مع بعض ياليت تحلّوا اللي بينكم لا تخلوا الشيطان يلعب
يالله حبيباتي مااطول عليكم
سلمولي على الغايبات اذا جاءوا
واللي بلّغت عنهم بموضوع خنوسة
ولاتنسوني من دعواتكم
ربي يوفقكم ويسعدكم ويصلح مابينكم يارب
اختكم
شمّو >>>اسم جديد يسعدلي الغلا اللي جابته على فكرة تراه عجبني حييييل والله حلو تسلمي لي ياعسل
الروابط المفضلة